بِسْمِ اللهِ الرَّحْمٰنِ الرَّحِيمِ

Ҳизб ут-Таҳрир – Судан вилояти очкўз Ғарб кучларининг очиқдан-очиқ аралашувидан огоҳлантиради

Якшанба куни Суданда чиқадиган «Сойҳа» газетаси АҚШнинг «Форин полиси» газетасидаги бир хабардан иқтибос келтиради. Хабарга кўра, БМТ миссиясининг етакчи мансабига, яъни, БМТнинг Судан бўйича Олий вакили лавозимига номзод шахс кўрсатиш устида ҳарбий муассаса билан Судандаги ҳукмрон фуқаролик муассаса ўртасида қизғин кураш кетмоқда. «Форин полиси» газетасида очиқланишича, Судан бош вазири француз Жан Билляранинг номзодини илгари суришни истаган, бироқ ҳарбий ташкилотнинг кескин қаршилигига йўлиққан. Яъни, Пекин билан Россия АҚШнинг тавсияси билан унинг режасини барбод қилди.

Шунга биноан, Ҳизб ут-Таҳрир – Судан вилояти матбуот бўлими баёнот чиқариб, унда қуйидагиларни таъкидлади:

«Биз Суданга Ғарб давлатларининг очидан-очиқ кўз олайтираётганидан огоҳлантириб, ушбуларни таъкидлаймиз: бундай кўз олайтирув Американинг малайи Башир кетиб, ҳокимият тизгини эски режим хавфсизлик қўмитаси қўлига ўтиши ҳамда Европанинг фуқаролик муассасаси орқали америкапараст раҳбарларга босим қилиши манзарасида кўзга яққол ташланмоқда. Европа мана шу икки муассаса орқали ҳокимиятни бўлишиб олмоқчи. Бироқ воқеликда режим ҳамон Америка малайлари қўлида қолмоқда. Оқибатда, бош вазир БМТга мурожаат қилиб, юртни ҳарбийлардан ҳимоя қилиш учун БМТ миссияси орқали мустамлака қилишни талаб қилишга мажбур бўлди. Аммо Америка Суданни Европа ва унинг малайлари истагига асло ташлаб қўймайди. Шунинг учун кураш авж олмай қолмайди, кураш натижасида ўткир тарафкашликлар кўпайиб, бутун жамият бўлиниб-парчаланиб кетиши мумкин!».

Баёнотда Судан фарзандлари орасидаги холис-ҳалол инсонларга мурожаат қилинди:

«Бирдан-бир чиқар йўл Исломга қайтмоқликдир. Бунинг учун Ислом давлати орқали ушбу динингизни бошқарув ва сиёсатда, балки бутун ҳаётий ишларда татбиқ қилмоқ керак. Пайғамбарлик минҳожи асосидаги иккинчи рошид Халифалик давлатигина юрт хавфсизлиги ва жамият бирлигини таъминлашга қодирдир. Ёлғиз ушбу давлат мустамлакачиликни илдизи билан қўпориб ташлаб, юрт ва фуқарони мудофаа қила олади».

Роя газетасининг 2020 йил 5 август чоршанба кунги 298-сонидан