Ҳизб ут-Таҳрир – Голландия форуми
بِسْمِ اللهِ الرَّحْمٰنِ الرَّحِيمِ
Ҳизб ут-Таҳрир – Голландия форуми
Яқинда яна Европа давлатларда, жумладан Швецияда Аллоҳ Субҳанаҳунинг Китобига тажовузлар бошланди. Стокголмда Туркия элчихонаси олдида Ислом ва мусулмонларни ёмон кўрувчи бадбахтлардан бири Мусҳафи Шарифни ёқди. Кейин ПЕГИДА номли Исломга қарши ҳаракатнинг бир аъзоси Голландияда Мусҳафи Шарифни йиртиб-парчалади. Шунинг учун Қуръони Карим Аллоҳнинг буюк Китоби ва исломий ақидамизнинг асл бир бўлаги ҳамда ҳар бир мусулмоннинг шарафи бўлгани эътиборидан, Ҳизб ут-Таҳрир – Голландия 2023 йил 29 январ якшанба куни форум ўтказди.
Форум «Исломга қарши сиёсат оқибатларидан бири: Қуръонга ҳужум», деб номланди. Форум Қуръони Каримдан тиловат қилиш билан бошлангач, биринчи маърузани устоз Шариф бошлаб берди. Устоз ўз маърузасида мусулмонларнинг ўтган ҳафтада содир этилган икки ҳодиса, (Қуръони Каримни ёқиш ва йиртиш ҳодисаси)га қандай қарашлари кераклиги ҳақида сўз юритиб, ушбуларни изоҳлади:
«… Бу ўта ўнгчилардан бири ёки Исломни ёмон кўрувчилардан бири шахс сифатида содир этган бир ҳодиса эмас. Балки бу кофир Ғарб давлатлари Исломни, унинг фирклари, аҳкомлари ва унга алоқадор ҳар бир нарсани ўз жамиятларидан чиқариб юбориш мақсадида қўллаётган сиёсий масаладир. Улар Қуръон мадрасаларини ёпишди, ниқобни тақиқлашди, ҳатто ўз дини аҳкомларига нисбатан ихлоси ва амали кучли, дея шубҳаланган ҳар бир мусулмон ҳақида хабар бериш учун телефон линияларини очишди…».
«Бу каби қилмишларга жавоб қандай бўлади?!», деб номланган иккинчи маърузани устоз Камол Абу Зайд қилди. У маърузасида қуйидагиларни таъкидлади:
«… Мусулмонлар учун Аллоҳнинг Китоби жуда муҳимдир. Мусулмонларнинг бу қилмишга нисбатан реакцияси муқаддас нарсаларининг таҳқирланишида ҳаргиз сукут ва муроса қилиб бўлмаслигини намоён этди. Улар бундай разил қилмишларга мутлақо қарши эканликларини бор овозлари билан эълон этмоқлари лозим. Акс ҳолда, қанчалар овозлари пастлаб, заифлашса, шунчалар уларнинг исломий шахсиялари пастлаб, ўча бошлайди. Сўзим ниҳоясида шуни айтмоқчиманки, бундай қилмишларга содда назарда қараш айнан кофир Ғарб истаётган нарсадир. Чунки у мусулмонларнинг муқаддас нарсалари уларнинг қалбларидан ўчишини ва ўрнига илмонийлик ва унинг бадбўй муқаддас нарсалари эгаллашини истамоқда…».
Роя газетасининг 2023 йил 8 феврал чоршанба кунги 429-сонидан
