بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Исломий юртлар қарзга ботмоқда, уларнинг бойликларидан эса кофир Ғарб фойдаланмоқда

Араб давлатлари ташқи қарзлари қанчага етди?

Ҳисоботларга кўра, Араб давлатларининг ташқи қарзи 2000 йилдан бери бир неча баробарга ортиб кетган. Бу бир неча давлатларнинг ўз дефицитларини молиялаштириш ва сарф-харажатларини қўллаб-қувватлаш учун қарз олишлари оқибатидан келиб чиққан.

Араб давлатларининг инвестицияларни кафолатлаш ва экспортларни таъминлаш муассасаси чиқарган ҳисоботга кўра, йигирмата араб давлатининг ялпи ташқи қарзи 2000 йилдан 2014 йилга қадар 426.4 миллиард доллардан 891 миллиардга сакраган. Кейин 2015 йилга қадар 878 миллиард долларга тушган, 2016 йилда эса 923 миллиард долларга етган.

Ҳисоботда таъкидланишича, бундай кескин кўтарилиш, бир неча минтақа давлатларининг бюджетдаги камомадни молиялаштириш учун қарз олишлари оқибатида ҳамда сарф-харажат ҳажмининг муттасил кўтарилишига қараб, суверен облигациялар чоп этишлари сабабли юз берган. Бунинг оқибатида Араб давлатларининг ташқи қарз кўрсаткичлари маҳаллий ялпи ишлаб чиқариш ҳажмига нисбатан ортиб кетган.

Мазкур муассаса тахминига кўра, Араб давлатларида давлатнинг хорижий валюта захираси 2017 йилда 1001 миллиард долларга тушиб кетиши мумкин ва бу Форс Кўрфази давлатларининг дефицитни молиялаштириш учун захиралари бўшаб қолиши сабабли бўлади.

Ҳисоботда Араб давлатлари захираси бир йил давомидаги (2000-2011 йиллар давомидаги) йиллик ўртача 557 миллиард доллар 2016 йилга келиб 1061 миллиардга ортиб кетган. (Русиял Явм).

Роя газетаси шарҳи:

Аллоҳ Субҳанаҳу ва Таолонинг исломий юртларимизга беҳисоб бойлик ва ресурслар ато этиб қўйганига қарамай, юртларимиз мустамлакачи давлатлар, Халқаро Валюта Фонди ва Жаҳон Банки берган процентли қарзлар касофатидан фарёд қилмоқда, аҳолиси қашшоқликда кун кечирмоқда. Бунинг бирдан-бир сабаби, малай ҳукмдорларимизнинг айни бойликларни, худди ўз ота-боболаридан мерос қилиб олган шахсий бойликларидек, кофир Ғарб қўлига топшириб қўйишганидир. Бунинг эвазига ҳукмдорлар кофирлар итқитиб берган ялоқни олишмоқда… Уларга Аллоҳнинг лаънати бўлсин, тезроқ улардан мусулмонларни халос этсин!

Роя газетасининг 2016 йил 4 январ чоршанба кунги 111-сонидан