Матбуот баёноти

Ҳизб ут-Таҳрир – Туркия вилоятининг 2025 йил рамазон ойида ўтказган тадбирлари

Биз Ҳизб ут-Таҳрир – Туркия вилояти аъзолари рамазон ойини Қуръон ойи, ўзимизни Қуръонга тақдим этиб, ваҳий йўлидан юрадиган ой, деган тушунчамиздан келиб чиққан ҳолда, ҳижрий 1446 йил рамазон, милодий 2025 йил март ойи мобайнида «Рамазон тўғри йўлда мустаҳкам туриш вақтидир» номи остида қатор тадбирлар ўтказдик.

Рамазон ойининг бошида, 2 март, якшанба куни биз Истанбулда «Истанбулдан Қуддусгача… Халифалик билан келажакни қуриш» номли катта конференция ўтказдик. Халифалик тугатилганидан 101 йил ўтиб, Истанбулда яна Халифалик ҳақида сўз юритилиб, Ғазо ва Фаластинни босқинчилик ва геноциддан фақатгина Халифалик қутқариши таъкидланди.

Рамазон ойи мобайнида Туркиянинг 15та вилоятида ифторлик дастурхони ёзилди. Унга ноҳукумат ташкилотлар, сиёсий партиялар ва матбуот вакиллари, уламолар, етакчилар, журналистлар, ёзувчилар ва академикларни таклиф қилдик. Анқара, Истанбул, Адияман, Ван, Оқсарой, Қириққалъа, Диёрбакр, Битлис, Батман, Измир, Айдин, Бурса, Кўжаэли, Конья ва Дузжада ўтказган ифторликларимизга ташриф буюрган меҳмонлар билан давра суҳбатлари ўтказилди. Дўстона суҳбат чоғида 17 ойдан бери давом этаётган геноцид масаласи, Фаластин, Сурия ва Яман вазияти, Туркия муаммолари муҳокама қилинди ҳамда буларга берилган ечимларга диққатни қаратдик.

Шунингдек, Туркиянинг барча вилоятларида рамазон ойининг руҳий муҳитида ифторлик зиёфатлари, даъват мажлислари, баҳс-мунозара ҳалқалари, семинарлар ва форумлар ташкил этдик. Яҳудий вужудининг ўт очишни тўхтатиш шартномасига хиёнат қилиб, рамазон ойида тажовузларини давом эттириши ва Ғазо аҳлини шафқатсиз қирғин қилиши манзарасида, Туркиянинг 12 шаҳрида «Ғазода қирғин, бу ваҳшийликни тўхтатувчи ким бор?!» шиори остида матбуот анжуманлари ва дуо тадбирларини ўтказдик. Кейин, минг ойдан улуғ бўлган ва Қуръони Карим нозил бўлган Қадр Кечасида шаҳарлар майдонларида ва масжидларда дуо ўқидик.

Биз ифторлик тадбирларимиз, даъват мажлисларимиз, форумларимиз, учрашувларимиз ва матбуот анжуманларимизда қатнашган, дуоларимизга шерик бўлган барча мусулмонларга Аллоҳдан ажри азим тилаймиз. Зеро, бу Умматда яхшиликлар кўп, у Халифаликни барпо этишда – Аллоҳнинг изни ила – эзгулик етакчиси бўлади. Аллоҳ Субҳанаҳу ва Таолодан ушбу рамазонни Халифаликсиз ўтказаётганимиз рамазонларнинг сўнггиси қилишини ҳамда Қуддус, Ғазо ва барча Фаластиннинг босқинчи яҳудийлардан озод этилишини тезлатишини сўраб қоламиз, Аллоҳумма омин.

Ҳизб ут-Таҳрирнинг Туркия вилоятидаги матбуот бўлими