Матбуот баёноти

Эй Кинона армиялари, Ғазони ёлғиз қолдириш пешонангиздаги шармандалик доғи бўлиб, қиёмат куни Аллоҳнинг сўроққа тутиши эса ундан-да оғирдир!

Ҳар куни Ғазода бир бола очликдан ҳалок бўляпти, қариялар дори-дармонсизликдан сўнгги нафасларини оляпти, аёллар чанқоқ ва очликнинг тоқатсиз азоби остида ҳаёт билан хайрлашмоқда. Ҳар соат осмон йиғлаяпти, тошлар нола қиляпти, замин бу мазлумларни ёлғиз қолдирганларни лаънатламоқда. Бу Ғазодир… Ғазо фақат чегаралар ва артиллериялар билан эмас, балки армия қўмондонлари, хиёнаткор ҳукмдорлар ва ўз Умматига сукут сақловчи кимсаларнинг ёрдам бермаслик девори билан ҳам қамал қилинмоқда.

Бугун Ғазода содир бўлаётган фожиа фақат гуманитар фожиа эмас, балки барча жиҳатлари билан мукаммал шаклланган жиноятдир. Бу жиноятлар ўзини «маданият бешиги» деб даъво қилган дунёнинг ва исломий армияларнинг кўз ўнгида содир этилмоқда. Уммат, ўзига қалқон ва шамшир бўлсин деб, бу армияларга ўзининг мол-дунёсини сарфлаган, ўзи емай уларни едирган ва озиқлантирган эди. Аммо армиялар Уммат учун ҳеч қандай ҳаракатга келмаяпти. Гўё Ғазода бўлаётган зулм унга мутлақо дахлдор эмасдек, гўё Ғазо аҳли бу Умматнинг фарзандлари эмасдек!

Эй Уммат армиялари! Наҳотки, ҳали ҳам томирингизда қон қайнамаса?! Эй кўкракларида орден ва унвонлар тақиб юрган ҳарбийлар. Шуни унутмангки, барча лавозимлар, маошлар ва унвонлар мавжуд бўлган бу дунё бир лаҳзада йўқ бўлиб кетади. Бир лаҳзада кечиктириб бўлмайдиган ўлим келади, бир лаҳзада буюк Аллоҳнинг ҳузурида, яланғоч ва ялангоёқ аҳволда турилади. У Кунда сизни на бойлик қутқара олади, на мартаба, на унвон ва на орденлар. Инсон тузган қонун ёки конституция ҳам сизни ҳимоя қилолмайди. Балки сиздан Ғазо ҳақида сўралади! Қирғин қилинган, оч қолдирилган, азобланган Ғазо аҳли учун албатта сўраласиз. Чунки сиз уларга ёрдам беришга қодир эдингиз, аммо сукут сақладингиз ва ҳеч қандай ҳаракат қилмадингиз!

Ўша кун албатта келади ва Миср, Иордания, Туркия ва Покистон армияларидаги ҳар бир ҳарбийдан қуйидагича сўралади: Нега сен Ғазодаги ўз ака-укаларингни ёлғиз қолдирдинг, нега уларнинг фарзандлари очликдан ҳалок бўлишига йўл қўйдинг, нега қарияларнинг чанқоқдан ҳалок бўлишига сукут сақладинг, қурол-яроғ сенинг қўлингда эдику, йўлни билар эдинг-ку, наҳотки юрагингда иймондан ҳеч бўлмаса бир зарра ҳам қолмаган бўлса?!

Ғазода кечаётган бу кунлар ҳақиқий синов кунларидир: армиялар учун синов ҳамда ақида, мардлик ва иймон синовидир. Аскар ўз қўлидаги қуролдан мазлум ака-укаларига нусрат-ёрдам бериш учун ўқ отадиган лаҳзадан ҳам муқаддасроқ лаҳза йўқ! Золимларга кўр-кўрона итоат ва хорлик деворини синдирадиган лаҳзадан улуғроқ лаҳза йўқ! Бу лаҳзалар Уммат душманларига ҳарбий маросимларда таъзим қилиш лаҳзалари эмас! Аксинча, улар ҳақиқий мардларга шараф бағишлайдиган, номларини абадий муҳрлайдиган буюк лаҳзалардир!

Эй уламолар, даъватчилар, мутафаккирлар ва холис ёшлар!

Ўзингизни жавобгарликдан озод деб ўйламанг. Ҳаракатсиз туриш – жиноятдир. Ғазони ёлғиз қолдирганлар жиноятига сукут сақлаш ҳам айни уларга шерикликдир. Ёзинг, хитоб қилинг, ботилни рад этинг! Умматни ўз масаласига, армияларни эса ўз ҳақиқий вазифасига боғланг! Умматга фарзандлари қатл этилаётганини, у эса ҳануз сукут сақлаётганини эслатинг. Армияларга ҳам уларда нажот топиш имкони борлигини, бу эса хорликдан халос бўлиб, занжирларни синдириб, Аллоҳ йўлида жиҳод сари юриш учун қолган охирги имкониятдан иборатлигини эслатинг.

Эй Умматнинг барча аскарлари, хусусан, Миср диёридаги аскарлар!

Сизнинг зиммангиздаги ҳақиқий вазифа – босқинчи яҳудий вужудига қарши кенг қамровли уруш эълон қилиш ва Фаластинни тўлиқ озод этишдир. Биз яхши биламиз, Миср армияси сафларидаги ҳар бир содиқ инсон ўз қалбида айнан шуни орзу қилмоқда. Аммо бу орзуларнинг рўёбга чиқишини олдини олаётган ягона тўсиқ Миср режимидир. Бу хоин режим юрт армиясини босқинчи яҳудий вужудига посбони қилмоқда ва унинг мақсадларини амалга оширувчи воситага айлантириб қўймоқда. Шундай экан, сизнинг вазифангиз — хиёнаткор режимни барча воситалари ва ижрочилари билан бирга илдизи билан қўпориб ташлаш ҳамда юрт бошқарувини Ислом лойиҳасини кўтарган ва уни дарҳол татбиқ этишга қодир онгли сиёсий раҳбариятга топширишдир. Бундай раҳбарият сизнинг орангизда мавжуд бўлиб, у Ҳизб ут-Таҳрирдир. Ҳизб Умматнинг бағридан чиққан, унинг масалаларини англайдиган, дардини юрагида ҳис қиладиган ва сизни Аллоҳ Таолонинг розилиги сари — У Зотнинг шариатини татбиқ этиш ва уни Пайғамбарлик минҳожи асосидаги рошид Халифалик соясида бутун дунёга олиб чиқиш орқали — етаклашга ҳаракат қиладиган огоҳ ва содиқ сиёсий ҳизбдир.

﴿وَمَا لَكُمۡ لَا تُقَٰتِلُونَ فِي سَبِيلِ ٱللَّهِ وَٱلۡمُسۡتَضۡعَفِينَ مِنَ ٱلرِّجَالِ وَٱلنِّسَآءِ وَٱلۡوِلۡدَٰنِ ٱلَّذِينَ يَقُولُونَ رَبَّنَآ أَخۡرِجۡنَا مِنۡ هَٰذِهِ ٱلۡقَرۡيَةِ ٱلظَّالِمِ أَهۡلُهَا وَٱجۡعَل لَّنَا مِن لَّدُنكَ وَلِيّٗا وَٱجۡعَل لَّنَا مِن لَّدُنكَ نَصِيرًا﴾

«(Эй мўминлар), сизларга нима бўлдики, Аллоҳ йўлида ва «Парвардигоро, бизни эгалари золим бўлган бу шаҳардан озод қил ва бизга ўз ҳузурингдан бир дўст бергин, бизга ўз ҳузурингдан бир ёрдамчи қилгин», деяётган эркаклар, аёллар ҳамда болалардан иборат бўлган бечоралар(ни озод қилиш) йўлида жанг қилмаяпсизлар?!»                                                                                   [Нисо 75]

Ҳизб ут-Таҳрирнинг Миср вилоятидаги матбуот бўлими