بسم الله الرحمن الرحيم

Ўзбекистон ОАВ ларида ёритилмайдиган хабарлар

Каримов ўзининг ғаразли мақсади йўлида қизларнинг турмушга узатиш ёшини қонунсиз ўзгартирди

Ўзбекистон Президенти Ислом Каримов ўтган йилнинг декабрь ойи бошларида Наманганга сафар қилиб,  қизларни 20 ёшдан аввал турмушга бермаслик тўғрисида оғзаки қарор берган эди. Президентнинг ноқонуний талабини бажаришга хотин-қизлар қўмитасидан тортиб, маҳалла қўмиталаригача сафарбар этилди. Бу тадбирлар Фарғона водийсида қонун доирасига кириб улгурди. Каримовнинг ушбу чиқишидан сўнг, қизларни эрта турмушга бериш ҳолатларига чек қўйиш талаби бўйича тезкор чоралар кўрила бошлаган.

Ўзбек қизларини эрта турмушга бермаслик ҳақидаги манфур ғоя, кейинги йилларда президент Ислом Каримов тез-тез тилга оладиган мавзулардан бирига айланган. Лекин Наманган вилоятига 26 ноябрь кунги сафари давомида президент бу хусусдаги талабни қаттиқроқ оҳангда қўйди. Қизларни 20 ёшдан эрта турмушга берадиганларни ўзига қарши чиқувчиларга тенглаштирган президент, бу масалага прокуратурани ҳам эътибор қаратиши лозимлиги тўғрисида кўрсатма берди.

Худолик даъвосига очиқчасига ўтган Каримов, қизларни эрта турмушга беришни ўзига қарши чиқиш билан қиёслаб, “Агар одамлар тушунмаса ва қизларини эрга бериб юборишга шошилса, биз уларга тушунтириб қўйишимиз керак, менинг ўзим шу масъулиятни ўз зиммамга оламан”, дея таъкидлади.

Шу ўринда, ҳар бир ақли расо инсонда табиий савол туғилади, президент қариган чоғида нега бунчалар ҳаддидан ошмоқда? Қизларимизни 18 ёшда турмушга узатишимиздан ҳукуматга, хоссатан Каримовга қандай оғирлиги бор? Ушбу саволларга жавоб топишдан аввал, шу кунларда кўз ўнгимизда содир бўлаётган фактлардан бирига  мурожаат қиламиз:

Фарғона вилояти Қиргули шаҳридаги ФНПЗга қарашли даволаш масканида бўлаётган ишлар фарзанд тарбия қилаётган ҳар бир ота-онани бефарқ қолдирмаслиги тайин. Гинекология бўлими бошлиғи, гинеколог Сатира ва УЗИ текширувчиси Барнолар, ёш қизларни аборт қилишни очиқ-ойдин йўлга қўйиб олганлар, балоғатга етмаган қизлар ҳомиласини олиб ташлаш кундалик ишларига айланиб улгурган. Мисол тариқасида, ушбу ойнинг илк кунларида Марғилон шаҳар Ўрам махалласида истиқомат қилувчи 1997 йилда туғилган, ҳали турмуш қурмаган қиз аборт столига ётган.

Каримовнинг асл муддаоси, бу умматнинг қизларидан ҳаёни, ор-номусни йўқ қилишга қаратилгани ҳеч кимга сир бўлмай қолди. Шу ўринда, шифокорларни озгина дунё матосини деб, уммат фарзандларини ҳаёсини топталишига бефарқ бўлмасликка чақирамиз! Ушбу балоғат ёшидаги қизчалар ўрнига ўзингизни қизингизни қўйиб кўринг. Каримовнинг ёвуз мақсадларини амалга ошишига хизмат қилиб қўйишдан эҳтиёт бўлинг!

Ҳизб ут-Таҳрирнинг Ўзбекистондаги медиа офиси масъули Умар

13.01.2016й.