Деновдаги орган ходимларининг ваҳшийлик билан одам ўлдириши якка шахснинг жинояти эмас, балки мавжуд тузумнинг чириклиги оқибатидир
Деновдаги орган ходимларининг ваҳшийлик билан одам ўлдириши якка шахснинг жинояти эмас, балки мавжуд тузумнинг чириклиги оқибатидир
بِسْمِ اللهِ الرَّحْمٰنِ الرَّحِيم
29 июль куни ижтимоий тармоқларда Сурхондарё вилояти Денов тумани Оқтом маҳалласида яшаган Ҳасан Хушматовни ички ишлар ходимлари мажбурлаб идорага олиб кетиб, ваҳшийларча қийнаб ўлдиргани ҳақида хабарлар тарқалди. Шунингдек, ушбу ҳолат юзасидан марҳумнинг аёли тегишли идоралардан ёрдам сўраб қилган мурожаатининг видеоси ҳам тарқалди. Аёлнинг айтишича, у ва марҳум эрининг орасида ҳар қандай оилада бўлиб турадиган келишмовчилик келиб чиққан. Бу ишга марҳумнинг отаси ва укаси аралашган. Аёлнинг таъкидлашича, жанжал тинчиган ва у ишига кетган. Шундан сўнг, ноаниқ сабабларга кўра туман ИИБ ходимлари Ҳасан Хушматовни мажбурлаб, қўлига кишан солиб идорага олиб кетишган. Идорага етиб борган хотинининг эрини кўрсатиш талабларига рад жавоби берилган. Ҳасан Хушматов эртасига олинган оғир тан жароҳатлари натижасида шифохонада вафот этган. Марҳумнинг аёлини айтишича, эри шифохонада жуда оғир аҳволда бўлган, ички аъзолари эзилган, боши, ҳатто орқа пешови ҳам ёрилиб кетган бўлган.
Бу иш бўйича 29 июль куни кечга яқин Бош прокуратура баёнот берган. Унда жумладан шундай дейилади:
“Аниқланишича, шу йилнинг 10 июлида Денов тумани Оқтом махалласида яшовчи фуқаро Юнус Хушматов туман ички ишлар бўлимига акаси Ҳасан Хушматов маст ҳолда яшаш уйида жанжал қилиб, тинчлигини бузаётгани ҳақида хабар берган.
Шунга асосан, туман ИИО ФМБ профилактика инспектори ва унинг икки нафар ёрдамчиси Ҳ.Хушматовнинг хонадонига келишган ва уни автомашинага ўтказиб, туман ИИБга олиб кетишган. Йўлда профилактика инспекторининг ёрдамчилари Ҳ.Хушматовни бир неча бор уриб тан жароҳати етказган. Оқибатда Ҳ.Хушматов 11 июль куни шифохонада вафот этган.
Мазкур ҳолат юзасидан Денов туман прокуратураси томонидан Жиноят кодексининг 104 ва 206-моддалари билан жиноят иши қўзғатилган. Жиноят иши доирасида 2 нафар шахсга нисбатан “қамоққа олиш” эҳтиёт чораси қўлланилган”.
Аввало, марҳумнинг оиласи ва яқинларига чуқур таъзиязимизни изҳор қиламиз. Аллоҳ Таоло уларга сабру жамил, офият берсин, марҳумнинг ҳисоб-китобини осон қилсин. Ушбу ҳолатда биринчи навбатда эътиборни тортадиган нарса шуки, воқеа 11 июлда содир бўлган бўлса-да, унга деярли 20 кун ўтиб тегишли идоралар томонидан эътибор берилган. Шунда ҳам жабр кўрган аёлнинг видеомурожаатидан сўнггина иложсизликдан эътибор беришга мажбур бўлишган. Бунгача жиноят содир қилган ИИБ ходимларига нисбатан ҳеч қандай чора кўрилмаган, ҳатто бошқа туманга ишга ўтказиб юборилган. Куч органлари ходимларининг ваҳшийларча одам ўлдириш жиноятлари Ўзбекистонда янги ҳодиса эмас, афсуски бундай бешафқатликлар аввалда ҳам кўп бора содир этилган. Жиноятчи орган ходимларининг қилмишларига ҳам тегишли чора кўрилмай, кимлардир енгил жазо билан қутулган бўлса, яна бошқалари умуман жазосиз қолиб кетаверган.
Куч органларининг бунчалик даражада қутуриб кетаётганликларига амалда татбиқ қилинаётган шафқатсиз тузум сабабчи. Чунки бундай тузумда инсон ҳаётининг ҳайвончалик ҳам қадр-қиммати йўқ. Динни ҳаётдан ажратишга асосланган Конституцияда, шунингдек ҳар хил қарорлар ва фармонларда инсон ҳаётининг нақадар бебаҳо эканлиги таъкидланса-да, амалда унинг айнан тескариси юз бермоқда. Бу ўринда ўзи қабул қилган қонунларни биринчи ўринда айнан ҳукуматнинг ўзи бузмоқда. Қаердаки куч органлари ходимлари жиноят содир қилса, уни яширишга уринмоқда, тан олган тақдирда ҳам буни худдики бахтсиз ҳодиса, тасодиф сифатида талқин қилишга, ҳатто айбни қурбоннинг ўзига юклашга уринмоқда. Шунинг учун айтамизки, Ҳасан Хушматов куч органлари қурбонларининг биринчиси ҳам, охиргиси ҳам эмас. Аслида, куч органлари халқ ўз хавфсизлигини ишониб топширадиган, ўрни келганда унга ёрдам берадиган, унга суянадиган, уни яхши кўрадиган муҳим бир давлат муассасаси бўлиши лозим. Бироқ ҳозирги тузумнинг бузуқлиги сабабли одамлар бу ташкилотдан қўрқадиган, унга ишонмайдиган, шубҳаланадиган, ундан узоқроқ юришга ҳаракат қиладиган, ҳатто дуоларида ҳам Аллоҳдан унга иши тушиб қолишдан сақлашини сўрайдиган бўлиб қолган. Шунинг учун куч органларининг жиноятларига якка шахснинг жинояти, деб эмас, балки инсон ҳаётини қадрламайдиган, аксинча унга улкан хавф туғдирадиган динни ҳаётдан ажратиш асосига қурилган тузум жинояти, деб қараш лозим. Чунки якка шахснинг жиноятига яраша жазо берилган тақдирда ҳам, тузум адолатсиз, инсон ҳаёти хавфсизлигини таъминламас экан, бундай жиноятлар қайта-қайта содир этилаверади, бегуноҳ одамларнинг қурбон бўлишига чек қўйилмайди. Агар тузум адолатли бўлса, инсон ҳаётини юксак даражада қадрласа, уни мустаҳкам ҳимоя қилса, биз гувоҳи бўлаётган жиноятлар юз бермаган бўларди.
Бу борада Ислом тузумигина инсон қалбига хотиржамлик бера олади. Чунки Исломда ҳатто уруш ҳолатида ҳам душман тарафнинг ёш болалари, қариялари ва агар қарши чиқиб жанг қилмаётган бўлса, аёлларини ўлдириш ман қилинган. Шундай экан, энди Исломни татбиқ қиладиган ҳукуматнинг ўз фуқаросининг ҳаётига нисбатан қандай муносабатда бўлишини тасаввур қилаверинг. Аллоҳ Таоло айтади:
مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا
– “Бирор жонни ўлдирмаган ёки ерда фасод ишларини қилмаган инсонни ўлдирган одам худди ҳамма одамларни ўлдирган кабидир”. (Моида:32)
Хавфсизлик соҳасида Ислом тузумидаги шурта (полиция) ички хавфсизликни таъминлайдиган орган бўлиб, у фуқароларнинг тинчлик-хотиржамлигини кўз қорачиғидек сақлайди. Бу билан жамиятда инсон ҳаётининг қадр-қиммати юксак даражада бўлиши кафолатланади.
Ҳизб ут-Таҳрирнинг Ўзбекистондаги матбуот бўлими аъзоси Фаррух
02.08.2021й
Халифалик давлатини тилларингизга жойлаган Аллоҳга ҳамдлар бўлсин!
Ғарбнинг фисқ-фасод омили бўлмиш лойиҳаларини амалга оширишда Халқаро меҳнат ташкилотининг роли
Насроний ва кофирларни байрамлари билан табриклаш тўғрисидаги саволга жавоб
Республика президентлиги сайловлари ҳукми