«ИСРОИЛ»НИНГ СУРИЯ ҚЎЗҒОЛОНИДАН ХАВФСИРАШИ
بِسْـــمِ اللهِ الرَّحْمٰـــنِ الرَّحِيـــم
«ИСРОИЛ»НИНГ СУРИЯ ҚЎЗҒОЛОНИДАН ХАВФСИРАШИ
Сурия қўзғолони яҳуд давлатидаги сиёсатчи ва муфаккирларни сиёсий ва стратегик жиҳатдан янгича фикрлашга мажбур қилди. Тўғри, араб юртларидаги қўзғолонлар онаси бўлган Сурия қўзғолони минтақа ва оламдаги сиёсатчилар тафаккурини ҳайратга солди. Лекин унинг яҳуд давлатига таъсири инқилобий суратда бўлди. Яҳуд сиёсатчилари одатдагидек жим туриша олмади. Яҳуд ахборот манбалари бош вазир Нетаньяху Аммонда Иордания қироли билан Суриядаги сўнгги вазиятлар хусусида яширин сўзлашувлар ўтказгани ҳақидаги хабарни тарқатди. Бу учрашув узоқ давом этиб унда чегара хариталари кўриб чиқилган. Эҳтимол Нетаньяху Сурияни бомбардимон қилиш учун «Исроил» ҳарбий ҳаво кучларини ишлатишда Иордания осмонини талаб қилган. Бу учрашувда Ироқ бош вазири Моликий ҳам иштирок этгани тўғрисида миш-мишлар тарқаган. Учрашувдан бир неча кун ўтиб «Исроил» самолётлари Дамашқ атрофидаги минтақага ҳужум қилгани ҳақида Америка газеталари хабар тарқатди, сўнг Сурия режими ҳам буни эълон қилди. Яҳуд давлати мудофаа вазири Эхуд Барак Мюнхен хавфсизлик учрашувида буни зимдан таъкидлади.
«Исроил» босқинидан бир неча кун олдин бош вазир ўринбосари Сильван Шалом: «Суриядаги экстремистлар Дамашқ атрофи ва Ҳалабдаги элчихона ёнидаги кимёвий қуроллар сақланадиган базаларга яқинлашиб қолди. Агар улар шу қуролларни қўлга киритса минтақага катта хавф туғилиши мумкин. Шунинг учун Исроил бундай ҳолатнинг олдини олиш учун ҳарбий ҳужумлар уюштиражак» деб баёнот берган эди. Нетаньяху эса: «Агар Суриядаги кимёвий қуроллар экстремистлар қўлига ўтиб кетса бу улкан хатарга айланади. Олам давлатлари бунга йўл қўймасликлари керак» деди (ал-Жазира, 2013 йил 28 январ). Бу ўзгаришлар яҳуд сиёсатчилари Сурия режими кимёвий қуролларни ҳамон ўз назорати остида ушлаб келаётганидан хотиржамликларини эълон қилишгандан кейин, сўнгги ҳафталарда рўй берди. Чунки Сурия қўзғолончилари барча жойлардаги режим позицияларига жасоратли ҳужумлар уюштирдилар ва бунинг оқибатида янги ҳарбий позицияларни эгалладилар. Катта ишонч билан Асадни қулатиш учун жангларни давом эттириш имкониятини берадиган қурол-аслаҳа ва захираларни қўлга киритдилар. 2013 йил 22 февралда «Исроил» армиясидаги манбаларнинг келтиришича «Сурия армияси Дамашқдаги позициясини кучайтириш учун Жўлон минтақасидаги чегаралардан ҳарбий кучларини олиб чиқмоқда». Бу манбанинг айтишича, гўё Сурия армияси «Исроил» армиясини бетайин аҳволда ташлаб чиқиб кетган.
Америкалик ёзувчи Томас Фридман шунга ишора қилиб айтган гапини Американинг «Нью-Йорк Таймс» газетаси чоп этди. 2013 йил 10 февралда ал-Жазира.нет сайти ундан цитаталар келтирди ва қўшимча қилди: «Исроилнинг айрим генералларининг фикрича, Сурияда давом этаётган уруш катта стратегик хатар бўлиб, у Эроннинг ядровий программаси хатаридан кам эмас. Агар Сурия Исроил чегараларидаги иккинчи Афғонистонга айлангудек бўлса, у жиҳодчилар, кимёвий қуроллар ва ер-ҳаво ракеталарига лиқ тўла марказга айланиб қолади. Сўнг буларнинг барчаси Исроилга қўшни минтақаларга осонгина тарқаб кетади» деган.
Арабча ахборот воситалари яҳуд манбалардан келтиришича, президент Обаманинг баҳорда «Исроил»га ташрифи чоғида асосий эътибор Сурияда «Исроил»га қарши пайдо бўлаётган ҳолатларнинг таъсири ва Эроннинг ядровий программаси ҳақидаги мубоҳасага қаратилади. Кўпчилик кузатувчиларнинг эътибор беришича, Нетаньяхунинг сайлов кампанияси кутилганга зид ўлароқ Эроннинг ядро программаси борасида бўлмади. Бу эса Сурия қўзғолони яҳуд сиёсатчилари ва хавфсизлик идоралари тафаккурида пайдо қилган улкан инқилобга ишора қилмоқда. Бу инқилоб ҳақиқати ва кўламини тушуниш учун қуйидаги сиёсий ҳақиқатларни келтириб ўтамиз:
1 – Баъзилар қаршилик ҳаракати ва бундаги Суриянинг асосий роли ҳақида мақтанишни ёқтиради. «Исроил» бунинг барчаси маҳаллий арабларни ўзига қаратиш учун қилинаётганини билади. «Исроил»га аҳамиятли бўлган нарса шуки, унинг Сурия билан бўлган чегаралари 1967 йилдан буён тинч минтақа сифатида келяпти. «Исроил» Ҳофиз Асад ва унинг ўғли даврида ҳаво ҳужуми воситасида Суриянинг ҳақиқий позициясини текшириб кўрди. Дейруз Зурда Шимолий Корея атом реакторларни қурмоқда деган баҳонани рўкач қилиб уюштирган ҳарбий ҳаво ҳужуми билан иш ниҳоясига етмади.
2 – «Исроил» Суриянинг ҳарбий қувватига катта хавф билан қарайди. Лекин у Туркия оталиғи остида у билан ошкора учрашувлар ўтказган Асаддан қўрқмайди. Жўлон мавзусини ҳал қилиш учун ўтказган яширин учрашувларни-ку қўяверинг. Лекин «Исроил» бу ҳарбий қувват ҳарбий инқилоб туфайли мухлис кишилар қўлига ўтиб қолишидан қўрқади. Бундан ташқари бу қувватни «Исроил»га баъзида одоб бериб қўйишни хоҳлайдиган Америка сиёсати фойдасига ишлашидан қўрқади. Масалан 2006 йилги Ливан урушида Америка «Исроил»ни оғир аҳволга солиб қўйган эди. «Исроил» ўшанда Америкадан уни озиқ-овқат билан таъминлаш ва Хавфсизлик Кенгаши қарори билан ўқ отишни тўхтатиш орқали унинг денгиз сувларини қўриқлаш билан уни қутқаришини сўраган эди. Америка бундай яширин ишлари орқали яҳудларга давлатингиз хавфсизлиги Америка қўлида деб уқтирмоқчи ва баъзи сиёсатчиларига Америкадан мустақил бўлиш курашидан воз кечишлари шартлигини айтмоқчи бўлади.
3 – «Исроил»даги ҳоким табақа тафаккурини биладиган киши улар фақат битта ўлчов, яъни хавфсизлик хақида фикр юритаётганини тушунади. Шубҳасиз бу оқсоқ тафаккур ҳозирда, яъни Америка ва Ғарбнинг Сурия қўзғолонини бўйсундириш сиёсатлари чиппакка чиққандан кейин, у ердаги қувват тизгини мухлис кишилар қўлига ўтиб кетишидан қўрқяпти. Бу эса яҳуд давлати атрофида хавфсизлик жиҳатдан катта хатар йиғилаётганини кўраётган «Исроил»ча тафаккурда хатарни янада кучайтиряпти.
4 – Яҳудлар доим армиясининг кучлилиги билан мақтанишади. Бу тарихий чўпчак бўлиб, уни Миср, Иордания, Сурия ва Ливандаги золим ҳокимларнинг хорларча мағлубиятлари пайдо қилди. Британия, Европа ва Америка эса буни ахборот воситаларида кенг ёритди. Лекин яҳудларнинг ўзлари «Исроил»ни сақлаб қолиш назарияси пучга чиққани хақида гапира бошлашди. Буни Фаластин интифозаси каби суръати паст курашларда гапира бошлашди. Чунки бу курашлар араблардан яҳудларнинг армиясидан қўрқишни олиб ташлади. Бу қўрқувни Сурия, Миср, Иордания ва Ливан ҳокимлари яҳудлар армиясига енгилмас куч сифатида қараши ва унинг олдида кетма-кет мағлуб бўлишлари туфайли пайдо қилган эди. «Исроил»ни сақлаб қолиш назарияси «Исроил» 2006 йил Ливанга, 2008, 2009 ва 2012 йил Ғазога ҳужум қилган каби ўртача миқёсдаги урушда пучга чиқиши яҳудларни таажжубга солди. Яҳудлар бу назарияни кенг қамровли урушда чиппакка чиқиши яҳуд давлатининг тугаши эканини ва бу ном-нишонсиз йўқолиб кетиш эканини билишади. Шунинг учун яҳуд сиёсатчиларида ҳарбий тафаккурнинг янгича услуби пайдо бўлди. Улар буни «яъжуж ва маъжуж уруши» деб аташди. Бу Эроннинг ядровий программасидан бошланди, сўнг Миср баҳори бўлди, унда Америка ишлар тизгинини ҳамон ушлаб турганини улар ёрқин тушунишмади, сўнг бунга Суриядаги қўзғолонлар қўшилди. Эҳтимол масала яқин кунларгача қалтислигича қолса керак, яъни «Исроил» сиёсати сўллигича қолади. Масаланинг қалтислиги ортиб бориб охири чўққисига етади. Шунда «Исроил» Сурияга қарши урушга киришга қарор қилади ва Аллоҳнинг изни билан «Исроил» давлати тугайди.
5 – «Исроил» хавф-хатар ўзининг атрофида ниҳоятда тезлик билан йиғилаётганини кўриб турибди. Яҳуд сиёсатчилари «Исроил» давлатига катта хатар туғдирмайдиган хавфсизлик масалаларини Ғазо ва Ливан жанубига ракета отиш билан ҳал қилишолмади. Сўнг Эрон ядровий программаси ҳал қилмаса бўлмайдиган катта хатар сифатида пайдо бўлди. Яқин ўтган йилларда «Исроил» сиёсатлари Эрон хатарини даф қилиш учун ҳаракат қилиш томон йўналди. Америка эса «Исроил»ни Эроннинг ядровий программасига қарши қиладиган ҳужумдан тўхтамай қайтарди. Миср, Ливия ва Тунисда араб қўзғолонлари бошланганда «Исроил» таажжубга тушиб қолди. У бу қўзғолонларни араб баҳори деб аташдан бош тортиб, уни қирчиллама исломий қаҳратон деб атади. «Исроил» бу билан намойишлар тўлқини вайрон қилган ушбу давлатлар, хусусан Миср тушиб қолиши мумкин бўлган вазиятлардан хавотири ортиб бораётганига ишора қилди. «Исроил» бу қўзғолонлар натижасида пайдо бўлган «исломий» ҳукуматлар Ғарбга малай ҳукуматлар эканини яхши билади. Унинг Миср билан алоқаси ҳамон давом этмоқда, ҳатто Мисрдаги Ихвонул Муслиминнинг етакчилари Американи рози қилиш учун аҳён-аҳёнда унга меҳрибончилик қилмоқда. Масалан, яҳудларнинг Мисрга қайтишларини олқишлаган ва Мисрда катта шовқин-суронни пайдо қилган Исом Урён баёноти. «Исроил» хавфсизлик нуқтаи назаридан Мисрни Суриядан кўра хатари озроқ деб билади. Чунки уларнинг орасини Синайдаги катта саҳро ажратиб туради. Бу эса «Исроил» армиясига уруш «Исроил» ичкарисига етиб боришидан олдин ҳаракатланиш имкониятни беради. Сурия тарафда эса бундай тўсиқ йўқ.
6 – Аммо Суриядаги вазият инқилоблар шаббодаси эсган давлатларнинг вазиятидан ўзгачадир. Чунки Сурияда ҳақиқий маънодаги мукаммал қўзғолон рўй берди. Ливияда бўлгани каби уни НАТОнинг қўли ифлос қилолмади ва тизгинини ушлай олмади. Ғарб фуқаролик давлати ва ундан бошқа қўзғолонни барбод қиладиган шиорлар каби сариқ чақага арзимайдиган талаблар билан ифлослантириш учун Сурия қўзғолонига босим ўтказа олмади. Балки Сурия қўзғолони ўз Исломи билан қордек оппоқ бўлиб қолаверди. Асад режимининг ваҳшийлиги қанчалик ортмасин қўзғолон Ислом, поклик ва салобат жиҳатидан юксалаверди. Асад режими ўрнига Ислом давлатини барпо қилишдек кенг қамровли талаб юзага чиқди. «Исроил» хавфсизлик ташкилотидан Сурия қўзғолони бошлангандан буён ундаги асосий муаммо қўзғолонни Ҳизбут Таҳрир ушлаб туриши хатари деган хабар сизиб чиқди. Бу хабарларга кўра бу ҳизб бошқа барча ҳизблардан унинг эшиклари «Исроил» олдида қулфлангани билан фарқланади. Бу қўзғолоннинг исломий қўзғолон экани, у Ҳизбут Таҳрир фикрини қабул қилгани, исломий Халифаликни барпо қилиш ҳақида баралла қичқираётгани бугунги кунда Сурияда кўпчиликни қўрқитмоқда. Сурияда урушаётган ҳарбий полкларнинг аксарияти шу йўлда бириккан.
7 – «Исроил» Сурияда жамланиб қолган, «Ҳалқаро жиҳод» деб аталаётган нарса туфайли Суриядан келадиган хатарнинг ҳажмини яхши тушунади. «Исроил» нуқтаи назарига кўра «Ҳалқаро жиҳод»нинг мавжуд бўлиши катта хатар пайдо бўлганидан дарак беради. Ҳатто Суриядаги кризисдан Ғарб айтаётган «яроқсиз давлат» ва Асаднинг бир неча генераллари қолса ҳам бу хатарнинг ҳажми кичраймайди. Чунки бу жамоалар яҳудий нишонларга ҳужум қилиш учун ўз режаларини бошлаб юборади. Кимки Ҳалаб ҳарбий самолётларни таъмирлаш аэропортидаги жанговар самолётларни жанг қилаётган гуруҳлар эгаллаб олганини ва яна бир гуруҳ Дамашқ атрофидаги қурол омборларидан стратегик аҳамиятдаги ракета ва ҳаво ҳужумидан ҳимоя қилувчи қуролларни эгаллаб олганини кўрган яҳуд етакчиларини хотиржам ухлашади деб ўйласа хато қилади. Балки яҳудлар қарши реакция бериш учун режа тузишмоқда.
«Исроил» мана шу ҳақиқатлар ва Суриядаги вазиятларнинг келажаги ҳақидаги «исроил»ча қора чизгилар қаршисида қувватига қувват, Исломига Ислом қўшилиб бораётган қўзғолондан нажот йўлини ахтариб стол устидаги қоғозларни бир бошдан варақлаб чиқяпти. Бу ерда яна бир айтиш лозим бўлган нарса шуки, «Исроил»нинг нажот ҳақидаги тафаккури Сурия қўзғолони халқаро жиҳатдан мураккаб бўлиб турган бир пайтга тўғри келяпти. «Исроил» нажот йўлини ахтармагунча (аслида бу йўл бормикин) саросимадаги халқаро кучларнинг бирортасига ҳам суяниб бўлмаслигини билади. Шундай бўлсада нажот ахтариб қоғоз варақламоқда. «Исроил» Суриядаги қўзғолончилар фойдасига ишлаётган дунёвий ўзгаришлар исканжасида нажот йўли ҳақида фикрлаяпти. Агар биз барча нарсадан кўра хавфсизлик жиҳатини устун қўядиган «Исроил»ча фикрлаш табиатини тушунсак, уни яқин кунларда ўлимга олиб борувчи хатога йўл қўйишини ва иккинчи холокост бўлишидан қўрқаётганига қарамай тарих зулматлари қаърига чўкиб кетишини билиб оламиз.
Яҳудлар исломий минтақалардаги вазиятлар уларнинг кемаси оқимига қарши ўзгариб кетганини яхши билишади. Уларнинг айримлари араб баҳоридан олдинроқ хатар келаётганини билишганди. Араб баҳори бошланишидан 6 ой олдин «Исроил» президенти Шимон Пересдан араб давлатлари армиялари ўлиш арафасида турган ва уларнинг президент ва подшоҳлари «Исроил» билан бўлган алоқада муроса қилаётган бир вақтда «Исроил» армияни кучайтиришга эътибор қаратаётганининг сабаби ҳақида сўрашганда, у: «Шунга ўхшаш ҳолатда Салоҳиддин чиқади» деб ғайриоддий жавоб қилган эди.
Аммо Сурия қўзғолонига нисбатан «Исроил» сиёсати қандай бўлади? Бу ҳақда қатъий айта оламизки, «Исроил» Суриядаги вазиятларга нисбатан ўзининг хавфсизлиги ҳақида бош қотириши ва ҳарбий зарбалар бериши мумкин. «Исроил» бир қанча ойлардан бери Жўлондаги ўзи босиб олган территорияларни девор ва тиконли симлар билан ўраб, чегаранинг нариги томонида Асад ҳукмрон бўлиб турган пайтдаги анъанавий қўшинлари ўрнига сара қўшинларини ўрнаштирган бўлса, эндиликда Сурия чегараларида ўз ҳукмронлигини кенгайтираётган «Жиҳодчилар» ҳар қандай вақтда қилиши кутилаётган ҳужумларга қарши яширин кучларини жойлаштирмоқда. Бироқ Асаднинг қўзғолон қаршисида маҳкам туриши «Исроил» қалбида илиқлик уйғотяпти, лекин бундан кўнгли тўлмаяпти. Шунинг учун агрессив амалиётлари доирасини кенгайтирмоқда. Мана масалан Дамашқ атрофига қилган ҳужуми унинг синови бўлди. Қўзғолончилар қўлига тушиб қолиши хатар туғдиради деб ҳисоблаган қуролларни қўлга киритиш мақсадида яна бошқа ҳужумлар уюштириши ҳам мумкин. Сурия режими эса бу ҳужумларни эълон қилмайди. Қўзғолончилар эса Асаднинг ракета, бомба ва ҳаво ҳужумлари улар эгаллаб олган ҳарбий базаларга дўлдек ёғилиб турган вақтда уларни «Исроил» томонидан бўлаётганини аниқлаш имкониятига эга бўлмайди.
Шу нарса маълум бўлиши лозимки, Исломи туфайли қордек оппоқ Сурия қўзғолони «Исроил»га нисбатан хавф-хатар бонгини урди, натижада унинг шимолидан келаётган олов олдида Эроннинг ядро программаси иккинчи даражали хатарга айланиб қолди. Нетаньяхунинг Иордания қироли билан бўлган учрашувига ўткинчи назар билан қараш гўлликдир. Эҳтимол «Исроил» самолётлари кузатиш, суратга олиш ва бомбардимон қилиш мақсадида Сурияга Иордания орқали киради.
Ҳалқаро майдонда ҳақиқат лаҳзаси яқинлашмоқда, бунда Америка сиёсатчилари Асад режимини сақлаб қолиш ҳақида қўлини ювиб қўлтиққа уради. Сурия ичкарисида ҳар қандай қонхўр билан диалогга кириш инкор қилинаётган вақтда Муоз Хатибдек малай альтернативларни пайдо қилиш билан очиқ муваффақиятсизликларини эълон қилишмоқда. Сурияга қарши уруш тайёргарлик босқичида бўлиши мумкин. Агар биз Америка Ироқ муаммосидан сўнг бу урушга киришдан ожиз эканини ва Россияга Сурия тўғрисида хавфсизликка оид муҳим ишларни топширганини тушунсак, Суриядаги бошқарув мухлис исломчиларнинг қўлига ўтиб кетиши ва натижада минтақанинг барчаси Ғарб қўлидан рошид Халифалик давлатини қуриш томонига ўтиб кетишини олдини олиш учун «Исроил»нинг халқаро қўллаб-қувватлов билан кириши ҳам эҳтимолдан холи эмаслигини англаймиз. Бу ерда «Исроил»ни Сурияда ҳарбий миссияларни қилишга ундайдиган бошқа сабаблар ҳам бор. Бу сабабларнинг меҳвари Американинг Суриядаги муваффақиятсизлигидир. Америка Сурияда бор имкониятини ишлатиббўлай деди. У Туркияни ишга солди, Россияни Хавфсизлик Кенгаши қарорларига қарши чиқишга қизиқтирди. Араб Лигаси ва БМТнинг кузатувчилари Деби, Кофи Аннан, Иброҳимийни юборди, ҳозир эса Туркия, Миср, Эрон учлигини ва Ливанни ишга солмоқда. Муваффақиятсизликнинг бундай силсиласи Сурия ичидаги қўзғолончиларни бўйсундиришдаги Американинг ифлос сиёсати билан ҳамоҳанг бўлмоқда. Ташқаридаги бўлиниб кетган оппозициянинг Сурия ичкарисида ҳеч қандай ўрни йўқ. Америка Сурия қўзғолонига қурол-аслаҳа билан ёрдам беришни чеклаб қўйиш борасида ҳам муваффақиятсизликка учради. У Туркия ва Иордания чегараларини қуролли кучлар билан маҳкам кузатиб турибди. Ғарбий ва шарқий тарафдан масала Ҳизбуллоҳ ва Моликийга топширилган. Шундай муваффақиятсизликлар қаршисида сурияликлар Аллоҳнинг инояти Американинг макридан буюкроқ эканини кўрдилар. Чунки Аллоҳ уларни қўзғолончилар жангларда қўлга киритаётган Асаднинг ҳарбий базаларидан тушаётган ўлжалар билан қувватлади.
Американинг муваффақиятсизликлари Америка элчиси Сурияда пайдо қилган Сурия коалицияси ўртага ташлаган ва ичкарида қаттиқ қаршиликка учраган банкрот ташаббусларда ҳам намоён бўлди. Бу кузатувчини: Америка Суриядан чиқиб кетиш арафасида турибди, шунинг учун ҳам у – Асаддан қўрққани учун эмас, ундан кейинги нарсадан қўрққани учун – Туркия чегараларини ҳимоя қилиш мақсадида у ерга Пэтриот русумли ракеталарни ўрната бошлади деб қатъан айтишга ундайди. Шу нарсани ҳам эсдан чиқармаслик керакки, кофирлар Сурияда Асаддан кейин келадиган исломий тузум ҳақиқатини тушунишади. Шунинг учун ҳам улар ўз манфаатларини бекор ташлаб қўйишмайди. Уларнинг амалдаги сиёсатлари ҳам мана шу доирада кечади.
Америка катта Буш давридан бошлаб «Янги ҳалқаро низом»ни бошлаш ҳақида фикрлаб Ироққа ҳужум қилган бўлса, «Исроил»дан Саддам Ҳусайннинг ракета ҳужумларига қарамай аралашмасликни талаб қилди. Америка бунда қарши курашаётган давлат бўлмиш Ҳофиз Асад давлати юз минглаб суриялик аскарлар Америка ва «Исроил» билан бир сафда урушга кириши ва натижада Американинг минтақадаги мана шу давлатлар учун белгилаган қаршилик кўрсатиш режаси фош бўлишидан қўрқди. Ҳа Америка бугун бундай ишларни қила олмайди, у минтақадаги имкониятларининг кўпини ишлатиб бўлди. Америка жамиятига путур етказган ва ҳалигача тузалмаган Ироқ муаммосидан кейин ҳарбий куч билан аралашиш ёки юз минглаб аскарларни юбориш имкониятига эга эмас. Бу нафақат Ўрта Шарқда, балки бутун дунё бўйлаб Америка буюклигига таҳдид қилаётган молиявий инқирозга ҳам боғлиқ. Америка ва Ғарб «Исроил»даги Ғарбга қарашли катта ҳарбий базани озиқ-овқат, қурол-яроғ ва самолётлар билан таъминлаш орқали яқин кунларда ишга солади. «Исроил»нинг Дамашқ атрофига қилган ҳужуми Америка рухсатисиз бўлиши ҳақиқатдан йироқ. Чунки Америка матбуоти бу ҳақда ёзди.
Шубҳасиз «Исроил» мана шу мақсадларни рўёбга чиқариш йўлида саросимага тушиб қолган. Бугунги Сурия кечагисидан ўзгача, Суриядаги ҳарбий базалар харитаси аралаш-қуралаш бўлиб кетди. «Исроил»нинг қўлидаги улкан маълумотлар бугун муҳим бўлмай қолди. Бир тарафдан Асаднинг қуроли «Исроил» хоҳлагандек ишлатиляпти, иккинчи тарафдан «Исроил» қўзғолончилар қўлга киритган қуролларга турли сабабларга кўра тўла шаклда баҳо бера олмаяпти. Ваҳоланки у Сурия ичидаги ҳарбий мувозанатдаги ўзгаришларни кузатиб турибди, яна бошқа бир тарафдан унинг урушга кириши Асаднинг қулашини тезлатади. Шунинг учун «Исроил» Америка қизиқтираётган бўлса-да, Сурия ишларига аралашиш йўлида ишончсиз ва саросимали ҳолатда яшамоқда. У маълумотлар йиғишда давом этяпти, эҳтимол Сурия режими қулагунигача шу ҳолда давом этар. Лекин у қўзғолончилар қўлига тушиб қолаётган қуролларга зарба бериш учун эълон қилмасдан ҳаво ҳужумлари уюштираётгани ва бу нарсада Америка билан, Америка орқали Асад билан мувофиқ келаётганини инкор қила олмайди. Пайғамбаримиз Aнинг:
«فَسْطَاطُ الْمُسْلِمِينَ يَوْمُ الْمَلْحَمَةِ الْكُبْرَى بِأَرْضٍ يُقَالُ لَهَا الْغُوطَةُ، فِيهَا مَدِينَةٌ يُقَالُ لَهَا دِمَشْقُ، خَيْرُ مَنَازِلِ الْمُسْلِمِينَ يَوْمَئِذٍ»
«Катта қонли жанг кунида мусулмонлар ҳарбий лагери Ғута дейилган ерда бўлади. У ерда Дамашқ деган шаҳар борки, у ўша кунда мусулмонларнинг энг яхши манзилларидан бири бўлади», деган хадислари таъкидлаганидек, Суриядаги қўзғолонга қарши бундай катта сонли душманларнинг йиғилиши Аллоҳнинг тақдири бўлса, бу мўминларнинг Роббиларига бўлган имонини зиёда қилади. Аллоҳ Таоло айтади:
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ
«Ундай зотларга айрим кимсалар: «Қурайш одамлари сизларга қарши(саноқсиз лашкар) тўплаган, қўрқингиз!» деганларида бу гап уларнинг имонларини зиёда қилди ва: «Бизга ёлғиз Аллоҳнинг ўзи кифоя. У зот энг яхши ишончли вакилдир!» — дедилар» [Оли Имрон 173]
Мусулмонлар бундай жангларни тўсишга лойиқдир, «Исроил» эса катта қувватга эга бўлган давлат бўла туриб Ғазо ва Ливанда уришар экан, уни ваҳн қамраб олди. Унинг қулаши кўпчилик кутаётганидан кўра тезроқ бўлиши мумкин.
Асаднинг қулашидаги энг катта самара Исломий Халифалик давлати барпо бўлиши мумкин. Ана ўшанда Росул Aнинг:
«ثُمَّ تَكُونُ خِلاَفَةً عَلَى مِنْهَاجِ النُّبُوَّةِ»
«Сўнг пайғамбарлик минҳожи асосидаги рошид Халифалик бўлади» деган хушхабарлари рўёбга чиқади. Аҳмад ривояти. Аллоҳ хоҳласа бу давлатнинг биринчи меваси яҳуд давлатига барҳам бериш бўлади, унда Росул Aнинг бошқа башоратлари рўёбга чиқади. Муслим Абу Ҳурайрадан ривоят қилган ҳадисда Росул A бундай деганлар:
«لاَ تَقُومُ السَّاعَةُ حَتَّى يُقَاتِلَ الْمُسْلِمُونَ الْيَهُودَ، فَيَقْتُلُهُمْ الْمُسْلِمُونَ»
«Мусулмонлар яҳудлар билан урушмагунча ва уларни ўлдирмагунча қиёмат бўлмайди». Бу иш Аллоҳга осондир.
Исом шайх Ғоним
