Матбуот баёноти

Ҳизб ут-Таҳрир – Танзания Ислом ақидасини ҳимоя қилиш ва уни ёқлаб чиқиш учун махсус кампания бошлади

Ҳизб ут-Таҳрир – Танзания (ҳижрий 1447 йил 2 муҳаррам, милодий 2025 йил 27 июн) жума намозидан сўнг, ўзининг матбуот котиби Масъуд Мусаллим томонидан бутун мамлакат миқёсида махсус кампания бошлади. Кампания Доруссалом шаҳридаги Бужурони маҳалласида жойлашган Раҳмат масжидидан бошланди.

Бу кампания 1447 йил муҳаррамдан сафар ойигача икки ой давом этиб, Ислом ақидасини ҳимоя қилишни мақсад қилган. Бу кампания бузуқ ғояларни тарқатаётган ва йўлдан озган ҳаракатлар жадал равишда пайдо бўлиб, ўзининг таъсир доирасини кенгайтириб бораётган бир пайтда бошланди. Бу ҳаракатларнинг яширин асосий мақсади Исломга қарши курашиш ва мусулмонларни ўз динидан шубҳалантирадиган вазиятни пайдо қилишдир.

Ҳизб кампанияси қуйидаги мақсадларга қаратилган:

• Динлараро тенглик мафкурасига қарши туриш;
• Бутпарастлик ғояларига қарши туриш;
• Анъанавий динлар ва Африка динларининг бузғунчи ғояларига қарши туриш;
• Жамиятда Ислом ақидаси ҳақида тиниқ ва тўғри тушунча яратиш.

Бу кампания қуйидаги шиор остида ўтказилади: «Динлар баробар, деган ботил ғояни рад этинглар, насронийлик, бутпарастлик ва бутларга сиғинишдан юз ўгиринглар, Исломга маҳкам ёпишинглар!». Кампания ўз даъват ва мақсадини кенг жамоатчиликка етказиш учун турли хил усуллардан фойдаланади. Жумладан:

• Исломий минбар ва жамоатларда очиқ баҳс ва суҳбатлар ўтказиш;
• Насронийлар билан ҳамда Исломга қарши ғояларни тарғиб қилувчи бошқа жамоалар билан очиқ баҳслар ташкил этиш;
• Очиқ мақолалар ёзиш ҳамда уларни интернет ва ижтимоий тармоқларда тарқатиш;
• Турли нотўғри ақидага эга ташкилот ва жамоаларга очиқ хатлар ёзиш ва юбориш, уларнинг ғояларидаги заиф нуқталарни очиб бериш ҳамда Ислом моҳиятини тушунтириш;
• Видео роликлар тайёрлаб, ижтимоий тармоқларда тарқатиш;
• Жума хутбалари минбаридан унумли фойдаланиш;
• Матбуот баёнотлари чиқариш;
• Намойишлар ва норозилик акцияларини ташкил этиш;
• Интернет орқали телерадио дастурлар узатиш ва бошқалар.

Ҳизб ут-Таҳрир – Танзания жамиятнинг барча қатламларини ушбу муҳим кампанияда фаол иштирок этишга чақиради. Чунки бу кампания орқали мусулмонлар ўз динини янада чуқур ва тўғри тушуниш имкониятига эга бўладилар. Мусулмон бўлмаганлар эса Исломни ақлий далил ва асослар билан ўрганиб, унинг ҳақиқатини тадқиқ қилиш имкониятига эга бўлади.

Масъуд Мусаллим

Ҳизб ут-Таҳрирнинг Танзаниядаги матбуот бўлими раиси