بِسْمِ اللهِ الرَّحْمٰنِ الرَّحِيمِ

Константинопол фатҳи хотираси Халифалик тикланиши, Ақсо масжиди озод қилиниши ва Рим фатҳ бўлишини башорат қилмоқда

Оламлар Роббиси Аллоҳга ҳамд бўлсин. У Зотнинг элчиси Муҳаммадга, у кишининг оиласи ва асҳобларига, у кишига эргашганларга салоту саломлар ёғилсин ва баъд…

Эй мусулмонлар: Росулуллоҳ ﷺ шундай деганлар:

«لَتُفْتَحَنَّ الْقُسْطَنْطِينِيَّةُ فَلَنِعْمَ الْأَمِيرُ أَمِيرُهَا وَلَنِعْمَ الْجَيْشُ ذَلِكَ الْجَيْشُ»

«Албатта Константинопол фатҳ қилинади, унинг амири нақадар яхши амир ва унинг қўшини нақадар яхши қўшин». Ҳижрий 857 йил 20 жумодул-аввалда буюк фатҳ бўлди ва Росулуллоҳ ﷺнинг башоратлари рўёбга чиқди. Мурод иккинчининг ўғли, амир Муҳаммад уни фатҳ қилиш шарафига эришди. У ва унинг қўшини Росулуллоҳ ﷺнинг мақтовига сазовор бўлди. Ушбу фатҳ туфайли у Муҳаммад Фотиҳ лақабини олди… Муҳаммад Фотиҳ ушбу фатҳ орқали куфр ва залолат қалъаларидан бўлган бир қалъани ағдарди ва унинг номини «Ислом бўл» яъни «Ислом шаҳри»га айлантирди. Сўнг «Аё Сўфия» черковига бориб, Византия халқи ва роҳибларига омонлик берди. Ширкнинг энг катта рамзи бўлган ушбу черковни Аллоҳнинг исми ёдга олинадиган ва Ислом шиорлари амалга ошириладиган масжидга айлантирди. Муҳаммад Фотиҳ у ерда жума намозини ўқиди. Ушбу масжид Халифалик қулатилиб, жиноятчи Мустафо Камол у ерда намоз ўқишни тақиқлаб, уни музейга айлантиргунига қадар Аллоҳнинг исми эсланадиган масжид бўлиб қолди.

Эй мусулмонлар: Константинопол фатҳи хотираси ундан кейинги фатҳни, яъни Рим фатҳини башорат қилмоқда. Бу иш Аллоҳнинг изни билан яқинда рўй беражак. Абдуллоҳ ибн Амр ибн Ос айтади: Росулуллоҳ ﷺ атрофида (ваҳий) ёзиб ўтирган эдик. Шунда Росулуллоҳ ﷺдан қайси шаҳар биринчи бўлиб фатҳ қилинади, Константинополми? ёки Римми деб сўрашди. Росулуллоҳ ﷺ:

«مَدِينَةُ هِرَقْلَ تُفْتَحُ أَوَّلاً، يَعْنِي قُسْطَنْطِينِيَّةَ»

«Ираклининг шаҳри биринчи бўлиб фатҳ қилинади, яъни Константинопол», деб жавоб бердилар.

Ҳа, дарҳақиқат Аллоҳ ва Росули тўғри сўзлагувчидир, Аллоҳ берган ваъдасини дунё ва охиратда рўёбга чиқаради… Бизга уч турли башорат ваъда қилинган, Аллоҳдан қолган башоратларни бизнинг қўлимиз орқали рўёбга чиқаришини сўраймиз;

Биринчи башорат Пайғамбарлик минҳожи асосидаги рошид Халифалик тикланиши, иккинчиси Ақсо масжиди озод бўлиши ва Байтул Мақдис Халифалик давлати пойтахти бўлиши, учинчиси Ислом бутун ер юзига ўрнашиб, унинг шарқи-ю ғарбини эгаллаши… Бу Аллоҳнинг ваъдаси бўлиб, Аллоҳ ўз ваъдасига хилоф иш қилмайди. Аллоҳ Таоло айтади:

﴿هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ﴾

«У (Аллоҳ) Ўз пайғамбарини ҳидоят ва ҳақ дин билан – гарчи мушриклар хоҳламасалар-да – барча динларга ғолиб қилиш учун юборган зотдир»    [Тавба 33]

Росулуллоҳ ﷺ айтадилар:

«لَيَبْلُغَنَّ هَذَا الْأَمْرُ مَا بَلَغَ اللَّيْلُ وَالنَّهَارُ، وَلاَ يَتْرُكُ اللهُ بَيْتَ مَدَرٍ وَلاَ وَبَرٍ إِلاَّ أَدْخَلَهُ اللهُ هَذَا الدِّينَ بِعِزِّ عَزِيزٍ أَوْ بِذُلِّ ذَلِيلٍ، عِزًّا يُعِزُّ اللهُ دِينَ الْإِسْلَامِ، وَذُلاًّ يُذِلُّ بِهِ الْكُفْرَ»

«Бу иш кеча ва кундуз етиб борган жойгача етиб боради. Аллоҳ бирорта ҳам ўтроғу кўчманчининг уйини қолдирмасдан унга бу динни азизнинг азизлиги ёки хорнинг хорлиги билан киритади. Азизликки, у билан Аллоҳ Ислом динини азиз қилади. Хорликки, у билан Аллоҳ куфрни хор қилади». Аҳмад ривояти, Муслим шартига кўра исноди саҳиҳдир.

Константинопол фатҳини хотирлар эканмиз, мусулмон йигитларни ер юзида Аллоҳнинг динини тиклашга ҳамда Аллоҳ ва Росулининг башоратини рўёбга чиқаришга ҳаракат қилишга чақирамиз…

Аллоҳ Таоло Муҳаммад Фотиҳ қўли билан мана шундай буюк Фатҳни амалга оширди. Ўшанда бу йигит йигирма бир ёшда эди. Шундай экан, эй мусулмон йигитлар биз сизларни Ақсо масжидидан туриб Аллоҳнинг нидосига лаббай деб жавоб беришингизга чақирамиз… Эй мусулмон йигитлар, ўз ҳақингизда Аллоҳдан қўрқинг, Аллоҳнинг Қуръонини маҳкам тутинг, кенглиги еру осмонларча келадиган жаннатга шошилинг. Аллоҳ сизларга вожиб қилган даъват ва динни тиклаш ишини амалга оширинг… Эй мусулмон йигитлар ҳурматли саҳобалар ва буюк етакчиларга эргашинг. Чунки сизларда улкан яхшиликлар бор.

Эй Уммат уламолари: Биз Ақсо масжидидан туриб сизларни Аллоҳ сизларга вожиб қилган даъватни олиб чиқиш, ҳақни гапириш ва золимларга қарши туриш каби ишларни амалга оширишга чақирамиз. Шайх Аҳмад Гуроний ва шайх Оқ Шамсиддин Муҳаммад Фотиҳга ўргатганидек, Уммат йигитларини ақл кўзи билан қарашга ўргатинг. Чунки бу икки шайх Муҳаммад Фотиҳнинг қалбига Ислом муҳаббатини ҳамда Константинополни фатҳ қилишни солишди.

Бу Аллоҳ сизларга вожиб қилган ишлардир. Аллоҳ Таоло айтади:

﴿وَإِذْ أَخَذَ اللَّهُ مِيثَاقَ الَّذِينَ أُوتُوا الْكِتَابَ لَتُبَيِّنُنَّهُ لِلنَّاسِ وَلَا تَكْتُمُونَهُ﴾

«Эсланг (эй Муҳаммад), Аллоҳ Китоб берилган кимсалардан Албатта у Китобни одамларга очиқ баён қилурсизлар ва яширмайсизлар! – деб аҳд-паймон олган эди»                                                                  [Оли Имрон 187]

﴿إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ وَالْهُدَى مِنْ بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ * إِلَّا الَّذِينَ تَابُوا وَأَصْلَحُوا وَبَيَّنُوا فَأُولَئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ﴾

«Биз нозил қилган ҳужжатлар ва ҳидоятдан иборат (Муҳаммаднинг ҳақ пайғамбар эканлиги ҳақидаги) нарсаларни одамларга Китобда (Тавротда) равшан қилиб берганимиздан кейин беркитган кимсаларни шубҳасиз Аллоҳ лаънатлагай ва лаънатловчи зотлар (фаришталар ва мўминлар) лаънатлагайлар. Магар қайсилари тавба қилиб, ўзларини ўнглаб, (одамларга ҳақиқатни) очиқ айтсалар, бас, уларнинг тавбаларини қабул қиламан. Ва фақат Менгина тавбаларни қабул қилгувчи, раҳмлидирман»    [Бақара 159-160]

Шунинг учун мусулмон йигитларга шундай хитоб қилингки, сизларнинг хитобингиз уларнинг қалбига Аллоҳ ва Росулига бўлган муҳаббатни ҳамда Пайғамбарлик минҳожи асосидаги Халифаликни тиклаш учун ҳаракат қилишни солсин. Улар бунинг ортидан Байтул Мақдисни озод қилиб, Рим ва бутун дунёни фатҳ қилсинлар.

Эй мусулмонлар қўшинлари: Константинопол фатҳини хотирлар эканмиз, Ақсо масжидидан туриб сизларни Халифаликни тиклаш, Байтул мақдисни озод қилиш ва Римни тиклашга чақирамиз. Лаббай деб жавоб бериш вақти келмадими?

Эй ердаги энг яхши қўшин: Сизлар Ислом ва Исломий Уммат қўшинисизлар. Сизлар Аллоҳнинг калимаси олий бўлиши ва куфр калимаси хор бўлиши учун Аллоҳ йўлида жиҳод қилинглар. Сизлар Аллоҳнинг йўлида чекинмасдан шаҳид бўлиш учун ҳаракат қилинглар… Мана шу нарса доим кўз ўнгингизда турсин, сизлар шайтоннинг дўстлари ҳамда Америка, Россия ва Ғарбнинг малайларига итоат қилманг…

﴿يَا أَيُّهَا الَّذِينَ آمَنُوا أَطِيعُوا اللَّهَ وَرَسُولَهُ وَلَا تَوَلَّوْا عَنْهُ وَأَنْتُمْ تَسْمَعُونَ﴾

«Эй мўминлар, Аллоҳга ва Унинг пайғамбарига итоат қилингиз ва (Қуръонни) эшитиб туриб, ундан юз ўгириб кетмангиз!»                                   [Анфол 20]

﴿يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ﴾

«Эй мўминлар, Аллоҳга итоат этингиз ва пайғамбарга итоат этингиз! Ва (куфр, ё мунофиқлик йўлига кириш билан қилган) амалларингизни ботил-бефойда қилиб қўйманглар!»                                                                   [Муҳаммад 33]

Эй мусулмонлар биз сизларга Ақсо масжидидан туриб айтамизки: Аллоҳнинг ваъдаси ва ёрдамига ишонинг ва Аллоҳнинг раҳматидан ноумид бўлманг.

﴿إِنَّ رَحْمَتَ اللَّهِ قَرِيبٌ مِنَ الْمُحْسِنِينَ﴾

«Зеро Аллоҳнинг раҳмати чиройли амал қилувчиларга яқиндир»      [Аъроф 56]

Муҳаммад ﷺ Уммати бўлган Умматингизга ишонинг. Чунки Аллоҳ Таоло ўз дини учун шу Умматни танлади ва уни одамлар устидан гувоҳ қилди. Бугун Исломий Уммат шунча мусибатларни бошдан кечираётган бўлсада, Росулуллоҳ ﷺнинг Пайғамбарлик минҳожи асосидаги рошид Халифаликни тиклаш ҳақидаги башоратларини рўёбга чиқаришга қодирдир. Шунингдек, Байтул Мақдис Халифалик марказига айланиши учун яҳудийлар ифлослигидан тозалаш тўғрисидаги башоратларини рўёбга чиқаришга ҳам қодирдир. Бу Уммат Росулуллоҳ ﷺнинг Римни фатҳ қилиш ҳамда ернинг шарқи-ю ғарбига етиб бориши учун Исломни ёйиш ҳақидаги башоратларни рўёбга чиқаришга қодирдир.

Эй Аллоҳим бу яхшиликни Муҳаммад Умматига етказ ҳамда мусулмонларнинг қалбини мунаввар қил ва уларнинг кўнгилларини ҳақ томон интиладиган қил.

Эй Аллоҳим барча мусулмонлар қалбларини бирлаштир, ўрталарини ислоҳ қил. Сенинг нусратинг ва розилигингга етиб боргунларича уларни тақво билан ризқлантир.

Эй Аллоҳим ўзинг ваъда қилган Пайғамбарлик минҳожи асосидаги рошид Халифаликдек нусратингни бер. Халифаликки у орқали ўзинг динни тиклайсан ва уни бутун оламга ёясан.

Оламларга раҳмат қилиб юборилган саййидимиз Муҳаммад ﷺга, оиласи ва асҳобларига, қиёматгача у Зотга эргашганларга Аллоҳнинг солати саломлари бўлсин.

Ҳизб ут-Таҳрир                                                          22 жумодул-аввал 1441ҳ

Муборак Фаластин замини                                                      17 январ 2020м