بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Париж Суриядаги ярашув битими матни билан танишишни талаб қилмоқда

Франция ташқи ишлар вазири Жан-Марк Эронинг билдиришича, Париж АҚШ билан Россия ўртасида келишилган Сурияда ўт очишни тўхтатиш битими матни билан танишмоқчи бўлаётганини Вашингтондан талаб қилаётир.

Жан-Марк Франциянинг айни талаби сабабини, мўътадил мухолафатнинг бомбардимонга йўлиқиши эҳтимол, деган ҳужжат билан, Сурияда кимлар нишонга олинаётгани тўғрисида хиралик юзага келишини олдини олиш билан изоҳлади.

«Биз маълум босқичда айни режага оид ғоят кенгқамровли тафсилот берилишини талаб қилишда давом этамиз. Буни биз тўла маълумотлар билан танишишимиз зарурлиги учун шундай қиляпмиз», дея қўшимча қилди у.

Маълумки, ўтган чоршанба Россия ташқи ишлар вазири Сергей Лавров билан АҚШ ташқи ишлар вазири Жон Керри телефон орқали сўзлашиб, Суриядаги жанговар амалиётларни тўхтатиш тизимини яна 48 соатга узайтиришга келишиб олгандилар. (Россия Сегодня).

Роя газетаси шарҳи:

Франция дохил Европа давлатлари АҚШнинг Сурияга оид таклиф этилган сиёсий лойиҳаларни доим улардан узоқ тутиб келишидан безовта. Бу давлатлар Американинг бу масалани ўзи билан Россия ўртасига чеклаб олганини англаб етмоқда. Чунки АҚШнинг шундан кўнгли хотиржамки, Россия роли АҚШга Суриядаги режасини амалга ошириб берувчи хизматкорлик қилишдан иборат, аммо бундан фарқли ўлароқ, Европа давлатлари Сурияда ўз нуфузига эга бўлишни истайди, шу боис АҚШ бу давлатларга ишонмайди. Шу сабабдан Франция ташқи ишлар вазири бу икки давлат ўртасидаги келишувдан тўла танишиб чиқиш талабини қўйиш билан Америкага нома йўлламоқда. Бу нома, бизга мудом Америка тузган битим матни номаълум экан, битимга рози бўлишимиз учун Американи ўзимизга ишончли давлат, деб ҳисобламаймиз, деган мазмундаги номадир. Бошқа жиҳатдан, Франция Сурияда ўз нуфузига эга бўлиш учун унинг масаласидаги таклиф этилган ечимлардан хабардор бўлишга уриняпти.

Роя газетасининг 2016 йил 21 сентябр чоршанба кунги 96-сонидан