Болаларга қарши жинсий жиноятлар – эркинлик ғоясининг оқибати

بِسْمِ اللهِ الرَّحْمٰنِ الرَّحِيمِ

Наманган вилоятининг Янгиқўрғон туманида 7 ёшли қиз ўз қариндоши бўлган катта ёшли шахс томонидан зўрланди. Бу ҳақда Kun.uz хабар берди. Маълум бўлишича, 1987 йилда туғилган Б.С. 14 октябр куни тоғаси Ж.М.нинг яшаш хонадонига тўй маросимига борган. У тўйда тоғасининг 2018 йилда туғилган невараси И.К.ни вояга етмаганидан фойдаланиб, алдаган ҳолда четга олиб чиққан. Сўнгра қизалоқнинг номусига тегиб, воқеа жойидан яширинган.  Эркак 2 кунлик қидирувдан сўнг қўлга олинган.

Бу воқеа ижтимоий тармоқларни портлатиб ва ҳали совимай туриб яна шу каби жирканч жиноят содир этилди. Қалампир.узда тарқалган хабарга кўра, Тошкент вилоятининг Оҳангарон туманида жойлашган манзил колонияда жазосини ўтаётган 31 ёшли маҳкум қочиб кетиб, 3-синфда ўқийдиган қизни зўрлаган.

Хабарларда айтилишича, ушбу икки шахс бу жиноятларини биринчи бор содир этгани йўқ. Жумладан, биринчи хабардаги 7 ёшли қариндошини зўрлаган шахс икки бора номусга тегиш жиноятини содир этиб, узоқ муддатга ҳукм қилинган. Бироқ икки ҳолатда ҳам қамоқ муддатининг бир неча йилини суднинг ажрими билан ахлоқ тузатиш ишлари жазосига алмаштирилган, яъни енгиллаштирилган. 3-синф ўқувчи қизни зўрлаган шахс ҳам 2018 йил номусга тегиш жиноятини содир этганлиги сабабли 16 йил қамоқ жазосига ҳукм қилиниб, 2024 йил муддатини қолган қисмини ўташ учун манзил колонияга ўтказилган.

Ўзбекистон Олий Мажлис Қонунчилик палатаси депутати, “Миллий тикланиш” демократик партияси фракцияси аъзоси Дилноза Азизова Намангандаги ҳодисадан сўнг шундай фикр билдирди: “Намангандаги воқеа — фақат бир педофилнинг разолати эмас, бу жиноятни йиллар давомида “ахлоқ тузатиш ишлари” деган юмшоқ ифода билан оқлаб келган тизимнинг юзи. Боланинг ҳаёти билан ўйнашиш мумкин эмас. Бу фақат жиноят эмас — инсонийликка қарши қўзғолон. Шундай педофиллар жазо муддатини “яхши хулқ” баҳонаси билан қисқартириб, кўчада эркин юргани — давлатнинг болага бўлган муносабатидан дарак. Қонун фақат қоғозда эмас, ҳаётда ҳам қаттиқ бўлиши керак. Бундай жиноятчилар учун кечириш, енгиллик ёки “яхши хулқ” деган гап бўлмаслиги шартлигининг яна бир исботига гувоҳ бўлдик”.

Дарҳақиқат, содир бўлган ушбу жирканч жиноятлар – қизалоқларнинг зўрланиши нафақат инсон ҳаётидаги фожеа, балки бутун жамият онгидаги чуқур касалликнинг ифодаси. Бу муаммони фақат “тизимда” деб билиш етарли эмас. Асосий илдиз инсоннинг онгини шакллантираётган, жамиятга татбиқ қилинаётган тузумда. Яъни бу фақат бир одамнинг ёвузлиги ёки тизимнинг заифлиги эмас, бу онгнинг заҳарланиши, ҳаётимизга сингдирилаётган Ғарб демократиясининг “шахсий эркинлик” ғояси аталмиш иллатнинг натижасидир. Масалан, Европа Комиссиясининг “Education for 2030” дастури очиқ ёзади: “Ёшларда ўз танаси ва жинсий ҳаёти устидан тўлиқ эркинлик ҳиссини шакллантириш – демократик онгнинг асосидир”.

Ҳозирги капиталистик ва секуляр дунёда одамнинг онги “эркин бўл”, “ҳаёт сенинг мулкинг”, “хоҳлаганингни қил” деган шиорлар билан тарбияланмоқда. Яъни демократик жамиятлар инсонни Худодан ажратиб, унинг ўрнига “эркинлик”ни қўйди. Буни янги “дин” деб атасак ҳам муболаға бўлмайди. Унга кўра, ҳеч нарса муқаддас эмас: на оила, на бола, на номус. Шундай муҳитда ўсган кимса “эркинлик”ни ахлоқдан юқори қўяди ва жиноятини ҳам ўз “эркинлиги”нинг бир қисми деб кўради. Бу энг хавфли нуқта. Бундай онгдаги инсонни қонун билан жиловлашга уриниш – оқибатларга қарши курашиш холос. Қонун фақат ҳаракатни чеклайди, лекин онгдаги иллатни даволамайди.

Демократиянинг ўчоғи бўлган Ғарбга назар солсангиз, бу каби жиноятларга тўлиб тошганини гувоҳи бўласиз. Британияда 2024 йилда жинсий жиноятлар сони 1990 йилга нисбатан 3,5 баробар ошган. (UK Office for National Statistics). Германияда 2022 йилда болаларга нисбатан жинсий зўравонликнинг (CSA) 15 520 та ҳолати қайд этилган, шуларнинг 74 фоизи қиз болаларга тўғри келган. Шунингдек, болалар порнографияси билан боғлиқ 48 821 та ҳолат аниқланган. (safeguardingchildhood.com) БМТ расмий сайтидаги 2024 йил 21 январ кунги хабарда, Франция болаларни инцест ва жинсий зўравонликнинг барча кўринишларидан ҳимоя қилиш учун шошилинч чоралар кўриши зарурлиги ҳақида БМТнинг мустақил экспертлари томонидан баёнот берилган. Булар ахлоқий “эркинлик” ва шахсий хоҳишни чекламайдиган жамият қандай ёмон иллатларга етиб борганини кўрсатади. Ёки барча, хусусан, ўзбек ҳукумати ҳам  “таъзим” қилаётган АҚШда ҳар 68 сонияда бир киши зўрланади. Ўртача ҳисобда, ҳар йили 12 ёш ва ундан катта бўлган тахминан 463 634 киши жинсий зўравонлик қурбонига айланади. (RAINN)

Кўриниб турибдики, бу “эркинликлар”, айниқса, шахс эркинлиги инсонни ҳамма нарсани фарқламай ямлаб ютадиган ваҳший ҳайвонга айлантириб қўйди. Инсонлар – Аллоҳнинг раҳматига муяссар бўлганлардан ташқари – бу “шахс эркинлиги”дан фойдаланиб, ўз хоҳиши, ўз шаҳватига бўйсунади. Ҳақиқатда, Ислом низоми татбиқ этилмагунча, мусулмонлар ва бутун инсоният капитализм  аталмиш бу вабодан ҳеч қачон қутула олмайди. Ислом эса инсон ҳурматини сақлаш ва ҳаётини муҳофаза қилишга кафолат берувчи бебаҳо ва ахлоқий муолажалар тизимини жорий этади.

Афсуски, юртимизда Исломни ҳаётга олиб келишга ҳаракат қилаётган Ҳизб ут-Таҳрирнинг фидоий йигитлари режим томонидан бузғунчи, халқ душмани, террорист, экстремист сифатида кўрсатиб келиняпти. Уларнинг ягона “айби” – Ислом мабдасини ҳаётга олиб келишга ҳаракат қилаётганларидир. Бинобарин, жамиятимизни бузуқлик ва шаҳватпарастлик каби иллатлардан батамом тозалаш ҳам Ислом татбиқисиз амалга ошмайди.

Аянчлиси шуки, ўзбек режими ҳақиқий жиноятчиларга кечиримли бўлиши мумкин, бироқ Ислом даъватчиларига эмас! Ҳатто улардан узоқ йиллардан сўнг озодликка чиққанларини ҳам катта муддатлар билан яна қайта қамоққа ташламоқда. Ҳолбуки, ушбу даъватчилар жамиятимиз учун ҳеч бир хавф-хатар туғдирган эмас, аксинча у Ислом асосида уйғониш ва юксалишга қараб юрган. Шу боис халқимиз ҳақиқий жиноятчиларни озод қилиб, бегуноҳларни жазолайдиган бундай бошқарувни таниб олиши ва унинг ўзидан ҳам, татбиқ қилаётган ясама тузумидан ҳам воз кечиб, ўрнига тўғри ва адолатли қонунлари билан жамиятимизга фақат хотиржамлик олиб келадиган Ислом тузуми ҳокимият тепасига келиши учун ҳаракат қилмоғи вожибдир!

Салоҳиддин

27.10.2025й