Дунёвий мусулмон ҳукмдорлари ҳажни даромад манбаига айлантиришди

 Хабар: Бангладешда маҳаллий валютанинг қадрсизланиши ва нархларнинг кескин ошиши туфайли кўплаб ҳожилар ушбу мавсумда ҳажга бориш имкониятига эга бўла олмаяптилар. Шу сабабли, Бангладеш  ҳаж квотасини бажаришда қийинчиликларга дуч келмоқда.   

Саудия Арабистони ва Бангладеш ҳукуматлари шу йил бошида квота тўғрисида келишиб олган эдилар ва бу йил Исломнинг бешта арконидан бири бўлган  ҳажда 127 000 бенгалиялик ҳожилариниг қатнашиши кутилаётган эди. Ҳажга рўйхатдан ўтиш 8 феврал куни очилган, аммо ҳозиргача атиги 32 минг киши ҳажга ҳужжат топширган. Расмийлар хавотирда, чунки бундай паст талаб биринчи марта кузатилмоқда. («Arab News»)

Изоҳ: Ҳаж нархи ўтган йилга нисбатан деярли  30% га ошиб,  68018 бангладеш такасига етди. (Бу эса $6,500га тўғри келади). Гарчи улар бу ўсишнинг асосий сабаби валютанинг қадрсизланиши деб айтишса-да, лекин валютадаги фарқ атиги 17% ташкил этмоқда; маълум бўлишича, зиёратчи оддий сайёҳга қараганда уч баравар кўпроқ пул тўлаши керак бўлган яна бир сабаб бор экан. Икки мамлакатнинг иккита давлат авиакомпанияси қўшимча 17,52 миллиард така олади. Бундан ташқари, Саудия Арабистони ҳар бир зиёратчидан Мино, Арафот ва Муздалифада қолиши учун "махсус солиқ" ундиради. Солиқлар бу йил 160630 ( $1,530) такага етди. Бу эса ўтган йилгига нисбатан 162% га кўпдир. Бангладеш ҳукумати ҳам  ҳар бир зиёратчидан ҚҚС (қўшилган қиймат солиғи) сифатида 89,000 така ($850) олади. Шундай қилиб, Бангладеш ҳукуматининг ҚҚСдан оладиган умумий даромади тахминан 11,32 миллиард такани ташкил қилади. Кўриниб турибдики, иккала мамлакат ҳукуматлари даромад тўплаш учун ҳожилардан фойдаланаётганлари аниқ.

Аллоҳ Субҳанаҳу ва Таоло шундай марҳамат қилади:

وَأَذِّنْ فِي النَّاسِ بِالْحَجِّ يَأْتُوكَ رِجَالاً وَعَلَى كُلِّ ضَامِرٍ يَأْتِينَ مِنْ كُلِّ فَجٍّ عَمِيقٍ

  “Ва одамлар орасида (юриб уларни) ҳажга чақиргин, улар сенга (яъни сенинг даъватингга жавобан) яёв ҳолларида ва йироқ йўллардан келадиган ориқ-ҳолдан тойган туялар устида келурлар”. (Ҳаж:27)

  Мусулмонлар учун ҳажни қулайлаштириш борасида барча саъй-ҳаракатларни амалга ошириш мусулмонлар ҳукмдорлари ва икки зиёратгоҳ қўриқчиларининг бурчидир. Бироқ, бу дунёвий капиталистик ҳукуматлар бу вазифани бажаришдан бош тортиб, даромадни ошириш учун ҳаждан фойдаланишлари ажабланарли эмас. Бунинг сабаби шундаки, дунёвийлик бу ҳаётдаги амаллар учун кейинги ҳаётда мукофот ва жазо берилади деган тушунчани инобатга олмайди. Шунинг учун ҳукуматларнинг ҳожиларга маънавий қадриятлар борасида етарлича ғамхўрлик қила олмаётганини кузатаяпмиз. Ушбу секуляристлар учун мусулмонларнинг маънавий эҳтиёжлари пандемиядан кейинги даврда кутилган талаб асосида хизматлар нархини ошириш орқали пул ишлаш имкониятини ифодалайди. Дунёвийлик уларни шунчалик кўр қилиб қўйдики, улар Каъба, Мино, Aрафот ва Муздалифага оддий сайёҳлик жойлари, ҳожиларга эса оддий сайёҳ сифатида қарайдиган бўлиб қолишди!

Халифалар икки Муқаддас масжиднинг қўриқчилари бўлган бир пайтда, ҳукмдорлар Аллоҳдан қўрқишган ва ҳожиларнинг ҳақ- ҳуқуқларини бажо келтиришган, улар учун ҳаж зиёратини осонлаштиришган ва соддалаштиришган. Бундай лойиҳалардан бири машҳур "Дарб Зубайда"—Аббосийлар халифаси Ҳорун ар – Рашид томонидан қурилган ва унинг рафиқаси Зубайданинг номи билан аталган  йўлдир. Ўша вақт учун замонавий бўлган бу йўл Маккадан Ироқдаги Куфа ва Бағдодгача чўзилган, шунингдек Маккадан Aфрика ва Хитойга борадиган тармоқлари ҳам  бўлган. Манзилгача бўлган бутун йўл бўйлаб  дам олиш жойлари ташкил этилиб, у ерда ҳожилар бепул озиқ-овқат, ичимлик ва тунги турар жой билан таъминландилар. Бу қулайликларнинг барчаси йил-12ой давомида мавжуд бўлди, бу ҳожиларнинг сонини сезиларли даражада оширди ва табиийки, бу йўл минтақанинг иқтисодий ривожланишига хизмат қилди. Зубайда йўли шунчалик буюк ва тарихий аҳамиятга эга эди-ки, ЮНЕСКО уни Жаҳон мероси рўйхатига кирита олмади. Яна бир ажойиб лойиҳа Усмонли халифаси Абдулҳамидхоннинг Ҳижоз темир йўли бўлиб, ҳожиларни Стамбулдан Маккага атиги беш кун ичида етказиб бориши мумкин бўлган эди.  Бироқ, Британия фитнаси унинг қурилишини тугатишларига тўсқинлик қилди.

 Аллоҳим, икки Муқаддас масжидни дунёвий ҳукмдор-малайлардан халос қил, Халифаликни барпо этишимизга  ва мусулмонларнинг ҳаж зиёратларини ўз зиммасига оладиган, Муқаддас масканларнинг муносиб мақомини тиклайдиган Адолатли Халифага байъат беришимизга ёрдам бер ! Амин!

Махсус Ҳизб ут-Таҳрир Марказий ахборот идораси радиоси учун  

Талха Муҳаммад Ҳизб ут-Таҳрир ахборот бўлими аъзоси/ Бангладеш

15  шаъбон 1444 ҳ.й.

  7март , 2023м.й.