Сиси Кинона қўшинини мустамлакачи кофирларга саховат билан тақдим этмоқда, мусулмонлардан эса қизғанмоқда!

Миср президенти Сиси 2026 йил 22 сентябрь, сешанба куни Юнонистон мудофаа вазири Николаос Дендиас ва Кипр мудофаа вазири Василис Палмас билан учрашиб, уч давлат ўртасида мудофаа, хавфсизлик ва ҳарбий соҳалардаги ҳамкорликни кучайтириш йўлларини муҳокама қилди. Алоҳида-алоҳида ўтказилган икки учрашув давомида Сиси Миср, Юнонистон ва Кипр ўртасидаги мавжуд уч томонлама ҳамкорлик муҳимлигини таъкидлаб, бу ҳамкорлик «Шарқий Ўрта Ер денгизи минтақасида тинчлик, барқарорлик ва муштарак фаровонликка эришишга қаратилган минтақавий ҳамкорликнинг муваффақиятли намунасига айланди», деб ҳисоблашини билдирди.

Миср президентлиги томонидан тарқатилган баёнотда президент матбуот котиби Сиси Миср, Кипр ва Юнонистонни бирлаштириб турган икки томонлама муносабатларнинг муҳимлигини таъкидлаганини, ушбу давлатлар ўртасидаги мавжуд стратегик шерикликни чуқурлаштириш ва уни турли соҳаларда, хусусан, хавфсизлик ва ҳарбий соҳаларда янада кенг кўламларга олиб чиқиш зарурлигини қайд этганини айтди. Бу эса халқларнинг муштарак интилишларини рўёбга чиқаришга хизмат қилиши таъкидланди.

Юнонистон мудофаа вазири эса терроризмга қарши курашиш ва ноқонуний миграцияга қарши туриш борасида Миср ва Юнонистон ўртасидаги ҳамкорлик ҳамда мувофиқлашувни давом эттириш муҳимлигини таъкидлади.

Сиси режими минтақадаги ўз роли учун чизишга уринаётган манзарага диққат билан назар ташлаган киши у содир этаётган гуноҳнинг кўламини англайди. Исломий юртлар мустамлакачи кофирлар — Америка, Британия, яҳудий вужуди ва бошқалар аланга олдирган урушлар, вайронгарчиликлар ва фожиалар гирдобига тушиб қолган. Мисрнинг ўзи эса яҳудий вужуди ёққан ва ҳануз унинг оловини алангалатиб, янада кучайтириб келаётган урушлар авж олган минтақанинг қоқ марказида жойлашган.

Мисрнинг бир ёнида ярадор ва вайрон қилинган Ғазо турибди. У ерда яҳудий вужуди уч йилдан буён энг даҳшатли жиноятлар ва мудҳиш қирғинларни содир этмоқда ҳамда унинг аҳолисини мажбуран кўчириш билан таҳдид қилмоқда.

Шимолида эса, Ливияда рақобатлашаётган томонлар ўртасида шафқатсиз уруш давом этмоқда. Унинг ёқилғиси — халқ ва мамлакатнинг имкониятлари, мақсади эса Ливияни Америка ва Британия таъсир доиралари ўртасида бўлиб ташлашдир.

Жанубида эса, Суданда бутун мамлакатни вайрон қилаётган уруш давом этмоқда. Бу уруш Американинг разил мақсадларини амалга ошириш — Дарфурни Судандан ажратиш, илгари Жанубий Судан билан қилгани каби мамлакатни парчалаш ва бутун мамлакатни Америка таъсири остида сақлаб қолиш учун олиб борилмоқда.

Мисрга яқин ҳудудда эса, Яманга таъсир ўтказиш учун Америка ва Британия ўртасидаги рақобат доирасида Америка ва Британия малайлари бўлган минтақавий ҳамда маҳаллий кучлар ўртасида уруш кетмоқда. Бу, шунингдек, Американинг Эронга қарши уруши билан ҳам боғлиқ бўлиб, «Макка иттифоқи» баҳонаси остида унга Туркия ва Покистон ҳам қўшилиши мумкин бўлган катта урушнинг бошланиш эҳтимоли мавжуд.

Бу минтақадаги манзаранинг фақат бир қисми, холос. Аслида бу бутун исломий юртлардаги янада катта манзаранинг бир бўлагидир. Ана шундай барча фожиа, кулфат ва хавф-хатарлар ўртасида Сиси режими мустамлака қилинган Юнонистон ва грек Киприга кўмак бериш билан машғул бўлмоқда. У Миср қўшинини, унинг имконият ва салоҳиятини Юнонистон ҳамда грек Кипри манфаатига хизмат қилдирмоқда. Ваҳоланки, улар минтақада яҳудий вужудининг иттифоқчиси ва мусулмон мамлакат — Туркиянинг душманидир.

Шундай қилиб, Сиси Миср қўшинини мустамлакачи кофирларга саховат билан тақдим этаётган бир пайтда, уни мусулмонлардан қизғанмоқда.

Миср қўшини ва унинг имкониятларига ким кўпроқ ҳақли?

Уч йилдан бери яҳудийлар қўлида бошидан кечираётган қирғиндан қутқариш учун Умматни ёрдамга чақириб, ярадорликдан инграб ётган Ғазоми ёки яҳудий вужудига иттифоқдош бўлиб, мусулмонларга душманлик қилаётган Юнонистонми?!

Миср ва унинг қўшини ёрдамига ким кўпроқ ҳақли?

Американинг икки малайи ўртасида сунъий равишда авж олдирилган уруш туфайли очлик, қатл ва мажбурий кўчириш азобини тортаётган Судан ва унинг аҳолисими ёки Ироқ, Афғонистон, Сурия, Ливия ва бошқа мамлакатларни вайрон қилган Америка иттифоқи — НАТО аъзоси бўлган Юнонистонми?!

Миср қўшинига ким кўпроқ ҳақли?

Ливиядаги халқми — у ердаги аҳолига ёрдам бериб, Америка ва Британия мустамлакачилиги ҳамда унинг малайларини мамлакатдан илдизи билан суғуриб ташлаш учунми ёки мусулмонларга душманлиги ва Америкага содиқлигини очиқ намоён қилаётган Юнонистонми?!

Маблағ, куч-ғайрат ва харажатларга ким кўпроқ ҳақли?

Сиси сиёсати ва унинг амалдорларининг коррупцияси, мамлакатни талон-торож қилиши оқибатида ўта оғир қашшоқликка дучор бўлаётган Мисрнинг камбағал аҳолисими ёки Юнонистон хавфсизлиги ва мустамлакачилар манфаатларими?!

Бунга Юнонистон мудофаа вазири «терроризмга қарши курашиш борасида Миср ва Юнонистон ўртасидаги ҳамкорлик ва мувофиқлашув» деб атаган нарсани ҳам қўшиш мумкин. Ҳолбуки, ҳаммага маълумки, мусулмон ҳукмдорлари ва Ғарб «терроризм» деганда Исломни назарда тутадилар.

Ислом душманлар билан ҳамкорлик қилиш ва уларга суянишни ҳаром қилган. Шунингдек, мусулмонлар билан кофирлар ўртасидаги ҳарбий иттифоқларни ҳам ҳаром қилган. Чунки бундай иттифоқлар мусулмонни кофирнинг қўмондонлиги ва куфр байроғи остида жанг қилишга, куфр тузумини сақлаб қолиш учун курашишга мажбур қилади. Буларнинг барчаси ҳаромдир.

Шунинг учун мусулмон фақат мусулмон қўмондонлиги остида ва Ислом байроғи остидагина жанг қилиши мумкин.

Саҳиҳ ҳадисда кофирлар байроғи остида ва уларнинг қўмондонлигида жанг қилишдан қайтарилган. Анас розияллоҳу анҳудан ривоят қилинишича, Росулуллоҳ ﷺ:

«لَا تَسْتَضِيئُوا بِنَارِ الْمُشْرِكِينَ»

«Мушрикларнинг олови билан ёритманглар», деганлар.

Яъни мушрикларнинг оловини ўзларингиз учун ёруғлик манбаи қилманглар. Бу ерда «олов» урушга киноядир.

Иттифоқлар, шунингдек, кофирларнинг ўз тузумини сақлаган ҳолда мусулмонлар билан бирга жанг қилишига йўл очади. Яъни улар алоҳида шахслар сифатида эмас, балки давлат сифатида жанг қиладилар. Росулуллоҳ ﷺ кофирлардан давлат сифатида ёрдам олишдан қайтарганлар.

Заҳҳок розияллоҳу анҳудан ривоят қилинган ҳадисда айтилади: «Росулуллоҳ ﷺ Уҳуд куни чиқдилар. Шунда чиройли — ёки қўпол — бир гуруҳни кўрдилар ва: “Булар кимлар?” деб сўрадилар. Улар: “Фалон-фалон яҳудийлар”, дейишди. Шунда у зот ﷺ: “Биз кофирлардан ёрдам олмаймиз”, дедилар».

Шунинг учун кофир давлатлар билан ҳарбий иттифоқлар шаръан ҳаром бўлиб, бундай иттифоқлар тузилмайди.

Мусулмоннинг жангчи кофирни ҳимоя қилиш йўлида ўз қонини тўкиши ҳам ҳалол эмас. Мусулмон одамлар Исломга киришлари учун уларга қарши жанг қилади.

Сиси қилаётган иш сиёсий хатодир ва шаръий жиноятдир. Чунки у мамлакат қўшинини мустамлакачи кофирларнинг манфаатлари йўлида ишлатмоқда, Уммат душманлари билан ҳамкорлик ва иттифоқ тузишини фахр билан намоён қилмоқда. Айни пайтда мусулмонлар ва уларнинг масалаларига ёрдам беришдан ортга чекинмоқда ва сусткашлик қилмоқда.

Аллоҳ таоло айтади:

﴿إِنَّمَا الْمُؤْمِنُونَ إِخْوَةٌ﴾

«Албатта, мўминлар биродарлардир». (Ҳужурот: 10)

Бу эса Кинона қўшинидаги холис ниятли кишиларга ўз вазифаларини адо этиш — Мисрни Сиси ва унинг режимидан халос қилиш ҳамда Мисрни пайғамбарлик минҳожи асосидаги иккинчи Рошид Халифалик учун таянч нуқтага айлантириш мажбуриятини юклайди. Ана шу — ҳақиқий нажотдир.

Ҳизб ут-Таҳрир — Миср вилояти матбуот бўлими аъзоси

Устоз Саид Фазл

Роя газетасининг 2026 йил 30 сентябр чоршанба кунги 619-сонидан