Ўзбекистон Республикаси конституцияси ғайриисломий конституциядир

بسم الله الرحمن الرحيم

8 декабр конституция куни муносабати билан президент Шавкат Мирзиёев Ўзбекистон халқига табрик йўллади. Унда, жумладан, шундай дейилади: “Конституциямиз мамлакатимизда миллий мустақиллигимизни мустаҳкамлаш, тинчлик ва барқарорлик, миллатлараро дўстлик ва ҳамжиҳатликни сақлаш, ислоҳотларимизнинг ортга қайтмас тус олишини таъминлашда доимо ишончли кафолат бўлиб келган ва бундан буён ҳам шундай бўлиб қолади. Шу маънода, халқимизнинг ҳуқуқий тафаккури, хоҳиш-иродасининг ёрқин тимсоли ва амалий ифодаси бўлган Асосий Қонунимиз билан ҳар қанча фахрлансак арзийди. Бу ноёб қомуснинг ҳар бир моддаси ва қоидасини ўрганиш, уларга ҳурмат, меҳр ва эътибор билан муносабатда бўлиб, тўлақонли ижро этиш барчамиз учун муқаддас бурч ва мезонга айланишини истардим”. 

Бу сўзлар қанчалик баландпарвоз бўлса, уларнинг амалга кўчиши ҳам шунчалик яроқсиз аҳволда. Халқимиз бунинг тирик гувоҳи бўлиб келяпти. Мана, Мирзиёев ўзининг президентлик муддатини узайтириб олиши учун янги конституция қабул қилинди. Шунингдек, бу конституцияни, биринчи навбатда, ана шу ҳукуматдагиларнинг ўзи оёқости қилиб юборишди. Бунга жуда кўплаб мисоллар келтириш мумкин бўлса-да, мавзу бу ҳақида эмас. Бироқ юқоридаги гаплар билан ўзбек ҳукуматидан конституцияга амал қилиш талаб этилаётгани йўқ. Балки ҳукуматнинг ўзи қабул қилган қонунларига бир кун ҳам амал қилмагани ҳолда, халқдан унга ҳурмат кўрсатишлари лозимлиги сўралаётгани нақадар кулгили эканлиги назарда тутиляпти холос. Зеро, қонунларга амал қилинмас экан, уларни қабул қилишдан қандай маъно бор ёки унга қандай қилиб ҳурмат кўрсатиш мумкин?!

Бу ўринда гап ушбу конституциянинг ғайриисломий эканлигида. Албатта, унинг Исломга, Ислом ақидасига асосланмаганлиги кундек равшан бўлиб, буни ҳеч ким инкор қилолмайди. Конституция Исломга асосланмадими, демак, у ботил. Унинг ботиллигини англаш учун эса баъзи моддаларига назар ташлашнинг ўзи кифоя. Масалан, конституциянинг 1-моддасида шундай дейилади: “Ўзбекистон – бошқарувнинг республика шаклига эга бўлган суверен, демократик, ҳуқуқий, ижтимоий ва дунёвий давлат”. Демократик, дунёвий давлат дегани, дин ҳаётдан, яъни давлатдан, бошқарувдан ажратилган деган маънони англатади. Маълумки, капиталистик (демократия) ақида динни ҳаётдан ажратишга асосланади. Бироқ Ислом бунинг тамоман акси бўлиб, у ҳаётнинг барча соҳалари учун татбиқ қилинадиган тузумни ўз ичига олади. Соддароқ айтганда, Исломда ҳар қандай замон ва маконда бўладиган муаммолар учун энг тўғри ечимлар бор. Ва Аллоҳ таоло инсонларга ана шу қонунлар бўйича яшашни фарз қилди:

﴿فَٱحۡكُم بَيۡنَهُم بِمَآ أَنزَلَ ٱللَّهُۖ وَلَا تَتَّبِعۡ أَهۡوَآءَهُمۡ عَمَّا جَآءَكَ مِنَ ٱلۡحَقِّ﴾

– “Бас, одамлар ўртасида Аллоҳ нозил қилган нарса билан ҳукм қилинг ва сизга келган ҳақдан юз ўгириб, уларнинг ҳавойи нафсларига эргашманг!”                                                            (Моида:48)

Ёки 3-моддада шундай дейилади: Ўзбекистоннинг давлат чегараси ва ҳудуди дахлсиз ва бўлинмасдир.

Бу эса кофир мустамлакачи ўрис томонидан чизиб берилган сохта чегаралар тан олинишини англатади. Ҳолбуки, мусулмонлар орасини бўладиган бундай чегарани тан олиш ва унга амал қилиш асло жоиз эмас. Аллоҳ таоло айтади:

﴿وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ﴾

– “Барчангиз Аллоҳнинг арқонини маҳкам тутинг ва бўлиниб кетманг”.                                                                           (Оли Имрон:103)

Абу Саид Худрийдан ривоят қилинган ҳадисда Расулуллоҳ ﷺ шундай дедилар:

«إِذَا بُويِعَ لِخَلِيفَتَيْنِ فَاقْتُلُوا الْآخَرَ مِنْهُمَا»

“Агар икки халифага байъат берилса, улардан кейингисини ўлдиринглар”. (Муслим ривояти)

Шу ва шу каби шаръий нусуслардан кўриниб турибдики, мусулмонларнинг алоҳида миллий давлатларга бўлиниб яшашларини Аллоҳ ҳаром қилган. Бундай бўлиниб-парчаланиш шариатимизда жуда қаттиқ қораланган ишлардан ҳисобланади. Ён қўшнимиз Афғонистон Америка томонидан босиб олинганида ва у ердаги мусулмон биродарларимиз шафқатсиз қирғин қилинганида айнан мана шу демократик конституция Ўзбекистон армиясини казармаларида биқиниб ётишига сабаб бўлди. Ҳозир ҳам шу касофат қонунлар армиянинг Фаластин, Ақсо ва Ғазони озод қилиш учун ҳаракатга келишидан тўсяпти.

Ўзбекистон конституциясининг ҳар бир моддаси шу тахлит таҳлил қилиб чиқилса ҳам унинг ғайриисломий эканлигига асло шубҳа қолмайди. Буни тушуниш учун олим бўлиш ҳам шарт эмас. Ўзбекистон ва умуман бутун Ислом оламидаги давлатчаларнинг конституциялари ҳақида шундай дейиш мумкин. Шундай экан, у ҳолда Исломий конституция борми ўзи, деган савол туғилади. Ҳа, албатта, бор. Халифалик давлати дустурини (конституцияси) Ҳизб ут-Таҳрир тақдим қилган. Бундай лойиҳа ҳозиргача ягона бўлиб, бирор шахс, жамоа, ҳизб тарафидан унга ўхшаши ҳануз тақдим қилинмади. Ушбу Халифалик давлати дустури ғайриисломий нарсалардан мутлақо холи бўлган, ҳатто ғайриисломий нарсадан таъсирланиш ҳам бўлмаган мукаммал бир қонунлар мажмуасидир. Дарҳақиқат, Ҳизб ут-Таҳрир Халифалик давлати учун саҳиҳ истинбот билан арконлари мукаммал ва изчил дастур лойиҳасини ишлаб чиқди ҳамда Ислом Умматига тақдим қилиб, уни татбиқ ўрнига қўйиш учун ҳаракат қилишга чақирди. Мусулмон халқимиз, Мирзиёев айтгандек, анави ғайриисломий конституцияни эмас, балки аслида мана шу Исломий конституцияни ўқиб ўрганишлари, унга эҳтиром кўрсатишлари ва уни татбиқ бўлиши учун ҳаракат қилишлари вожибдир. Чунки биз мусулмонлар учун Ислом конституцияси билан ғайриисломий конституция ўртасида танлов берилмаган. Бизнинг дастуримиз фақат ва фақат Ислом дастури бўлиши шарт. Чунки ушбу Уммат ақидаси Исломдир. Бинобарин, Аллоҳ таолонинг ушбу сўзлари зеҳнимизга муҳрдек босилсин:

﴿وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الْكَافِرُونَ﴾

– “Кимки Аллоҳ нозил қилган шариат билан ҳукм юритмаса, бас, улар кофирлардир”.                                                                  (Моида:44)

﴿وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الظَّالِمُونَ﴾

– “Кимки Аллоҳ нозил қилган шариат билан ҳукм юритмаса, бас, улар золимлардир”.                                                                   (Моида:45)

﴿وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمُ الْفَاسِقُونَ﴾

– “Кимки Аллоҳ нозил қилган шариат билан ҳукм юритмаса, бас, улар фосиқлардир”.                                                                   (Моида:47)

Ҳизб ут-Таҳрир Ўзбекистон матбуот бўлими аъзоси Форуқ

08.12.2024й