Илмоний либерал сиёсат мусулмонлардан нафратланиш туйғусини кучайтирмоқда
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Илмоний либерал сиёсат мусулмонлардан нафратланиш туйғусини кучайтирмоқда
Кеча чиқарилган фикр сўровлари натижаси австралияликлардан 49 % бу юртга мусулмонларнинг кўчиб келишларига тақиқ қўйилишини қўллаб-қувватлашини кўрсатди. Улар асосан, «мусулмонлар террорни олиб келиши мумкин», дея хавфсирашгани ҳамда мусулмонлар Австралия қадриятларини ёки қоришиш (интеграция) мафкурасини қабул қилмайди дея ишонишгани учун бу тақиқни қўллаб-қувватлашган. Бу сўровнинг қанчалар тўғри-нотўғрилигидан қатъий назар, бутун Ғарб давлатларида мусулмонлардан нафратланиш туйғусининг тобора кучаяётганига шубҳа йўқ.
Ҳизб ут-Таҳрир-Австралия қуйидагиларни таъкидлайди:
1 – Мусулмонлардан нафратланиш туйғусининг авж олаётгани хавотирли ҳол, албатта. Лекин шундай бўлиши ажабланарли эмас. Чунки бу бирин-кетин келаётган Австралия ҳукуматларининг ўн беш йиллик сиёсий кампаниясидан кутилган натижадир. Улар австралияликларни Ислом ва мусулмонлардан нафратланишга гижгижлаш ва улардан шубҳаланиш уруғини экиш сиёсатини қўллашди. Бундай гижгижлаш кампаниясига сиёсатчилар етакчилик қилди ва асосий ахборот воситалари кечаю кундуз бу ҳақда бонг урди. Улар «зўравонликлар сабабчиси исломий эътиқодлардир» деган хато фикрни сингдириш учун «террор ҳужумлари», деган нарсадан фойдаланишди. Уларнинг даъвосича Исломнинг ўзи – бундан Аллоҳ сақласин – шубҳали бўлиб, уни ислоҳ қилиш лозим эмиш…! Ўн беш йилдан бери бу сиёсатчилар Исломни бир сиёсий тўп ўрнида кўришмоқда. Уни ахборот воситалари орқали тўхтовсиз таҳқирлашганини, мазаҳ қилишганини-ку, айтмасак ҳам бўлади. Ўн беш йил мобайнида Ислом ва мусулмонларга миллий хавфсизлик, «терроризм», қадриятлар ва қоришиш (интеграция)… нуқтаи назари билан қаралди. Мана шундай сиёсатлардан яна қандай натижа кутиш мумкин?!
2 – Парадоксни (ҳайратга солувчи фарқни) қарангки, шу ўн беш йил мобайнида Ғарб кучлари мусулмонлар юртларини босиб олиб, вайрон қилди, Ғарб араб қўзғолонларидан дастак сифатида фойдаланди… буларнинг бари, бугун Сурияда кўриб турганимиздек, вайронагарчиликларга олиб келди. Ғарб Ислом оламидаги мустабид ҳукмдорларни қўллаб-қувватлади ва қонунбузарликнинг ҳамма турини содир этди, буни Абу Ғурайб ва Гуантанамо шундоқ исботлаб турибди… Лекин ахборот воситаларидаги сиёсий чалғитувлар қурбони бўлмиш мусулмонлар яна муаммога айланди! Австралиядаги тор фикрловчи сиёсатнинг кўр-кўрона ғаразгўйлиги мана шу!
3 – Айни пайтда, бу очиқ душманликнинг олдинги сафида экстремистик ўнгчилар турибди. Буни қасддан шундай қилишди. Бу билан барча танқидни шу нарсага қаратишни ҳамда бўлаётган воқеа-ҳодисалар ҳукумат сиёсий модели натижасида келиб чиққани халқ томонидан унутилишини мақсад қилишди. Ҳолбуки, ушбу модел Исломга қарши шубҳа ва нафрат оловига ёғ пуркаш учун мана шундай ижтимоий ва сиёсий муҳитни пайдо қилди. Бу очиқ душманлик қаршисида Полин Хансон сингари иккиламчи сиёсатчилардан фойдаланишди. Маълумки, бундай сиёсатчилар йўлига Жон Гавард, Жулия Гиллард, Тони Эбботт, Малкольм Тернбулл кабиларнинг режа ва сиёсатлари асос бўлган. АҚШ президенти Барак Обама билан Австралия бош вазири Малкольм Тернбуллнинг яқинда қилган қочқинлар масаласидаги изоҳлари бу фикримизга яққол далил бўлади. Демак, муаммонинг асосий мағзи айнан шулар сиёсатидадир, биз ҳамма танқидни мана шуларнинг сиёсатига қаратмоғимиз лозим.
4 – Бу ўринда биз гувоҳ бўлаётган ишлар, илмоний либерал модел ва ундан келиб чиққан сиёсатнинг аянчли муваффақиятсизлигидир, бунга асло шубҳа йўқ. Айнан шу модел индивидуализмни муқаддаслади, худбинликни, руҳий тубанликни, моддий ҳаёт ҳукмронлигини кенг тарқатди, ҳамма нарсани сотиш мумкин, деди, башариятни миллий манфаат турткиси орқали бир-биридан устун ҳисобланувчи миллатларга бўлди. Натижа нима бўлди: кучсиз давлатларни ҳар қандай восита билан эксплуатация қилувчи кучли давлатлар келиб чиқди. Биз бу кучли давлатлардаги бир сиқим элитанинг қолган халқларни эксплуатация қилишаётганига гувоҳ бўляпмиз. Мавжуд сиёсий тузумлар йирик ширкатлар нуфузига маҳкум бўлиб қолди. Уларда ўз халқлари муаммоларини ҳал этиш учун реал ечим йўқ. Мана шундай бир паллада қасддан миллатчилик туйғуларини қўзғашмоқда… Оқибатда, озчилик миллат ё бошқалар қурбон бўлмоқда, бу улар учун ҳеч нарса эмас, ўз халқлари кўзини шамғалат қилиб, алдашни уддасидан чиқишса, бас.
5 – Шу зайл Ғарбда яшовчи мусулмонлар катта курашга дуч келмоқдалар. Аммо биз бундай нафратланишга қарши курашмаслигимиз ҳамда Ислом шошилмаслик ва босиқликка буюради, демаслигимиз керак. Билъакс, Исломни ҳимоя қилишда олдинги сафда турмоғимиз лозим. Таркидунёлик ва таслим бўлиш биз учун танлов эмас, чунки Набий САВнинг муборак тариқатларида бундай бўлмаган. Етакчи ўринда туриб, ҳукмрон мафкурани ва ҳукумат тизимининг адолатсизлигини танқид қилмоғимиз ҳамда Ислом муаммо эмаслигини, аксинча, Ғарб муаммолари ечими ҳам шу Исломда эканини намоён этмоғимиз лозим. Ўзимизни ўзимиз ҳимоя қилиш, деган тор сиёсатгагина ёпишиб олмай, зулмга қарши кураш ва башариятга етакчилик қилиш йўлида Исломни етказмоғимиз даркор.
Ҳизб ут-Таҳрирнинг
Австралиядаги матбуот бўлими
Телефон: +61 438 000 465
Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">media@hizb-australia.org
