بِسْمِ اللهِ الرَّحْمنِ الرَّحِيمِ

Халқаро Валюта Фонди Покистон иқтисодиётини вайрон қилади

Июн ойига белгиланган бюджет эълонидан олдин Раҳил-Навоз режими Халқаро Валюта Фонди ва Жаҳон Банки каби мустамлакачилик муассасалари кўрсатмаларини татбиқ қилишга киришди. 2015 йил 11 май куни Покистон ҳукумати Халқаро Валюта Фонди билан битим тузди. Бу битим Халқаро Валюта Фондига тўланиши лозим бўлган 6,8 миллиард доллар миқдоридаги қарзнинг бир қисми сифатида 506 миллион доллар тўлаш устида бўлган. Молия вазири Исҳоқ Дорнинг таъкидлашича, ҳукумат ўзининг юз миллиард рупидан зиёд миқдордаги солиқлардан озод қилиш таклифидан чекинди ҳамда энергетика учун божхона божларига ўзгартиришлар киритиб, ундан келаси молиявий йил давомида қўллаб-қувватловни пасайтирди. Халқаро Валюта Фондининг Покистондаги миссияси раиси Харальд Фингер ҳам «ушбу Фонд программасининг иккинчи ярмидаги асосий бирламчи вазифалар энергетика секторлари аҳволини яхшилаш ва солиқ тармоқларини кенгайтиришни ўз ичига олгани»ни таъкидлади.

Исҳоқ Дор Халқаро Валюта Фонди каби муассасаларни «бу муассасалар Покистондаги ривожланиш амалиётида шерик, бироқ бизга хўжайин эмаслар», дея изоҳлади. Бироқ, хусусийлаштириш орқали Покистонни энергетикадан маҳрум қилиш ҳамда ҳаддан зиёд солиқлар орқали юрт иқтисодиётини бўғиш билан Халқаро Валюта Фонди Покистон тараққиётига чанг солишга ва иқтисодини ривожлантирмасликка муваффақ бўлади.

Халқаро Валюта Фонди ўзини давлатларнинг иқтисодий муаммоларини енгишига ёрдам берувчи муассаса эканини даъво қилади. Бироқ воқеда ундай эмас. Бу муассаса жаҳон иқтисодига ҳукмронлик қилиш ва бошқа бирор рақиб давлатнинг намоён бўлишига йўл қўймаслик учун Америка қўлидаги бир қуролдир. Хусусан, бугун Америка иқтисоди халқаро молиявий кризисда орқага кетган ҳамда бошқа халқаро йирик кучлар унинг манфаати устида рақобатлашаётган, шунингдек, Америка ўз армиясидан унинг қобилият доирасидан ортиқча даражада фойдаланган бир пайтда, бу муассаса Қўшма Штатлар учун жуда асқотди. Маълумки, Америка Халқаро Валюта Фондига энг биринчи сўзи ўтадиган давлат, чунки ундаги асосий улуш эгаси Америкадир. Қолган шерик давлатлар Қўшма Штатлар рухсатисиз Халқаро Валюта Фондидан бирорта қарор чиқартира олмайди. Масалан, Америка молия вазирлигининг 2014 йилдаги халқаро дастурлар учун бюджетдан маблағ ажратиш талабига оид Америка конгресси ташқи ишлар вазирлиги томонидан чиқарилган ҳисоботда бундай дейилади: «Халқаро Валюта Фонди таъсис этилганидан буён Қўшма Штатларнинг жаҳон молия барқарорлигини мустаҳкамлашдаги ҳал қилувчи қуроли бўлиб келмоқда. Бу муассаса Америкага унинг иш ўринлари, экспортлари ва молия бозорларида ёрдам беради. Ташқи давлатлар кризиси даврида бу муассаса бизнинг маҳаллий иқтисодимиз ҳимоясини мустаҳкамлаб турди. АҚШ жаҳондаги энг йирик иқтисод бўлгани жиҳатидан, Халқаро Валюта Фондида муҳим қарорлар қабул қилиш ҳуқуқига эга бирдан-бир давлат ҳамдир. Ўсиб келаётган иқтисодлар жаҳон иқтисодиёти учун катта ролга ва улкан таъсирга эга экани жиҳатидан, АҚШ учун келаси йилларда халқаро иқтисодда ўз нуфузини сақлаб туриш муҳим ўрин касб этади. Бу эса Халқаро Валюта Фондининг Америка қўлида қулай восита бўлиб туришини ҳамда вето ҳуқуқини сақлаб туришини талаб қилади. Ҳозирда Америка Халқаро Валюта Фонди олдидаги ўз мажбуриятларини бажармай келаётган экан, биз бу билан ўз етакчилик позициямизни хавф остига қўймоқдамиз».

Американинг бу қуроли (Халқаро Валюта Фонди) Покистонга ҳам диққатини қаратди. Чунки бу юртнинг бепоён ерлари, минерал ресурслари, улкан энергетикаси, сон-саноқсиз ишчи кучи бор бўлиб, Америка ҳукмронлигига реал таҳдид ҳисобланади. Энг муҳими, Покистон аҳли Исломга эътиқод қилади. Ислом ягона оламий идеология бўлиб, Уммат дунёга етакчилик қилувчи давлатни қайта барпо этиш орқали ўз лойиқ мавқеини эгаллаши учун зарурий идеологиядир, масалан, Халифалик даврида бир неча аср ҳукм сургани каби.

Халқаро Валюта Фонди кўрсатмаси асосида энергетиканинг хусусийлаштирилиши натижасида энергетика тақчиллиги ва ғоят даражада қимматлашиши юзага келди. Буни Раҳил-Навоз ҳукумати 2015 йил 12 март куни Халқаро Валюта Фондига юборган ҳужжатида «хусусий секторлардаги сармояларни жалб қилишга эҳтиёжи» борлигини билдириш билан таъкидлаган эди. Энергетиканинг хусусийлаштирилиши унинг нархини кўтаради, яъни йирик бойлик ортидан қувувчи хусусий сектор эгалари фойдасига кўтаради, бунинг устига, саноат ва қишлоқ хўжалигини фалаж аҳволга келтиради. Шунингдек, ҳукумат бу хусусий сектор эгаларини тўловлар тўлашдан ниқоблаб туради, шу орқали уларнинг йирик даромадларини сақлаб қолишларига ёрдам беради, бу билан эса улар мажбуран юртда ишлаб чиқаришини пасайтирган бўлишади натижада эса кризислар кучаяди.

Капиталистик Халқаро Валюта Фонди сиёсатидан фарқли ўлароқ, Ислом энергетика ва минерал ресурслардан иборат омма мулкини инсонларга тақсимланишини кафолатлайди. Чунки умумий мулк ресурслари инсонларга тегишли, давлатга ёки муайян шахсларга эмас. Давлат ўзининг барча фуқаролари фойдаланишини таъминлаш учун айни ресурсларни идора қилиш билан шуғулланади. Бу Росулуллоҳ САВнинг ушбу сўзлари тасдиқидир:

«الْمُسْلِمُونَ شُرَكَاءُ فِي ثَلاَثٍ: الْمَاءِ وَالْكَلَإِ وَالنَّارِ»

«Мусулмонлар уч нарсада шерикдирлар: сув, ўт-ўлан ва оловда» (Имом Аҳмад ривояти).

Халқаро Валюта Фонди улкан солиқлар белгилаш билан Покистон иқтисодиётини бўғзидан олди, бу билан саноат ва қишлоқ хўжалик ривожланиши орқага кетди. Раҳил-Навоз ҳукуматининг 2015 йил 15 майда Халқаро Валюта Фондига ёзган мактубида ялпи даромадларга нисбатан солиқларни тўхтовсиз ошириб борилиши, тўғрисида айтилган. Ўшанда, ҳукумат буни «имтиёз ва енгилликларга барҳам бериш орқали солиқ даромадлари базасини кенгайтириш ўз самарасини бермоқда», дея таъкидлаб қўйди. Халқаро Валюта Фондининг акси ўлароқ, Ислом даромадларни ривожлантираётган пайтда ҳар бир шахснинг озиқ-овқат, кийим-кечак ва турар-жой каби асосий эҳтиёжларини рўёбга чиқаришга эътибор қаратади, қачон солиқ белгилайдиган бўлса, ўз асосий эҳтиёжларини қондиролмайдиган камбағал ва муҳтожларга солиқ солмайди, даромад йиғишда энергетика, оғир саноат, инфраструктура саноати каби давлатга ёки оммага тегишли ширкатлардан тушувчи улкан даромадларга – шаръий аҳкомларда рухсат берилган тарзда – таянади.

Бундан ташқари, Халқаро Валюта Фонди Покистонни ички ва ташқи жиҳатдан юрт иқтисодиётини емирувчи қарзлар, капиталистик фоизлар билан кишанлаб олган. Чунки қарзлар устига қўйилган фоиз юртни қарз ботқоғига ғарқ қилиб, ундан чиқолмайдиган қилиб қўйган. Шундоқ ҳам юрт олган қарзлари танини бир неча бор қилиб тўлаб келмоқда. Покистоннинг бугунги қарзлари йилига миллиардлаб долларни ташкил қилувчи ялпи бюджетининг учдан икки қисмини емириб қўймоқда, юрт йилдан йилга қарз кетидан қарзга ботмоқда. Ваҳоланки, у судхўрликнинг ҳамма турини ҳаром қилган ҳақ дин бўлмиш Ислом номи билан бунёд бўлган юртдир.

Эй Покистондаги мусулмонлар!

Раҳил-Навоз режими иқтисодиётимизни вайрон қилиш учун Халқаро Валюта Фондига ёрдам бермоқда. Ҳақиқатда, бугунги фасод демократия давридаги барча режимлар худди шундай иш тутишмоқда. Бас, демократиядан умид қилишни бас қилишнинг аллақачон вақти келди, чунки демократия йўли билан ҳокимиятга келган шахснинг ким бўлишидан қатъий назар, у албатта юртни бахтсизликка ғарқ қилади. Шунинг учун барчамиз демократияни йўқ қилиш ва Пайғамбарлик минҳожи асосидаги рошид Халифалик давлатини барпо этиш учун ҳаракат қилмоғимиз даркор.

Пайғамбарлик минҳожи асосидаги рошид Халифалик давлатини барпо этишнинг аллақачон вақти етиб келди. Биз ушбу башорат Аллоҳ Субҳанаҳу ва Таолонинг мадади ила, бизнинг қўлларимиз билан рўёбга чиқажагига қаттиқ ишонмоғимиз лозим. Бу дунё ва охират ютуғини қўлга киритиш учун барчамиз Ҳизб ут-Таҳрир билан биргаликда даъват қилмоғимиз керак. Бу албатта, Покистон қуролли кучларидаги қудрат ва ёрдам аҳлини Пайғамбарлик минҳожи асосидаги рошид Халифалик давлатини барпо этиш учун Ҳизб ут-Таҳрирга нусрат-ёрдам беришга бўлган даъватдир. Шундай бўлгач, келинг, барчамиз Росулуллоҳ САВнинг роялари бўлмиш Уқоб байроғини кўтариш ва Пайғамбарлик минҳожи асосидаги рошид Халифалик давлати соясида Аллоҳ Субҳанаҳу ва Таоло шариати билан ҳукм юритиш кампаниясида ғайрат билан ҳаракат қилайлик.

وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاءُ وَهُوَ الْعَزِيزُ الرَّحِيمُ

«Ўша кунда мўминлар Аллоҳнинг нусратидан шодланадилар, (Аллоҳ) истаган кишиларига нусрат беради ва У қудратли раҳмлидир» [Рум 4-5]

Ҳизб ут-Таҳрир                                                                    11 шаъбон 1436ҳ

Покистон вилояти                                                               29 май 2015м

0

0

Related posts:

Демократия ва диктатурани йўқ қилинг Халифалик давлатини барпо қилиш учун Ҳизб ут-Таҳрир билан бирга ҳаракат қилинг! Миллий тадбир режаси Американинг Покистондаги ҳукмронлигини мустаҳкамлашга қаратилган Ҳизб ут-Таҳрир билан биргаликда демократияни ағдариш ва Пайғамбарлик минҳожи асосидаги Халифалик давлатини барпо этиш учун ҳаракат қилинг Ҳукумат мамлакат хавфсизлигини Британияга топшириш билан «инқилобий» лойиҳасини охирига етказмоқда