بِسْمِ اللهِ الرَّحْمنِ الرَّحِيمِ 

Роя газетаси:

Cаудия ҳукмдорлари мусулмонлар пулларини АҚШнинг миллий хавфсизлигини ҳимоя қилиш йўлида совуришмоқда

Ҳижрий 1439 йил 17 муҳаррам, милодий 2017 йил 7 октябр шанба куни «Франс-Пресс» агентлиги сайтида нашр қилинган хабарда бундай дейилади: «Жума куни АҚШ мудофаа вазирлиги (Пентагон)нинг маълум қилишича, АҚШ ташқи ишлар вазирлиги, Саудия билан қиймати 15 миллиард долларга тенг ракеталарга қарши «ТНААD» мудофаа тизимини сотиш келишувини тасдиқлади.

Пентагон баёнотида яна бундай дейилади: «Бу савдо АҚШ миллий хавфсизлиги ва ташқи сиёсати манфаатларини қўллаб-қувватлайди ҳамда Эронга ва бошқа регионал таҳдидларга қарши туришда Саудия Арабистони, шунингдек Форс Кўрфази минтақаси хавфсизлигини узоқ вақт мустаҳкамлайди», дейилади.

 Амирликлар ва Қатарга ҳам сотилган «ТНААD» тизими, АҚШ арсеналидаги энг кучли ҳаво мудофааларидан бири ҳисобланади ва ривожланган радар тизими билан жиҳозланган.

Яқинда Америка армияси айни тизимни Шимолий Корея таҳдидларига қарши мудофаа сифатида Жанубий Кореяга жойлаштирди ва бу Пекинда қатор норозилик намойишларга сабаб бўлди. Пекин бу тизимнинг жойлаштирилиши Хитой ҳаво бўшлиғини ёриб ўтишга етарлилигидан ва ўз навбатида, минтақадаги ҳарбий мувозанатни издан чиқариши мумкинлигидан хавотирланмоқда.

Пентагон ўз баёнотида – биз конгрессга Саудияни «ТНААD» тизими билан қуроллантириш Форс Кўрфазидаги вазиятни барқарорлаштиришни, Эроннинг ракеталарни ривожлантириш таҳдиди мавжуд бўлиб турган бир пайтда, АҚШ ва унинг минтақадаги иттифоқчилари кучларини ҳимоя қилишга хизмат қилишини уқтирамиз, деди».

Роя газетаси шарҳи:

Бу нарса мусулмонлар пуллари Саудия ҳукмдорлари томонидан АҚШ миллий хавфсизлиги ҳимояси йўлида сарфланаётганини англатади. Бир жиҳатдан, Американинг ўнлаб йиллардан бери амалга ошираётган режаси Эронни минтақага таҳдид қилиб туришга ундаш ва шу орқали – Эрон таҳдидидан сизларни ҳимоя қиламан, деган даъво билан Форс Кўрфази давлатларига ҳукмронлик қилишдир. Иккинчи жиҳатдан, барча Кўрфаз давлатларидаги ўлпон тўловчи рувайбизалар, Трамп замонига келиб, Американинг емирилаётган иқтисодиётини сақлаб қолувчи муҳим воситаларидан бирига айланиб, қолди. Учинчи жиҳатдан, Америка жорий йилда Шимолий Кореянинг ҳар қандай қисқа масофали ракеталари ҳужумидан ҳимояланиш мақсадида Жанубий Кореяга «ТНААD» тизимини жойлаштирди. Бу иши Хитойнинг кескин танқидларига учради. Хитой режими айни тизимдаги кучли радар тизими унинг Хитой ерларидаги фаолиятларига қарши жосуслик қилаётганини таъкидлади. Демак, энди «ТНААD» тизимини Нажд ва Ҳижозга ўрнатиш, АҚШга бутун минтақани назорат қилиш имконини беради. Чунки Саудия режими бу тизимни бошқарувчи америкалик гуруҳларсиз ундан фойдаланиш қудратига эга эмас.

Роя газетасининг 2017 йил 11 октябр чоршанба кунги 151-сонидан