بِسْمِ اللهِ الرَّحْمٰنِ الرَّحِيمِ

Фаластин озодликни кутмоқда конференцияларни эмас

Устоз қози Абдуллоҳ – Яман вилояти

2025 йил 25 март куни Санъода «Фаластин Умматнинг марказий масаласи» номли учинчи конференция ўз ишини якунлади. Маҳаллий, араб, мусулмон давлатлари ва халқаро даражадаги ушбу конференция шиори «Сиз ёлғиз эмассиз», деб номланди. 4 кун давом этган йиғинда Яман, Фаластин, Ливан, Тунис, Ливия, Миср, Ҳиндистон, Малайзия ва бошқа турли ўлкалардан келган фаоллар ва қатнашчиларга 173 та иш ҳужжати тарқатилиб, муҳокама қилинди. Конференцияда Ғазо ва Фаластин лагерлари аҳлини қўллаб-қувватлаш учун халқаро ёрдам фонди тузиш орқали Ғазо аҳлига ва лагерлардаги фаластинлик қочқинларга тўхтовсиз ёрдам кўрсатиш ҳамда Фаластин масаласини янада кенгроқ қўллаб-қувватлаш учун бутун дунё бўйлаб сионизмга қарши озодлик ҳаракатлари билан иттифоқлар тузишга чақирилди. Конференция баёнотида яҳудий вужуди товарлари, шунингдек, қонхўр вужуднинг асосий молияловчиси ва жиноятларини қўллаб-қувватловчиси бўлган АҚШ товарларига қарши иқтисодий бойкот кампаниялари кўламини кенгайтириш ҳам таъкидланди.

Биз бу ҳукмдорлар Аллоҳнинг ва бандаларининг наздида пашшанинг қанотичалик ҳам қадрга эга эмасликларини жуда яхши биламиз. Улар на бандаларни ҳимоя қилишади, на ўлкаларни. Аксинча, мустамлакачи кофирлар исломий ўлкаларни босиб олишда фойдаланишлари учун ўз ўлкаларининг бойликлари, потенциаллари, ҳавоси, тупроғи, осмони ва сувига рухсат беришади. Шу сабабли, биз бу ҳукмдорларга аллақачон хитоб йўлламай қўйганмиз. Балки хитобимизни Уммат ва унинг армияларига йўллаяпмиз, токи, хитобларимиз билан уларнинг ҳимматлари қўзғалсин, шунингдек, ҳукмдорларнинг зарар ва Умматга зарар етказувчи эканини, Ислом зарарни даф қилишга буюрганини англаб етсинлар:

«لَا ضَرَرَ وَلَا ضِرَارَ فِي الْإِسْلَامِ»

«Исломда (ўзига) зарар бериш ҳам, (бошқа бировга) зарар етказиш ҳам йўқ». Зарарни даф қилиш қанчалик кечикса, у шунчалик катталашиб, ёмонлиги кенгайиб бораверади ва надомат фойда бермайдиган кунда надомат бўлади. Шубҳасиз, мусулмонларнинг тақдирий масаласи Халифаликдир. Чунки у уларни жамлайди, сафларини бирлаштиради, барчаларини халифа ортидан душманга қарши жангга сафарбар қилади, барчаларини мудофаа қилиб, ўлкаларини озод этади.

«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

«Имом-халифа қалқондир, унинг ортида туриб жанг қилинади ва у билан ҳимояланилади».

Уммат ўзи билан ҳукмдор ва етакчилар ўртасида ёриқ мавжуд эканига аниқ ишонади. Зеро, Уммат қадр-қиммат ва ғурурга тўла равишда улуғвор қоялар мисол туриб, унинг ёшлари булутларга етишяпти, ҳукмдорлар эса, улардан фарқли ўлароқ, энг паст хорлик ва расволик қарида яшашмоқда. Уммат ўз ўғлонларининг қаҳрамонликлари орқали ўзининг ҳақиқий йўналишини муборак Фаластинни озод этиш учун яҳудийларга қарши курашга йўналтираётган бўлса, ҳукмдору етакчилари йўналишларини конференция ва капитуляция ташаббуслари томон йўналтиришяпти. Шунинг учун, хоин ҳукмдорлар ва уларнинг малай режимлари бор экан, яҳудийлар ёки бошқа бирор душман устидан асло ғалаба қозонолмаймиз. Айнан мана шу ҳукмдорлар, бутун дунёда репрессия қилинаётган мусулмонларни қутқариш ўрнига, кофир Ғарбга ер, ҳаво ва ресурсларимизни, ҳатто армияларимизни топшириб қўйишди, шу орқали босқинчи яҳудий вужудини қўллаб-қувватлашди ва ғарблик хўжайинлари манфаатини таъминловчи урушларга қўшилишди. Айнан мана шу ҳукмдорлар яҳудий вужудининг биринчи линиядаги қўриқчилари бўлишди ва ҳамон шундай бўлиб келишяпти, унинг 70 йилдан ортиқ давом этаётган босқинчилигини янада кўпроқ давом этишини таъминлашди. Шу билан бирга, мусулмонлар кўнглида биз душманларимизни асло енга олмаймиз, деган тушунча пайдо қилиб, тушкунлик ва мағлублик уруғини экишга ҳаракат қилишяпти. Айнан шу ҳукмдорлар Халифалик қулатилгандан бери Умматнинг нусрат қучишига, шу жумладан, муборак Фаластин заминини озод этишига асосий тўсиқ бўлиб келишди ва ҳозиргача тўсиқ бўлиб туришибди.

Исломий қўшинлар Фаластинни тўлиқ озод этиш сари сафарбар қилинмас экан, Фаластиндаги мусулмонлар қони оқишдан тўхтамайди, оғриқ-аламлари тинмайди, онаизорлар ва етимлар кўз ёши тўхтамайди. Уммат бошига тушган бу балога якун ясашнинг Исломдаги ягона, доимий ва амалий ечими – рувайбиза ҳукмдорлар тахтини қулатиш ва Умматнинг йирик армияларини ҳаракатга келтириб, оқаётган қонларни тўхтатиш ва исломий ўлкаларни озод этишдан иборат. Бугун барча Ғарб кучлари қурол-яроғлари ва бойликларини яҳудий вужудини қўллаб-қувватлашга тўплашган экан, бизнинг армияларимиз қонлари дарё бўлиб оқаётган ака-ука ва опа-сингилларини қутқариш учун бирлашмоқлари керак эмасми?!

Умматнинг душманлари ва мустамлакачилар ўртага ташлаётган ечимлар уни тўғри ечимдан чалғитишга қаратилган қуролдан бошқа нарса эмас. Ушбу иккиламчи ва вақтинчалик ечимлардан мақсад, Умматни фалажлаб, интилаётган ўз ролидан адаштириш эканига асло шубҳа йўқ.

Ушбу тўғри ечим эса, одамларда Фаластин озодлигига оид шаръий тасаввурни пайдо қилиш олдидаги ғовни олиб ташлайди ҳамда армияларимизнинг казармаларда биқиниб, тинимсиз нолаларга қулоқ солмаётганларининг асл сабабини очиб беради, душманнинг саъй-ҳаракатларини фош этади. Маълумки, бу саъй-ҳаракатлар «исломий армиялар режимларга қарамдир, ундан ёрдам ҳам, нусрат ҳам умид қилиб бўлмайди», дея Уммат билан армиялари ўртасидаги ишончсизлик чуқурини кенгайтириш ҳаракатидир. Аммо бу иддаолар ва ёлғонларни бартараф этиш учун Исломларига нусрат бериш ва калималарини олий қилиш йўлида жонларини фидо этган холис қўшинлар ҳақида Умматга эслатишнинг ўзи кифоя. Муборак Фаластин замини ва барча босиб олинган ўлкаларимизни озод этиш ва оламга эзгулик улашиш сари холис қўшинларни сафарбар қилишда онг ва жамоатчилик фикри ролини кўрсатиб беришнинг ўзи етарли.

Буларнинг барчаси рўёбга чиқиши учун душманга малай бўлган ювиндихўр ҳар бир ҳукмдорни ағдаришлари ҳамда Аллоҳ томонидан зиммаларига мусулмонларнинг қўриқчиси, мудофаачиси ва қалқони қилиб юкланган ва ўз бурчини тушунган етакчилик ва тузумни ўрнатишлари лозим. Бунга Набий ﷺнинг

«الْإِمَامُ رَاعٍ وَهُوَ مَسْئُولٌ عَنْ رَعِيَّتِهِ»

«Имом-халифа етакчидир ва у ўз қўл остидагилардан жавобгардир», деган сўзлари далил. Бу етакчилик барча ерлардаги бечора мусулмонларни мудофаа қилиш ва босиб олинган барча исломий ўлкаларни озод этишдан иборат Аллоҳ Таолонинг буйруғини қабул қилади. Бу етакчилик душман қаршисида Ислом ва мусулмонларга холис туради, мустамлакачиларнинг Ислом ўлкаларидаги кишанларини парчалайди, барча исломий қўшинларни Уммат ва унинг дини посбонлари сифатидаги асл ролини адо этиш сари сафарбар қилади.

Ҳизб ут-Таҳрир ушбу масалани Пайғамбарлик минҳожи асосидаги иккинчи рошид Халифаликни барпо этиш орқали тўлиқ ҳал этиш учун маррага яқинлашиб бормоқда. Ҳизб бунинг учун Умматни, айниқса, ундаги куч-қудрат аҳлини ҳиммат камарини маҳкам қилиб, Ҳизбнинг саъй-ҳаракатига ёрдам беришга ва шу билан биргаликда дунё ва охират ютуғига ноил бўлишга даъват қилмоқда. Шуни билсинларки, Аллоҳ Ўз ишини тўла амалга оширгувчи, ваъдасини рўёбга чиқаргувчидир. Бас, Уммат ҳаётидаги бугунги оғриқлик кунларда яшаётган қайсидир инсон ушбу шарафга лойиқ бўлмаса, у ҳолда, Аллоҳнинг ушбу каломи унга етарлидир:

﴿وَإِن تَتَوَلَّوۡاْ يَسۡتَبۡدِلۡ قَوۡمًا غَيۡرَكُمۡ ثُمَّ لَا يَكُونُوٓاْ أَمۡثَٰلَكُم﴾

«Агар сизлар (Аллоҳга итоат этишдан) юз ўгириб кетсангизлар, У (ўрнингизга) сиздан бошқа бир қавмни алмаштириб қўюр, сўнгра улар сизларга ўхшаган бўлмаслар, (балки Аллоҳга итоатда бўлурлар)!»     [Муҳаммад 38]

Роя газетасининг 2025 йил 2 апрел, чоршанба кунги 541-сонидан

0

0

Related posts:

Франция Фаластин давлатини тан олишини билдирмоқда Яҳудийлар билан музокара қилишга чақириш Фаластин аҳли ва мусулмонлар ушбу заминнинг бутун қисмини озод этишдан ўзга альтернативга ҳаргиз рози эмаслар Ҳизб ут-Таҳрир – Туркия вилояти Константинопол фатҳи хотираси муносабати билан «Фатҳ руҳи ва мусулмон ёшлар» номли конференция ўтказди