بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ғарб давлатлари мусулмонларни қирғин қилишда бас бойлашмоқда ҳатто кичик давлатлар ҳам!!

Пайғамбарлик минҳожи асосидаги рошид Халифалик йўқ замонда уларни тийиб қўядиган ким бор?!

Дания учоқлари Сурияда ИШИДга қарши ўзининг биринчи зарбасини бера бошлади

Дания «Исломий Давлат» ташкилотига қарши жанг майдонини Ироқдан Суриягача кенгайтириши ортидан, ўтган жума куни Дания армияси биринчи бор Сурияни бомбалашни бошлаганини эълон қилди.

Дания мудофаа вазирлиги тўрт нафар Ғ-16 русумли учоқларининг Раққа шаҳрини нишонга олиб, у ердаги «Исломий Давлат» ташкилотининг истеҳкомлари, иншоотлари, арсеналлари ва аскарларини бомбардимон қилганини маълум қилди.

Маълумки, Дания ҳам ўзини Сурия ва Ироқ минтақаларида халифалик давлати дея эълон қилган «Исломий Давлат» ташкилотига қарши АҚШ етовидаги халқаро коалицияга аъзо ҳисобланади.

Дания ҳаво кучларининг халқаро топшириқлар бўйича қўмондони Ян Дам маҳаллий ахборот воситаларига бу ҳаво зарбаларига коалиция учун «муҳим ҳисса», дея баҳолади.

Дания армияси июн ойининг ўртасида амалиётларини бошлаб, шу вақт мобайнида Сурия ва Ироқда 67та вазифа бажарган, 93та бомба ташлаган. (Рейтер).

Роя газетасининг 2016 йил 10 август чоршанба кунги 90-сонидан