Керри: 2015 йилда инсон ҳуқуқлари энг кўп бузилган минтақа Ўрта Шарқдир
بسم الله الرحمن الرحيم
Роя газетаси:
Керри: 2015 йилда инсон ҳуқуқлари энг кўп бузилган минтақа Ўрта Шарқдир
Ўтган пайшанба куни Америка ташқи ишлар вазири Жон Керри инсон ҳуқуқлари бузилиши ҳолати Ўрта Шарқ минтақасида, хусусан, террорчи ташкилотлар, уларнинг кўзга кўрингани ИШИД ташкилоти фаолият қилаётган Ироқ ва Сурия каби давлатларда кўпайганини танқид қилди.
Керри ташқи ишлар вазирлигининг инсон ҳуқуқлари билан боғлиқ йиллик ҳисоботида Ўрта Шарқ ўтган йили инсон ҳуқуқлари бузилиши энг кўп учраган минтақа сифатида қайд этилганини билдирди. У шунингдек, «ўша террористларни маҳкамага тортиш мақсадига қаратилган ҳар қандай халқаро тергов ёки саъй-ҳаракатни қўллаб-қувватлаш»га Американинг тайёрлигини билдирди.
Керри «Биз ИШИДни таъқиб қилишда ёки бу ташкилот раҳбарларини нишонга олишда ҳеч қачон тўхтамаймиз. Қаерда бўлмасинлар, албатта уруғларини қуритишга, таъминот йўлларини қирқишга ҳаракат қиламиз», деди. Кейин яна «бу террорчи ташкилотни қораловчи далилларни тўплашдан тортиб, маҳкамага тортишгача» бўлган ҳар қандай халқаро ҳаракатни қўллаб-қувватлашга Қўшма Штатларнинг тайёр эканини билдирди.
Ҳисоботда Ўрта Шарқдаги низоли минтақаларда аёллар ва болалар вазияти жуда ёмон аҳволда экани таъкидланган ҳамда хусусан Суриядаги аёллар ва болалар «инсон ҳуқуқлари қурбонлари», дея сифатланади. Шунингдек, Қўшма Штатларнинг беш йиллик уруш натижасида келиб чиққан қамал минтақаларидаги инсонларга ёрдамлар етказиб бериш ва қамоқдагиларни озод қилиш йўлида бор кучини сарфлаб келаётгани таъкидланади. (Ҳаёт газетаси).
Роя газетаси шарҳи:
Америка ташқи ишлар вазири ўзининг ҳуқуқ билан боғлиқ йиллик ҳисоботида инсон ҳуқуқлари энг кўп бузилган жойлардан бири Ўрта Шарқ экани тўғрисида гўё бу каби минтақаларда содир бўлаётган ишларга Американинг мутлақо дахли йўқдек гапирмоқда!!
Керри бу ҳисоботи билан жамоатчилик фикрини чалғитмоқчи бўляпти. Чунки Ироқ, Сурия, Яман, Ливия ва бошқа исломий юртларда инсонларга қарши содир этилаётган қирғин, вайронагарчилик ва зулмларга Америка сиёсати сабабдир. Унинг бу сиёсатини исломий юртлардаги ва бошқа Ғарб юртларидаги малайлари ижро қилмоқда. Агар Керри ростгўй бўлганда эди, қуйидаги ҳақиқатни очиқ гапирган бўлур эди: Нафақат Ўрта Шарқ балки бутун дунё бугун гувоҳи бўлаётган зулм, қашшоқлик, уруш, қирғин, қочқинлик, юрт бойликларини ўмариш, одамларни хорлаш, ҳурматларини тўкиб, номусларини топташ… буларнинг барчаси Ғарб ҳазоратининг бутун олам устидан ҳукмронлик қилаётгани натижасидир. Чунки Ғарб ҳазорати фақат манфаатни ўзига ўлчов қилиб олган бўлиб, моддий қийматдан бошқа ҳеч қандай қийматни тан олмайди. Айнан мана шу ҳазорат башариятни бахтсизлик, хорлик ва қашшоқликка гирифтор қилган, юртларни вайрон қилиб, бойликларини ташиб кетаётган мустамлакачи давлатларни келтириб чиқарди.
Керри шуни билиб қўйсин, албатта шундай кун келадики – Аллоҳдан уни яқин қилишини сўраймиз – унда Америка ва бошқа Ғарб давлатларига бундай дейилади: Бас, сенларнинг ва ҳазоратларингнинг дунё ишлари устидан бўлган ҳукмронлиги тугади, энди Исломнинг даври келди. Ислом Пайғамбарлик минҳожи асосидаги рошид Халифалик давлати орқали оламнинг чор атрофига ҳидоят, нур, эзгулик, хавфсизлик ва тинчлик улашади. Халифалик давлати инсонларни Ғарбнинг адолатсиз ҳазорати пайдо қилган бандаларга қуллик қилишдан бандалар Роббисига қуллик қилишга олиб чиқади, динлар адолатсизлигидан Ислом адолатига, дунё торлигидан дунёю охират кенглигига олиб чиқади. Албатта, бу нарсага дунёдаги кўпчилик тасаввур қилгандан ҳам яқин қолди, инша Аллоҳ.
Роя газетасининг 2016 йил 20 апрел чоршанба кунги 74-сонидан
