بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Малай рувайбиза ҳукмдорлар реакцияси алоқани узиб, қўшин сафарбар қилиш эмас, балки қоралаш ва норозилик билдиришдир

Иордания ўз фуқаросининг босқинчи «Исроил» аскари томонидан ўлдирилишини ваҳшийлик, дея сифатламоқда

Ўтган шанба Иордания режими ўз фуқароси Саид Амрнинг бир кун аввал «исроиллик» аскар томонидан ўлдирилишини «ваҳшийлик», деб атади.

Бу «Петра» расмий ахборот агентлиги тарқатган Иордания ташқи ишлар вазирлиги баёнотида келди. «Ташқи ишлар ва эмигрантлар ишлари бўйича вазирлик кеча жума куни босиб олинган Қуддусдаги Бобуламуда минтақасида исроиллик босқинчи аскар томонидан ватандошимиз Саид Амрга қасддан ўқ узилиши ва бу унинг ўша заҳоти ҳалок бўлишига олиб келиши ҳодисасини ваҳшийлик дея қоралади», дейилади баёнотда.

Баёнотда яна бундай дейилади: «Вазирлик матбуот воизи Сабоҳ Рофеий Исроил полициясининг Амр исроиллик бир аскарга ҳужум қилди, деган даъвосига шубҳа билан қарайди, айниқса, баёнотнинг ўзида ҳодисада битта ҳам исроиллик аскар ёки полициячининг ўлмагани айтилган».

Рофеий сўзини давом этиб, «Иордания ҳукумати ҳодисанинг барча тафсилотларини ўрганиш ва шаҳид жасадини яқинларига топшириш учун, шунингдек, бундай ҳолатларда халқаро даражада амал қилинувчи қонуний ва дипломатик чора-тадбирлар кўриш учун айни масалани кузатиб боришда давом этади», деди.

Иорданиялик бу йигит ўтган жума Қуддус шаҳри шарқида яҳудийлар давлати полициячиларидан бирига гўё пичоқ санчиш амалиётига уринаётганда ўлдирилгани айтилмоқда. (Арабий 21).

Роя газетасининг 2016 йил 21 сентябр чоршанба кунги 96-сонидан