بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Иордания режими ва унинг бирин-кетин келаётган ҳукуматлари Аллоҳ, Росули ва мўминлардан уялади деб ким айтди?!

Матбуот ва ахборот сайтларида Иорданиядаги ҳукумат бош вазирининг иқтисодий ишлар ҳамда саноат, савдо ва таъминот ишлари бўйича ўринбосари Жавод Анонийнинг – Иордания ҳукумати ўқув дастурларини ўзгартиришдан уялмайди, ўқув дастурларини ўзгартирмоқчимиз, чунки уларнинг баъзилари терроризмга  тарғиб этишини аниқладик – деб айтган сўзи тарқатилди.

Биз Ҳизб ут-Таҳрир-Иордания вилояти аъзолари бунга нисбатан қуйидагиларни баён қиламиз:

Бу режим ва унинг ҳукумати Уммат ақидасига, қадриятларига, тушунчаларига, диний аҳкомларига ва туйғуларига қарши курашиш даражасига етди. Чунки у бундай қилмишдан уялмаслигини ўзининг бош вазири ўринбосари тилидан айтиш билан қабиҳликка қўл урди!

Иорданиядаги мусулмонлар ҳам, бошқа давлатлардаги мусулмонлар ҳам бу давлат режими ва унинг бирин-кетин келаётган ҳукуматлари бир кун ҳам Аллоҳдан, Росули САВдан ва мўминлардан ҳаё қилмаган деб биладилар, ҳатто бунга ишончлари комил. Бунга гувоҳлар ва бунинг далиллари жуда кўп.

Эй туҳматчилар, ўқув дастурларида терроризмга тарғиб қилувчи нимани топдингиз?! Ёки бу режимнинг Исломга қарши курашда халқаро салибчилик коалициясига қўшилиши билан эришган ютуғими?! Шубҳасиз, бу Исломимизни «терроризм манбаи, муаммо Исломда», дегувчиларга тамоман қўшилишдан ва уларга шериклик қилишдан бошқа нарса эмас. Эй туҳматчилар, ўқув программаларида терроризмга тарғиб қилувчи нимани топдингиз?! Ёки Умматнинг душманлари Қуръон Карим оятларида террорчиликка тарғиб қилувчи оятларни топганидек сизлар ҳам топдингларми?! Ёхуд Росулуллоҳ САВнинг ҳадисларидан терроризмга тарғиб қилувчи нарсани топдингларми?! Ёки кофир хўжайинларингиз аждодларини шайтон васвасасига солиб қўйган исломий ғазотларимиз, маърака ва қаҳрамонликларимиздан топдингларми?!

Эй Иорданиядаги мусулмонлар!

Албатта бу Иордания режими икки йил олдин тасдиқлаган экстремизмга қарши кураш миллий режасидир. Бу режа Исломга қарши курашишда ва уни душманлар андозасига мос қилиб ўзгартиришда халқаро салибчилар ҳаракатининг давомчиси бўлиб қолиши учун қабул қилинган. Ўқув программалари азизлик, фидокорлик, бирдамлик ва жиҳод каби тушунчалардан холи бўлиши учун ўқув программаларини вайрон қилиш ҳам мана шу режанинг бир бандидир. Бу билан кофир Ғарбга яқин бўлиш, уни рози қилиш ва унинг қучоғига отилиш кўзланган. Улар Ислом Умматини динидан, сақофати ва қадриятларидан маҳрум қилиш учун талабалар онгига Ғарб сақофатини ва динни ҳаётдан ажратиш ақидасини сингдиришмоқчи. Шунингдек улар, мустамлакачи кучларга ҳеч қандай қаршилик ва норозиликсиз ўз мақсадларига эришишлари осон бўлиши учун мусулмон ёшларни хор, муте, қарам ва қўрқоқ қилиб етиштиришмоқчи.

Эй Иорданиядаги мусулмонлар!

АҚШ ташқи ишлар вазирлиги чиқарган ҳисоботда Иордания ҳукумати экстремизмга қарши кураш миллий режасини тўла бажармаётганликда айбланган. Бу эса Иордания ҳукумати бажаришга ҳаракат қилаётган миллий режа АҚШнинг назорати ва раҳнамолиги остида яратилганини исботлайди. Бу ва бошқа режаларни бажариш йўлида ҳукумат Ислом ва мусулмонлар душманидан тинмай ёрдам кетидан ёрдамлар олиб ётибди.

Эй Иорданиядаги мусулмонлар!

Эй ҳалол инсонлар, эй ҳақиқий эр кишилари, булар сизнинг  Исломингизни, қадриятларингизни нишонга олишди. Бас, шундай экан, Аллоҳни рози қиладиган амални ўзингизда кўрсатиб, ҳукуматдан шундай шаръий ҳисоб талаб қилингки, қилган гуноҳидан қайтсин, Уммат ва Ислом душманлари билан ҳамкорлик қилишдан тийилсин. Бу душманлар ўзлари ўйлаб топган экстремизм ва терроризм, деган нарсага қарши курашни ниқоб қилишган, аслида эса Исломни нишонга олишган.

Ҳизб ут-Таҳрирнинг

Иорданиядаги матбуот бўлими

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">jordan_mo@hizb-ut-tahrir.info