بسم الله الرحمن الرحيم

Роя газетаси:

Ироқлик масъуллар ўртасидаги келишмовчилик бир-бирини шарманда қилиб, уларнинг юрт бойликларини талон-тарож қилганликларини ва бошқа кўплаб оғир жиноятларини очиб қўйди

Ироқ адлияси Зайбарийдан 6.5 миллион миқдордаги маблағни ўзлаштириб олган шахснинг кимлигини очиқлашни талаб қилди

Ўтган пайшанба Ироқ бош прокуратураси молия вазири Ҳушёр Зайбарийдан 6.5 миллион долларни ўзлаштириб олишга муваффақ бўлган шахснинг кимлигини очиқлашни талаб қилди. Ҳушёр Зайбарий маблағ ўзлаштириб олингани ҳақида матбуот йиғинларининг бирида айтиб ўтган эди.

Адлия ҳокимияти расмий нотиғи қози Абдусаттор Байроқдор бундай деди: «Бош прокуратура молия вазиридан унинг маҳаллий ахборот воситаларининг бирида тилга олган шахснинг исмини очиқлашни расман талаб қилмоқда, у ўз шахсий ҳисоб рақамига 6.5 миллион долларни ўтказиб олган кимсани қонунан жазога тортиш лозимлигини таъкидламоқда».

Молиявий коррупция иши бўйича парламентда тергов қилиш йиғилиши ортидан ишончдан маҳрум қилиш билан таҳдид қилган Зайбарий «Дижла» телевидениясига «фақат битта шахснинг ўзи олти миллион ва 455 миллионни хорижий банкдаги ўз ҳисоб рақамига ўтказиб олган», деди. Лекин парламентдаги молия комиссияси аъзоси Ҳайсам Жабурий бу шахс исмини ошкор қилди. Унинг таъкидлашича, бу шахс «Ҳуда банки эгаси Ҳамд Ёсир Мусавий» бўлган. Бу Мусавий собиқ бош вазир Нурий Моликий раҳбарлиги остидаги «Давлатул қонун» коалициясидан номзод бўлган, аммо сайловларга ютқазган шахсдир.

Жабурий «Ҳамд Мусавий иши биз томондан фош этилди ва марказий банкдаги пулларни ювиш бўлимида очилиб, шу бўлим у ҳақда прокуратурага ҳисобот берди», деди. Сўнг «айни ишда «Рошид» ва «Рофидин» дохил икки банкнинг ҳам аралашгани шубҳаланилаётгани учун учта иш очилган» эканини таъкидлади.

Жабурий коррупция ишида молия вазирини тергов қилиш кампаниясига бошчилик қилмоқда. Бу молия вазирининг ҳимоя банклари, уй мебеллари ва секретарияти уйини йирик миқдорда ижарага олиши билан боғлиқ кампания бўлиб, Зайбарий бу ишни «сиёсий буюртма» ўлароқ ҳисоблайди. Бироқ у Жабурийга бу йирик миқдордаги маблағнинг хорижга олиб чиқиб кетилиши хусусида Жабурийни танқид остига олиб, «бу ҳақиқий жиноят ишларидир, бу халқ моллари қаерга кетди, ким бунга жавобгар?», деди. Молия вазири «бу моллар расман ҳужжатлаштирилган (…), нима учун бунга ҳеч қандай чора кўрилмади, моллар назорат қилинмади, ахир, бу давлат бюджетига тенг маблағку?», деди.

Ўз навбатида парламентдаги хавфсизлик ва мудофаа раиси Ҳоким Зомилий «Ҳамд Мусавийда кўп жиноят ишлари бор, ҳаммасида коррупция очиқ кўриниб туради, илгарги ва ҳозирги парламентда ҳам, ҳукуматда ҳам унинг жиноятларини ёпиб турувчи доиралар ҳам бор», деди. Парламент айни молиявий коррупцияга оид тергов йиғилиши ортидан мудофаа вазири Холид Абидийни ишончдан маҳрум этди. (Ҳаёт газетаси).

Роя газетасининг 2016 йил 7 сентябр чоршанба кунги 94-сонидан