Бугунги ҳаётда қалблар изтиробда

بِسْمِ اللهِ الرَّحْمٰنِ الرَّحِيم

Ҳар томонга юзланинг, инсонларда ҳадик, ташвиш, ҳасрат, надомат ва бошқа салбий кўринишларга гувоҳ бўласиз. Ҳеч бир инсон йўқки, ташвишсиз ҳаёт кечираётган ва яшаш тарзидан қалби хотиржам бўлса. Шунинг учун аксар инсонлар инсонни рози қилувчи яшаш тарзидан умидни узишган ва бундай ҳаёт бўлиши мумкин эмас, деган хулосага келиб бўлишган. Атрофингизга қарасангиз ростдан ҳам шундай, яъни қалб хотиржам бўладиган ҳаётни орзу қилиш ёки тентакликдек кўринади ёки бу жиноят ҳисобланади. Эътиқоди бўйича яшашга йўл йўқ. Ҳаёт бузилган, у ўз тизгинини йўқотган.

Ғарб ҳаётида ҳам ҳаммаси жойида эмас. Ўзини ўлдириш ҳолатлари жуда ҳам кўп. Жиноятчилик шунчалик кўпки, болаларини хотиржам мактабга жўната олишмайди. Ташқаридан қараганда ўзига тортадиган гўзал бўлиб кўринса-да, аслида инсонлар ёлғизликдан қийналадиган, дардини эшитишга одам топа олмайдиган ёки пул тўлаб дардини баён қиладиган, умидсизлик қарига чўмган, ҳеч нарсанинг қадр-қиймати қолмаган ҳаёт.

Бизнинг минтақаларда ҳам шундай-ку, дейиш мумкин, тўғри бизнинг ҳаёт ҳам худди шундай, деярли ғарбникидан кам эмас, сабаби ҳаётнинг бундай бўлишида ғарб ёки шарқ эканлиги эмас, асл сабаб яшашнинг хатолигида. Деярли, дея баъзи нарсаларни фарқи борлигини билдириб ўтганимизнинг сабаби бизнинг диёрлар исломий ҳаёт билан яшаб ўтган аждодларнинг авлодларидир. Шунинг учун аждодлардан қолган нарсаларгина бугун ғарб ҳаётидан бизни ажратиб турибди.

Нега энди ҳаёт изтироблардан иборат бўлиб қолди? Бунинг сабаби инсон фитрати (инсон табиати) га зид бўлган тузумнинг татбиқ қилинаётгани. Шунинг учун бугунги кунда ўз ҳаётидан рози бўлган инсонни топиш қийин бўлиб қолди. Чунки фитратга зид ҳаёт инсонларни чарчатди. Айниқса, мусулмонлар фитратига ҳам, эътиқодига ҳам зид ҳаётни бошдан кечиришмоқда.

Бундай изтиробли ҳаётдан қутулишнинг ягона йўли мавжуд. У  ҳам бўлса исломий ҳаётни қуришдир. Исломгина инсон фитратига мос  бўлиб, фақат исломий ҳаёт инсоният қалбини ҳақиқий маънода хотиржам қила олади.

Ҳизб ут-Таҳрирнинг Ўзбекистондаги медиа офиси. Абдуллоҳ

30.05.2020й