بِسْمِ اللهِ الرَّحْمنِ الرَّحِيمِ

Фоҳишаликдан қочган қизларни элчихона яна фоҳишаликка қайтармоқда

Бу маълумотни ўқир эканман Ўзбекистон ҳукуматини бунчалар тубанлашиб кетганлигидан ўзимда ачиниш хиссини туйдим. Келинг сизга ушбу маълумотдан иқтибос келтираман, асло кайфиятингизни бузиш учун эмас, аксинча бундай муаммоларга биргаликда ечим топиш учун:

“Озодликка куни-кеча ўзи боғланган Малайзиядаги ўзбек қизларидан бири 20 яшар Камола (асл исми хавфсизлик нуқтаи назаридан ўзгартирилган – таҳр.) бир йил аввал танишининг тарғиботи билан кийим-кечак дўконида сотувчилик қилиб¸ сарпо-суруғ қилиш хаëлида Малайзияга келган. Келганидан 10 кун ўтиб¸ унинг тошкентлик тарғиботчиси Камолани асли тожикистонлик аëлнинг уйига келтириб¸ “бир ойча шу ерда ишлаб туриш”ни айтиб¸ жуфтакни ростлаган. Калтак ва таҳдид остида бир йилдан бери кунига ўндан ошиқ мижозга хизмат кўрсатишга мажбурланаëтган Камола¸ келганидан бери Ўзбекистонга кетишда ëрдам беришни сўраб элчихонага мурожаат қилаëтгани¸ бироқ бу ердан ўзининг қайта “мама Роза”сига бериб юборилаëтганини иддао қилади:

– Консулликка борамиз¸ бизга паспорт қилиб беринг¸ бизни сотиб юборишган¸ зўрланиб¸ фоҳишалик қилиб юрибмиз¸ десак¸ консульство “мама Роза”га телефон қилади-да¸ “Сани жўжачанг келди¸ опкет” дейди. Ҳаммаси пул учун тил бириктириб олган. Бир йилдан бери шу шаҳардан чиқиб кета олмайман. Ўзбекистон нима учун четда консульство очиб қўйган? Нечта қиз ўлиб кетаяпти бу ерда¸ элчихонанинг ҳеч бир иши йўқ. Мана кечагина яна битта қиз ўлиб қолди. Касал ҳолида ишлатишди¸ охири больницага олиб боришди ва эртасига ўлиб қолди. Ўлиги ҳозир ҳам моргда ëтибди. Ким бу қизлар учун жавоб беради?(Озодликка Малайзияда ўлгани айтилган учала қизнинг қўшмачи хотин қўйган тахаллусигина маълум¸ уларнинг шахси ва ўлимига оид бошқа тафсилотлар ҳозирча мавжуд эмас – таҳр.) Айтинг¸ қўлимизда на паспорт ва на бошқа ҳужжатимиз йўқ бўлса¸ элчихона ëрдамисиз қандай Ўзбекистонга қайта оламиз? дейди шахсан ўзи Малайзияда фоҳишаликка зўрланган уч ўзбек қизининг ўлимига гувоҳ бўлганидан қаттиқ шокка тушганини айтган Камола

Малайзиядаги ўзбек элчихонаси ходимларининг Камола ва бошқа ўзбек қизлари иддао қилган каби одам савдоси билан шуғулланувчи криминал гуруҳлар билан алоқаси борлигини Озодлик билан ўз шахси очиқланмаслиги шарти билан гаплашган элчихонага яқин манба тасдиқлади:

– Мен консуллик ходимлари¸ хусусан¸ консулларнинг “мама Роза”лар билан гаплашиб¸ учрашиб туришини яхши биламан. Шахсан ўзим консулларнинг муаммо чиққанда¸ “мамa Роза”ларга телефон қилиб¸ уларни офисга чақириб¸ масалани ҳал қилганини кўрганман. Улар орасида алоқа борлигини тасдиқлайман¸ дейди Малайзиядаги Ўзбекистон элчихонасига яқин расмий манба”.

Қайси эркак ўз махрамидаги аёллардан бирортасини, ёки узоқроқ бўлса ҳам қариндошини шу кўйга тушишини истайди. Мен эркакман деган борки, махрамми ёки қариндошими бирор аёлни бу аҳволга тушишини истамаса керак. Хатто маданиятда орқада қолган деб биладиганимиз, ярим яланғоч ҳиндулар ҳам ўзларининг аёлларини химоя қилишган, бошқаларнинг қўйнига ташлаб беришдан номус қилишган. Унда айтингчи Ўзбекистон эркаклари, нима учун ўзбекистонлик аёлларнинг бошига бундай кунлар тушмоқда? Мусулмон бир бирига биродар, опа – сингил эмасми? Хайрон бўлмай иложим йўқ, харсангни майдалаб ташлашга етадиган кучим бу онда кўзларимнинг ёшини тийишга ожизлик қилябди. 

Ўзбекистон ҳукумати бошлиқлари бойликларимизни ўғирлаб, сотиб, Швейцария банкларига миллиардлаб долларларни ғамлаб қўйиб, “Ким эдигу, ким бўлдик?” деб саволни бериб ўтиришсин, қизларимиз чет элларда жирканч фохишаликка мажбурланиб, ундан қутулиш учун Ўзбекистон элчихонасидан ёрдам сўраса, у каззоблар яна қўшмачиларга қайтариб бериб юборсин. 

Яхшироқ хис қилиб айтингчи бу холат хорлик бўлмай бошқа нима бўлсин. Бизнинг шу кунга тушишимизга сабаб, Исломдан юз ўгириб, ботил тузумни татбиқ қилаётган ҳукуматга итоат қилаётганимиз эмасми? Хозир ҳам кеч эмас, чунки Аллоҳ раҳмли ва кечиримли Зотдир, тавба қилиб Ислом йўли билан юришга чин дилдан бел боғласак ва шариатда сабр билан собит турсак, албатта Аллоҳ кечиради ва бизларни азиз қилади.

Ҳизб ут-Таҳрирнинг Ўзбекистондаги медиа офиси Абдуллоҳ

09.09.2014й.