بِسْمِ اللهِ الرَّحْمنِ الرَّحِيمِ 

Роя газетаси:

Тал Жобия тарафида Росулуллоҳ САВнинг роя ва ливоси кўтарилиши Дамашқ фатҳ қилинган илк даврни эсга солиб иккинчи фатҳдан хабар бермоқда

Муҳандис Комил Хавроний қаламига мансуб

Олти йилдирки, Шом аҳли бошлаган муборак қўзғолон поезди ўзининг сўнгги бекати Дамашқ сари ҳаракатланиб бормоқда. Дамашққа кириб боргач илоннинг боши кесилади. Сўнг режим қулатилиб, мусулмонлар у ерда Ислом қалъасини қурадилар. Бу қалъада мусулмонлар Исломни татбиқ қилиб, сўнг бу буюк динни оламга олиб чиқадилар, шунда олам бу қалъага ихтиёрий равишда киради.

Муборак Шом қўзғолони ўзининг узун сафарида Женева, Қоҳира ва Риёз бекатларини босиб ўтди… Ҳар бир бекатда сафарда қийналган ёки бекатга маҳлиё бўлган йўловчилар тушиб қолди, лекин худди шу бекатларда улардан ҳам кўпроқ йўловчилар чиқди…

Поезд Нью-Йорк, Вена ва Остона бекатларидан ўтди, лекин бу бекатлар бир шов-шув бўлдида, сўнг хабарга айланди…

Поезд бугун Остона бекатига келди, бу ерда йўловчиларни қўзғолон поездидан тушириш ёки поездни тўхтатиш кўзланмоқда!

Остонада поезддан тушган йўловчилар ўз аҳлидан ажралиб қолганларини тушунишди… Лекин уларнинг қўзғолонлари эй одамлар биз билан бирга чиқинг деса, улар (оятда айтилганидек) – бизни ўтдан сақлайдиган тоққа чиқиб, ўшандан бошпана топамиз дейишяпти гўё!! Эй Шом аҳли, ўтдан Аллоҳнинг марҳамати остидаги инсонларгина сақлана олади. Гуруҳлар етакчилари билан уларни қўллайдиган халқ ўртасини қўллаб-қувватловчи давлатлар томонидан берилган маблағлар тўсиб қўйди. Шунинг учун улар ғарқ бўлувчилардан бўлиши ҳам мумкин. Чунки, қўллаб-қувватловчи давлатлардан олинган пуллар ҳаромдир, «Ҳаромдан озуқаланиб пишган мева, дўзахга элтади»…

Эй Остонада тушиб қолган Уммат фарзандлари қайтинг ва қўзғолон поездига чиқинг ҳамда солиҳ амаллар билан шуғулланинг, шояд Аллоҳ гуноҳларингизни кечирса. Агар шундай қилмасангиз гуноҳингизга яна гуноҳ қўшилади, сўнг қиёмат келгач қилган ишларингизга жавоб берасиз…

Бу Остона етакчиларининг аҳволидир, аммо бошқа мусулмонларчи, улар Шом қўзғолони поезди уларнинг ҳам поезди эканини ҳамда Шом қўзғолони эса уларнинг ҳам қўзғолони эканини билишармикан. Шом муаммоси дунёдаги бирламчи муаммога, Америка муаммосига, ҳатто Ғарб давлатлари муаммосига айланди…

Ғарб давлатлари муаммоси деган гапимизга келсак, бу давлатлар мусулмонларни ўз динини маҳкам ушлаётгани, ўша динни ҳаёт программаси сифатида ушлашга ҳаракат қилишаётгани ва Ислом шариати билан бошқарадиган ҳоким соясида азиз бўлиб яшашни хоҳлашаётганини кўриб турибди… Ғарб давлатлари яна биладиларки, мусулмонлар бу билангина кифояланмай Исломни нур сифатида дунёга олиб чиқиб юртларни фатҳ қиладилар, инсониятни капитализм зулматидан Ислом нури ва ҳидоятига олиб чиқадилар. Ана ўшанда одамлар Пайғамбаримиз: «Умматим ернинг менга кўрсатилган еригача эгалик қилади» деб башорат қилганидек Аллоҳнинг динига тўда-тўда бўлиб киради. Сўнг кофирларнинг тахтлари қулайди, барча жойларда одамларни ўлдириб, ҳурматини тўкаётган ваҳший Ғарб давлатлари йўқ бўлади…

Ғарб ўз ҳазорати Ислом ҳазорати қаршисида тура олмаслигини ҳамда Исломга ҳақиқий қарши чиқа олмаслигини яхши билади. Шунинг учун ғарбликларнинг Европа Халифалик давлати қаршисида тезда қулаши ҳақидаги баёнотларини эшитмоқдамиз.

Шунинг учун Ғарб мусулмонлар билан уларнинг Пайғамбарлик минҳожи асосидаги иккинчи рошид Халифалик давлатини тиклашлари орасини тўсишга ҳаракат қилади. Шунинг учун у эртаю-кеч Шом поездини тўхтатишга ҳаракат қилаётганига гувоҳ бўлиб турибмиз… Лекин у бу ишга кучи етмайди, фитна ортидан фитна қилади, араб давлатлари режимлари, исломий юрт давлатлари режимларидан ёрдам сўрайди. Эрон ва унинг гуруҳларидан, Россиядан, Саудия ва Туркия режимидан ёрдам сўрайди лекин бу ишга кучи етмайди. Ҳатто бугун Шом қўзғолони поездини ишдан чиқаришда муваффақиятга эришмади ва Аллоҳнинг изни билан эриша олмайди ҳам. Лекин Ғарб бугун барча кучини тўплаб, охирги Остона бекатида поездни тўхтатиш учун ташлаяпти. Чунки Ғарб давлатлари Шом қўзғолони ўзига қанчалик хатарли эканини билади, шунинг учун унга барҳам беришни хоҳлайди.

Аммо мусулмонларчи, мусулмонлар Шом қўзғолони муаммосини билишармикан?

Барча мусулмонлар Шом муаммосини яхши тушунишлари шарт. Чунки Шом муаммоси оламни Ислом адолати ва яхшилиги билан бошқарган ҳамда азиз Халифалик вужудида яшаган Исломий Уммат муаммосининг айнан ўзидир.

Уммат Халифалиги парчалангандан кейин бир неча бўлакларга бўлиниб кетди. Шундан сўнг Ғарб манфаатини ҳимоя қилишлари ва Уммат ўз динига қайтиши олдини олишлари учун тиклаб қўйган ҳокимлар қўлида хор бўлиб яшамоқда.

Умматимиз учун бирор кун йўқки, у кўзидан ёш оқмаса, қон тўкмаса ва болаларини тобутда кўтармаса…

Бу Умматимиз муаммосидир… Ислом соясида азиз ҳаёт кечириш учун ҳаракат қилаётган Умматимиз муаммосидир.

Ундай бўлса, Шом аҳли муаммоси нима?

Шом аҳли муаммоси шуки, улар фисқу фужурга тўла режимдан озод бўлишни хоҳлашяпти. Улар озодлик ва режимни қулатиш лозим дея ҳайқириб кўчага чиқишди ҳамда Ислом соясида яшашни исташяпти. Улар барча қурбонликларни ва қимматбаҳо нарсаларини беришди.

Шом аҳли поездининг юришига нима тўсқинлик қилмоқда?

Тўсиқ шуки, айрим йўловчилар, яъни гуруҳлар етакчилари душманлари бўлмиш Ғарбга қулоқ солишяпти ҳамда ундан ечим ва муолажа сўрашяпти!!

Унда ечим нима?

Ечим шуки, ҳуқуқ душмандан сўралмайди, балки у тортиб олинади.

Ғарб қачон мусулмонларнинг бирор муаммосини ечишга аралашса, унинг ечими мусулмонларга бало бўлган ва ўша пайтдан бошлаб уларнинг кўзидан ёш оққан ва қон тўкилган.

Атрофингиздаги воқелик шуни кўрсатмоқда… Мусулмонларнинг ҳокимлари Фаластин муаммосини ечиб бериш учун Ғарб қўлига топширишган кун Ғарб биздан барча ҳуқуқларни, ҳатто Масжидул Ақсода намоз ўқиш ҳуқуқини ҳам тортиб олди!!

Ҳокимлар Ғарб қўлига ташлаб қўйган бошқа муаммолар ҳам талайгинадир. Мусулмонлар тириклайин ёқилаётган Бирма муаммоси, мусулмонларни тириклайин сўйиб еяётган Марказий Африка муаммоси, Босния, Герцогавина, Косово, Чеченистон, Афғонистон муаммолари ҳамда мусулмонларнинг ўзлари тасарруф ҳуқуқига эга бўлмаган нефт муаммоси ва бошқа бойликлар муаммоси шулар жумласидандир.

Эй Шом аҳли!

Америка ва Ғарб дўстмиз деб даъво қилаётган бўлсалар-да, улар душманимиздир.

Ҳокимлар кофирларнинг малайлари ва бизнинг устимиздаги қуролларидир.

Ғарб арқонларини гарчи кўмак ва пул бўлса-да кесиш лозим.

Гуруҳлар Ғарб ва қўллаб-қувватловчи давлатлар қарорига боғланиб қолишдан сақланиши лозим.

Гарчи йўл машаққатли бўлса-да, унинг ярмида тўхтаб қолиш ҳалокатлидир.

Шом аҳли Умматнинг ҳокимларидан халос бўлиши ҳамда Ғарб давлатлари ва уларнинг таъсиридан озод бўлишидаги умидидир.

Шом қўзғолони поезди йўлни биладиган, йўлни кесишга ҳаракат қилаётган давлатлар хатарини тушунадиган ва ҳар бир бекатни пухта биладиган капитанга муҳтож… Шунингдек охирги бекат Дамашқ эканини, йўловчилар қаергача боришини, мусулмонлар вужудини қуриш учун нималар қилиши шартлиги, бу вужуд қандай идора қилиниши, асослари қандай мустаҳкам бўлиши, атрофдаги давлатлардан ўзини қандай ҳимоя қилишини биладиган капитанга муҳтож…

Шом аҳли ва мусулмонлар Шом аҳли поезди Дамашққа етгунича Росулуллоҳ САВ йўлидан заррача оғмай боришини билишлари лозим…

Ўтган жума Наво шаҳрида қўзғолон поезди тўхтамаслиги учун Остона бекатини фош қилиш мақсадида Ҳизб ут-Таҳрир Остона конференциясига қарши ўтказган ва бошқа минтақаларда ҳам давом этган намойишда кўтарилган уқоб байроғи мусулмонларга буюк хотира ва кириб келаётган хушхабарни эсига солди. Тал Жобия саҳобалар Дамашқни фатҳ қилган кунда кўтарган уқоб байроғи аввалги фатҳ хушхабарлари у ердан эсаётганига гувоҳ бўлган бўлса, бугун Дамашқ фатҳи яқинлашганига гувоҳ бўлмоқда. Хаврон аҳли Дамашқ фатҳи Хаврондан бошланганини билармикан?

Наво аҳли эса Дамашққа кетган йўл Тал Жобиядан ўтишини билармикан?

Росулуллоҳ САВнинг уқоб ва ливо байроқлари Тал Жобия чегараси узра кўтарилса ва у ернинг аҳли ҳа деб жавоб қилса ажаб эмас. Лекин албатта бу ерда у иккисини кўтарадиган сиёсий етакчилик шарт…

Ҳа, Аллоҳнинг изни билан бу байроқлар барча мусулмонлар учун хушхабардир. Шом қўзғолони поезди ўзининг охирги бекати бўлмиш Дамашққа тўхтайди ва мусулмон йўловчилар у ерда тушиб, жиноятчи режим қалъасини парчалайди ҳамда буюк Ислом қўрғонини қуришади.

Роя газетасининг 2017 йил 27 сентябр чоршанба кунги 149-сонидан