بسم الله الرحمن الرحيم

Кучишлатар тузилмаларида хизмат қилаётган уммат вакилларига навбатдаги хитобимиз!

Биз шу юртда фаолият олиб бораётган барча Ҳизб ут-Таҳрир йигитлари номидан, Ўзбекистон ҳукумати кучишлатар тузилмаларидаги уммат вакиллари бўлган ака-укаларимизга навбатдаги хитобимиз билан уларни яна бир бор огоҳ этмоқни ўзимизни мусулмонлик бурчимиз деб билдик.

Аввало, куч тузилмаларида хизмат қилаётган мусулмон фарзандларига айтиб ўтишимиз керакки, сиз мусулмон Умматининг бир вакилисиз ва бу Умматнинг хорлиги аслида сизнинг ҳам хорлигингиз ҳисобланиб, бу Уммат бошига тушган мусибатлар ва унга нисбатан қилинаётган хиёнату зулмлар сизники ҳамдир. Биз бу хитобни бошимизга келадиган мусибатлар ва золимлар етказадиган зулмлардан қўрқиб қилаётганимиз йўқ. Бизнинг бу хитобимиз Аллоҳ учун бўлиб, Аллоҳнинг олдидаги бурчимиздан келиб чиққан ҳолда қилинаётганини тушунишингизни хоҳлаймиз. Аллоҳнинг олдида сиз ҳам бурчли эканлигингизни ёдингизга солиб, бу бурчингизни ҳеч қачон унутмасликка чақирамиз.

Минг афсуслар бўлсинки, Ўзбекистондаги сиёсий ва ижро органлари, шу жумладан беш юз мингдан зиёд ходимларига эга бўлган милиция органлари ҳам мустамлакачи давлатларга тобе бўлган Каримов режимининг фармонларини ўйламай, фикр қилмай, кўр-кўрона бажарувчи хизматчиларга айланиб улгурдингиз. Шубҳа йўқки, бу режим Россия,  АҚШ каби кофир мустамлакачи давлатлар буйруқларини ижро қилмоқдалар. Қолаверса, бу режим юртимиз ичкарисида ҳам, ташқарисида ҳам мустамлакачиларнинг манфаатларини рўёбга ошириш мақсадида, яъни Умматнинг аввалги азизлигига қайтиш учун қилаётган барча ҳаракатларини бўғиш учун сизлардан фойдаланмоқда.

Ҳукумат ўзининг мусулмонларга нисбатан амалга ошираётган разилона режаларида сизлардан қўрқитувчи бир қурол сифатида фойдаланмоқда. Арзимаган ҳақ эвазига бу режаларни амалга оширишни талаб қилиши ортидан сизларни ўз халқингизга душманлик қилишга мажбурлаш билан бирга, халқда ҳам сизларга нисбатан нафрат уйғотишга уринмоқда. Фарзандларини ўз халқига ва халқни ўз фарзандларига нисбатан душман қилиш кофир Ғарб хоҳлаётган манфур режа бўлиб, мусулмонлар ўртасида адоват уруғини сочишдан бошқа нарса эмас. Унутмангки, сизлар шу халқнинг фарзандисиз, ҳаётингиз ва келажагингиз шу халқ билан бирга. Бу золим тузумга хизмат қилиш билан ўз келажагингизга болта урмоқдасиз.

Ваҳолангки, Ғарб Ислом ва мусулмонларни қандай ёмон кўрса, бу режимнинг оёқ қўлларига айланган сиз ҳам ўз ака-укаларингиз бўлган мусулмонларга нисбатан шундай душманлик ҳиссини пайдо қилиб олдингиз. Бунинг исботи ўлароқ, ўтган чорак аср мобайнида, Тошкент портлашлари ёки режим томонидан уюштирилган Андижон воқеалари баҳонаси билан, қанчадан-қанча мусулмонларнинг покиза қонларига қўлларингизни беладингиз. Кўр-кўрона итоатларингиз туфайли бугун қирқдан ошиқ  қамоқхоналар ўз қибладошларингиз бўлган юртимизнинг ёш, навқирон йигитлари билан тўлиб тошди. Аллоҳ Таъоло бу ҳолатларингизни шундай баён қилади:

وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِالْحَمِيدِ

«Улар (мўминлардан) фақат қудрат ва мақтов эгаси бўлган Аллоҳга имон келтирганлари учунгина ўч олдилар!»                                                 (Буруж. 8)

Сиз эса ушбу қирғинларни, ўғирлаб кетишларни ва минглаб оилаларни тинчлигини бузилишларини амалда ижро этиб бермоқдасиз. Гарчи биз кўпчилик ҳақида яхши гумонда бўлсакда, бироқ аксарингиз ушбу хунрезликларни юрт ва фуқаролар манфаати йўлида қиляпмиз, деган хом ҳаёлларда юрибсизлар. Аммо бу қарорлар юртни, халқни мустамлакачи золимларга сотиб пуллаётган, одамларни қашшоқларга айлантирган, уларни хорлаётган, ор-номусини ўз шахсий манфаати йўлида қурбон қилаётган малай раҳбарлар томонидан чиқарилаётган фармонлар эканлигини бу мазлум халқ билиб турибди ва бу нарсаларни ҳеч қандай сирлиги қолмади.

Зеро, Ўзбекистон халқи ҳақ билан ноҳақни, зулм билан адолатни, ҳидоят билан залолатни, хоин киму халоскори ким, демократия нимаю Халифалик нима эканлигини англаб етди. Шу ўринда айтамизки, ёвуз ҳукмрон режим сизларга юрт манфаати учун хизмат қилаётганингизни пеш қилиб, ўз юртдошларингизга қарши туҳматлар, бўҳтонлар уюштирса, сизлар бу туҳмат ва бўҳтонларга ўзингизни ишонтирмоқдасиз, яъни уларга итоат этмоқдасиз.

Анас (ра) дан қилинган ривоятда Пайғамбар (с.а.в.) шундай дейдилар:

مَنْ رَوَّعَ مُؤْمِنًا لَمْ تُؤْمِنْ رَوْعَتُهُ يَوْمَ الْقِيَامَةِ

“Ким бир мўминни қўрқитса, қиёмат куни ушбу қўрқитиши ўзига омонлик бермайди”.

Аслида ушбу режалар, Ислом ва мусулмонларни ҳамда уларга ёрдам берганларни йўқ қилишга қаратилган Америка ва бошқа мустамлакачилар режасидир. Бу режадан – унинг татбиқидан ҳам яққол кўриниб турибди – юртдаги холис мусулмонларни, хусусан, Пайғамбарлик минҳожи асосидаги рошид Халифаликни барпо этишга ҳаракат қилаётган Ҳизб ут-Таҳрир аъзоларини йўқ қилишга қаратилгандир.

Бундай кимсалар ҳақида Ҳақ Субҳанаҳу ва Таъоло шундай дейди:

قُلْ هَلْ نُنَبِّئُكُمْ بِالْأَخْسَرِينَ أَعْمَالاً* الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً

«Айтингки, сизга қилмишларидан энг кўп зиён кўрувчи кимсаларнинг хабарини берайликми?! Улар қилмишлари дунё ҳаётида йўқ бўлиб кетган-у, аммо ўзларини чиройли амал қилаётган кишилар, деб ҳисоблайдиган кимсалардир»  (Каҳф 103-104)

Яна сизларни огоҳ қилиб айтиб ўтмоқчимизки, бу жиноятчи режим раҳбарининг хиёнатлари қаторида шундай режалари борки, қачонки дўппи тор келиб қолса ёки ўз мақсадларини амалга ошириб бўлгач сизларнинг қулларча қилган хизматларингизни унутади. Бир марта ишлатиладиган буюмдек итқитиб юборади. Фикримизнинг далили сифатида  “Озодлик” сайтидан олинган қуйидаги фактларга мурожат қиламиз:

1) Қаршида 13 милиционер узоқ муддатларга қамалди.

Қаршида 13 нафар милиция ходими пора олиш, қийноқ ва асоссиз равишда ҳибсда ушлаб туриш каби 11 та жиноятда айбдор деб топилиб, узоқ йиллик қамоқ муддатларига ҳукм қилинди. Озодлик радиоси мобил мухбирларининг хабар беришича, Қарши шаҳар ички ишлар бошқармаси жиноят қидирув бўлими ходимларига нисбатан ҳукм 25 декабрь куни Қашқадарё вилоят Муборак туман суди томонидан ўқилган.

Суд Қарши шаҳар ИИБ жиноят қидирув бўлими бошлиғи Акмал Қултоевни 11 йилга, тезкор вакиллар Жасур Алмардонов ҳамда Жаҳонгир Назаровни 10 йилу 3 ойга, жиноят қидирув бўлимининг 5 нафар ходимини 6 йилга озодликдан маҳрум қилди.

2) Ўзбекистонда нафақадаги милиционерларнинг уйлари тортиб олинмоқда.

Ўзбекистон Бош прокуратурасига яқин Озодлик манбасининг айтишича, бутун Тошкент бўйлаб кейинги 15 йил мобайнида хусусийлатирилган уйлар жиддий тафтиш қилинмоқда.

Ўзбекистон ИИВ тизимларида 25 йил ишлаб нафақага чиққан 52 яшар милиция подполковниги Шарифбой Жуманиёзовнинг айтишича, (исм-фамилияси ўзининг илтимосига кўра ўзгартирилди) унинг Тошкент шаҳридаги квартираси тортиб олинган.

Шарифбой аканинг айтишича, уй Ўзбекистон Ички ишлар вазири Адҳам Аҳмадбоев имзолаган буйруқ ва Бош прокуратура ëзма кўрсатмага биноан тортиб олинган.

Озодликнинг ҳуқуқ-тартибот органларидаги манбасининг айтишича¸ илгари ИИВ тизимида ишлаб, вазирликдан уй олган нафақадаги зобитларнинг муассасага қарашли уйлари жорий йил апрель ойидан бошлаб тортиб олина бошлаган.

Ўзбекистон Бош прокуратурасига яқин Озодлик манбасининг айтишича¸ бутун Тошкент бўйлаб кейинги 15 йил мобайнида ҳусусийлаштирилган уйлар жиддий тафтиш қилинмоқда:

— Битта милиционер танишим участка нозири бўлиб ишлаган пайтда муассасавий уйни приватизция қилган экан. Хозир хавотирга тушиб ўтирибди. Менинг фикримча ноқонуний олинган уйларнинг давлатга қайтарилиши тўғри бўляпти. Нафақат милиция, балки ҳокимият, БТИ ва бошқа идора ходимлари ҳам текшириляпти.

Ўзбекистон ИИВ тизимида 25 йил ишлаб нафақага чиққан зобит уйни қайтариб қутулганини айтди.

Озодликка маълум бўлишича¸ ИИВ ходимларидан ташқари Тошкент шаҳар ва туман ҳокимликларида ишлаб квартира олганлар ҳам текширилмоқда.

3)Тошкент шаҳар Ички ишлар бош бошқармаси бошлиғи алмаштирилди.

Тошкент шаҳар Ички ишлар бош бошқармаси бошлиғи алмашгани ҳақида Озодликка бир-биридан мустақил манбалар хабар йўллади. Бу ўзгариш Ўзбекистон президентининг ички ишлар ходимлари фаолиятини кескин танқид қилишидан кўп ўтмай рўй берди.

Тошкент шаҳар Ички ишлар бош бошқармаси бошлиғи Мирсамат Одилов 26 декарбрда вазифасидан огоҳлантиришсиз бўшатилди.

4) Тошкент милициясининг юқори лавозимли амалдорлари ишдан олинди.

Тошкент шаҳар Ички ишлар бош бошқармаси, йўл ҳаракати хавфсизлиги бўлими бошлиғи Собир Ирисбеков эгаллаб турган лавозимидан бўшатилди. Айни пайтда Тошкент шаҳар Чилонзор тумани ИИБ бошлиқ муовини Даврон Мадаминов хамда Олмазор туманлари Ички ишлар бўлими бошлиғининг биринчи муовини Беҳзод Икромовлар ҳам лавозимларидан бўшатилди.

Шунингдек, Ўзбекистон Ички ишлар вазирлигининг еттинчи бошқармаси бошлиғи Файзулла Ҳакимов ҳам вазифасидан четлатилган.

Уларнинг айримлари ҳизмат лавозимини суистеъмол қилганлик айблови бўйича тергов қилинаётгани ҳақида хабарлар бор.

Юқоридагилардан кўриниб турибдики, Каримов режими сизлардан фойдаланиб бўлиб, улоқтириб юбориши муқаррар ишдир. Сўнг яна шу уммат бағрига қайтадиган кунингизни асло унутманг. Яна шуни ҳеч қачон унутмангки, Ўзбекистондаги исломий Уммат уйғонди ва иккинчи марта уйқуга ҳеч қачон кетмайди, ин ша Аллоҳ. Бу уммат ҳозир қурбонлар бермоқда ва то Аллоҳ ҳал қилиб бўлинган бир ишни ҳукм қилмагунча уммат бунда давом этаверади. Бу умматнинг ҳаққа етиш учун кўрсатган шижоати ва қатъияти Американи қўрқувга солиб қўйди, натижада Америка Халифалик тикланишини тўхтатиб қолиш учун қўлидан келган барча ҳаракатларни қилмоқда. Яна қайта айтамизки, бу ишда сизлардан ўз миллатига нисбатан хизматкор сифатида фойдаланмоқда, кўзингизни очинг кучишлатар тузилмалардаги уммат вакиллари!

Агар ушбу хитобимизга ижобий жавоб берсангиз, ўзингизни бу дунё ҳамда Охират шармандалигидан қутилиб қолишга имкон топган бўласиз. Мабодо, буни қабул қилмасангиз, у ҳолда сизлар Аллоҳга ҳеч қандай зарар келтиролмайсиз ва Халифалик тикланишига ҳечам тўсқинлик қилолмайсиз, лекин бу дунё ва у дунё шармандалиги ва азобига лойиқ бўласиз. Чунки Аллоҳ Субҳанаҳу ваъда қилган ва Росули (с.а.в.) башорат берган Буюк Исломий Халифалик Давлати Аллоҳ изни ила эълон қилиниш бўсағасида турибди. Бу ердаги бор нарса шу бўладики, сизлар дунёю охиратда расволик ва зиёнга гирифтор бўласиз!

Шояд сизлар буюк Роббингиздан қўрқиб, ўз елкангизга ортган гуноҳнинг нақадар оғирлигини ҳис қиласиз, деган умидда ушбу хитобимизни йўлламоқдамиз. Чунки сизлар Аллоҳни қўйиб ўзингизга ўхшаш бир оддий кимсага итоат қилмоқдасиз. Аллоҳнинг  китобидан ва Росули Суннатидан бутунлай юз ўгирмоқдасиз ва Аллоҳнинг душманларини дўст тутиб ўзингизни яхши иш қиляпмиз, деб ўйламоқдасиз.

الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً *قُلْ هَلْ نُنَبِّئُكُمْ بِالْأَخْسَرِينَ أَعْمَالاً

أُولَئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنا

“(Эй Муҳаммад), айтинг: «Сизларга қилган иш-амалларидан энг кўп зиён кўргувчи кимсаларнинг хабарини берайликми?! Улар (кофир бўлганлари сабабли) қилган саъй-ҳаракатлари ҳаёти дунёдаёқ йўқ бўлиб кетган-у, аммо (нодонликлари сабабли) ўзларини чиройли – яхши амал қилаётган кишилар, деб ҳисоблайдиган кимсалардир!» Улар Парвардигорларининг оятларини ва У зотга рўбарў бўлишни инкор қилишиб, бутун иш-амаллари беҳуда кетган кимсалардир. Бас, Биз қиёмат кунида улар (қилиб ўтган амаллар) учун ҳеч қандай қадр-қиймат бермасмиз!”   (Каҳф 103-105)

Биз сизни зиён кўрувчилар қаторида бўлиб қолишингизни истамаймиз, шунинг учун шояд Роббингизга тавба қилсангиз. Сиз ҳозир Аллоҳ Ўз Китобида белгилаб қўйган икки иш орасида турибсиз:

أَفَمَنْ أَسَّسَ بُنْيَانَهُ عَلَى تَقْوَى مِنَ اللّهِ وَرِضْوَانٍ خَيْرٌ أَم مَّنْ أَسَّسَ بُنْيَانَهُ عَلَىَ شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ وَاللّهُ لاَ يَهْدِي الْقَوْمَ الظَّالِمِينَ

“Бас, бу биноларини Аллоҳдан қўрқиш ва Унинг ризолиги асосига қурган киши яхшироқми ёки биноларига емирилаётган жар ёқасини асос қилиб олиб, шу сабабли ўзи ҳам жаҳаннам ўтига қулаган кимсами?! Аллоҳ бундай золим қавмни ҳидоят қилмас”                                                                          (Тавба 109)

Ҳизб ут – Таҳрирнинг Ўзбекистондаги медиа офиси

05.01.2016й.

0

0