Халифалик Давлатида моллар
Халифалик Давлатида моллар
Солиқлар
(1)
بِسْمِ اللهِ الرَّحْمٰنِ الرَّحِيم
2. Лозим бўлган қуроллар ишлаб чиқаришга имконият яратиш учун ҳарбий саноатга тааллуқли заводларнинг нафақалари. Чунки жиҳод армияга, армия эса қуролга муҳтож бўлади. Армия учун қуроллар олий даражада ва тўла етарли бўлиши учун саноат лозим. Шунинг учун ҳарбий саноат жиҳод билан алоқадор ва мустаҳкам боғлиқдир. Давлат мустақил ҳамда бошқа давлатларнинг таъсири ва ҳукмронлигидан узоқ бўлиши учун, хусусан, муҳим қуролларни ишлаб чиқиши ва бу қуролларни ўзи ривожлантириши лозим. Токи, давлат қуроллар қанчалик ривожланган бўлишидан қатъий назар, энг янги ва энг қувватли қуролларга эга бўлсин ҳамда давлатлараро ҳолатга мувофиқ очиқ ва махфий бўлган барча қуроллар унинг тасарруфи остида бўлсин.
Умматда бу завод ва саноатни мавжуд бўлмаслиги мусулмонларни қуролланишда кофирларга суянадиган қилиб қўяди. Бу эса, мусулмонларнинг ирода ва қарорларини кофир давлатларнинг ирода ва қарорларига боғлиқ қилиб қўяди. Чунки кофир давлатлар қуролларини ўзларининг манфаатларини рўёбга чиқарадиган шартлар билан сотади. Бу эса, умматга энг даҳшатли зарарлардандир.
Шунинг учун бу саноатни барпо қилиш мусулмонларга мол ва жон билан жиҳод қилишни вожиб қилган оят ва ҳадисларнинг насслари билан далолати илтизом (насда очиқ айтилмасдан ундан лозим бўладиган, келиб чиқадиган маъно) тариқасида вожибдир. Чунки жиҳод куролга, қурол эса саноатга муҳтождир. Шунингдек, барпо қилиш зарур бўлган бу саноат Аллоҳ Таолонинг ушбу сўзлари билан вожибдир:
وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِنْ دُونِهِمْ لَا تَعْلَمُونَهُمْ اللَّهُ يَعْلَمُهُمْ
– “Улар учун имконингиз борича куч ва эгарланган отларни тайёрлаб қўйингизки у билан Аллоҳнинг ва ўзларингизни душманларингизни ҳамда улардан ташқари сизлар билмайдиган, Аллоҳ биладиган бошқа бировларни ҳам қўрқувга солурсизлар”. (Анфол:60)
Аллоҳ мусулмонларга вожиб қилган тайёргарлик даражаси зоҳир ва махфий, эҳтимолли бўлган душманларни қўрқитиш мумкин бўладиган тайёргарликдир. Бу душманни қўрқитувчи тайёргарлик, энг муҳим ва энг олий даражада ривожланган қуролларга эга бўлишга боғлиқ. Шунинг учун бу оятлар умматга бу саноатни барпо қилишни вожиблигига далолати илтизом қилади. Чунки бу саноатни қурмаслик умматга катта зарардир. Умматдан зарарни кетказиш эса вожибдир, бу зарарни кетказиш ҳарбий саноат ва ҳарбий саноатга тааллуқли заводларни қуриш билан бўлади.
Уммат фарзандлари лозим бўлган қуролларни ишлаб чиқариш учун бу заводларни қуришлари даркор. Агар уммат фарзандлари бу заводларни қуришмаса, давлат бу заводларни керакли бўлган қурол-аслаҳаларни ишлаб чиқариш учун лозим бўлган миқдорда қурмоғи вожиб бўлади. Бу заводларни қуриш байтулмолда мол мавжуд бўлсин ёки бўлмасин лозим бўлган ҳақлардандир. Агар байтулмолда мол бўлса, бу заводларни қуришга байтулмолдан сарфланади, байтулмолда мол бўлмаса, бу заводларни қуришга маблағ сарфлашнинг вожиблиги умматга кўчиб, давлат бу заводларга сарфлаш учун етарли миқдорда солиқларни тайин қилади.
3. Камабағал, мискин ва йўловчи-мусофирнинг нафақалари. Буларга нафақа қилиш байтулмолда мол бўлсин-бўлмасин лозим ҳақлардандир. Агар байтулмолда мол бўлса, байтулмолдан сарфланади ва мол бўлмаса, буларга сарфлашни вожиблиги мусулмонларга кўчади. Чунки камбағал, мискин ва йўловчи-мусофирларга нафақа қилиш закот, садақот ва бошқа боблар ичида мусулмонларга фарз қилинган. Расулуллоҳ ﷺ «Қўшниси очлигини билиб, тўқ ҳолда кечани ўтказган киши менга иймон келтирмабди», дедилар. Шунинг учун байтулмолда камбағал, мискин ва йўловчи-мусофирларга нафақа қилиш учун мол бўлмаса, буларга нафақа қилишнинг вожиблиги мусулмонларга кўчиб, камбағалларга сарфлаш учун етарли миқдордаги солиқларни давлат тайин қилади.
4. Аскарлар, хизматчилар, қози, муаллим ва булардан бошқа мусулмонларнинг манфаатларини бажаришда хизмат қиладиган кишиларнинг ойлик маош-нафақалари. Чунки булар бу хизматларни бажариш муқобилида байтулмолдан ҳақ тўлашга лойиқ бўладилар. Буларга байтулмолдан мол сарфлаш, байтулмолда мол борми-йўқми лозим бўлган ҳақлардандир. Агар байтулмолда мол бўлса, байтулмолдан сарфланади ва бўлмаса, уларга сарфлашни вожиблиги мусулмонларга кўчади. Чунки Аллоҳ Субҳонаҳу ва Таоло ҳокимиятни умматнинг ҳақи қилган. Аллоҳ Таоло умматга халифани ўрнатишни вожиб қилди. Уммат халифага Аллоҳнинг Китоби ва Расули ﷺнинг Суннати билан амал қилиш шарти билан байъат қилади ва халифа умматнинг ўрнига унинг ишларини Аллоҳнинг Китоби ва Расули ﷺнинг Суннати билан бошқаради. Уммат ишларини бошқариш ҳоким, қози, аскарлар, муаллим, хизматчилар ва бошқалардан иборат давлат жиҳозини тузиш билан бўлади ва давлат жиҳозини тузиш уларни ойлик-маошига боғлиқдир. Модомики, Аллоҳ Таоло мусулмонларга давлат жиҳозларини тузишни вожиб қилган экан, мусулмонларга илтизомий далолат орқали давлат жиҳозидаги кишиларнинг ойлик-маошларини беришни ҳам вожиб қилган. Расулуллоҳ ﷺ ўзлари волийлар, омиллар, қозилар, котибларни тузиб, уларга ҳақ ажратардилар. Шунингдек, у кишидан кейинги халифалар ҳам волий, омил, қори, котиб ва аскарларни ташкил қилиб, байтулмолдан ҳақ ажратганлар.
Шу сабабли агар байтулмолда мол бўлса, байтулмолдан сарфланади, бўлмаса давлат муҳтож бўлган миқдорда мусулмонларга солиқ солади.
Ҳизб ут-Таҳрирнинг Ўзбекистондаги матбуот бўлими
08.09.2022й
