بِسْمِ اللهِ الرَّحْمٰنِ الرَّحِيمِ

Эрдоган тузмоқчи бўлаётган тинчлик камари Шом аҳли учун керакми ёки уларнинг қотили учунми?!

https://www.raialyoum.com/ веб-сайти (ҳижрий 1444 йил 3 робиуссоний, милодий 2022 йил 28 октябр жума куни) нашр қилган хабарда бундай дейилади:

«Республика байрами муносабати билан қилган мурожаатида Туркия президенти Эрдоган «Биз фаол ва инсонпарвар ташқи сиёсатимиз орқали ташкил этмоқчи бўлаётган тинчлик ва фаровонлик камари Суриядаги инсоният фожеасига якун ясашдан тортиб, Россия-Украина кризисигача ечим беришга қаратилган», деди».

Роя:

Ҳизб ут-Таҳрир – Сурия вилояти матбуот бўлими аъзоси устоз Носиршайх Абдулҳай бундай деди:

«Эрдоган айтаётган тинчлик камари Шом тоғути учун мўлжалланган бўлиб, қўзғолонни буткул тириклайин ерга кўмиш, аҳлини қонхўр режим чангали остига қайтариш учун тинимсиз ҳаракат қилишдан иборат. Бунга, шунингдек, Човушўғлининг юзсизларча жинояткор режим билан ярашишга чақириши ҳам далолат қилиб турибди…

Тонг зулматнинг кўмирдек қоралигини очиб қўйгани каби, Эрдоганнинг юзи тарихдаги энг буюк қўзғолонга қарши узун замондан бери макру тузоқ қўйишдан иборат башара эканини ҳам фош этди».

Устоз Абдулҳай сўзига қуйидагича якун берди:

«Қўзғолончиларнинг ушбу турк режимидан бизни ҳалокат ёқасига олиб борган сиёсий раҳбарият, деган эътиборда воз кечмоқ, кейин эса, қўлида Уммат ақидасидан балқиб чиққан халоскор лойиҳаси бор ростгўй сиёсий етакчиликни қабул қилмоқдан ўзга йўли йўқ. Зеро, шундай етакчиликкина бизга белгилари аниқ-тиниқ кўрсатилган йўл харитасини чизиб беради, ушбу харита орқали Асад режими ўз инида йиқитилиб, Халифалик давлати соясидаги Ислом бошқаруви барпо этилади. Бас, мана шундай буюк яхшилик учун ҳаракат қилувчилар ҳаракат қилиб қолсинлар.

Роя газетасининг 2022 йил 2 ноябр чоршанба кунги 415-сонидан