بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Ливия депутатлар палатаси Вифоқ ҳукуматига ишонч билдирилишига қарши

Ливия депутатлар палатаси (парламент) юрт шарқидаги Тобруқда ўтказилган йиғинда 22 август душанба куни Файз Саррож раислигидаги миллий Вифоқ ҳукуматига ишонч билдирилишига қарши чиқиб, сўнгги имконият сифатида кичик бир вазирлик тузишни талаб қилди. Парламент раиси Уқайлат Солиҳ Вифоқ ҳукумати президиумининг ишдан бойкот қилган икки аъзоси Али Қатроний билан Умар Асвадни тез фурсатда ишларига қайтишларини талаб қилди.

Овоз беришда парламентдан бир юз битта аъзо қатнашди. Улардан 16 нафари Вифоқ ҳукуматига ишонч билдирилишга қарши овоз берди, 12 нафари ишонч билдирилишни ёқлаб овоз берди, қолганлари эса овоз беришдан бош тортди.

Парламент аъзоси Зиёд Дағим депутатлар палатаси томонидан янги вазирлик тузилмаган тақдирда, Вифоқ ҳукумати палатаси қулаши мумкинлигини билдириб, Ливия халқини Триполида Вифоқ ҳукуматига қарши чиқиб, уни ҳайдашга чақирди.

Депутатлар палатаси аъзоси Солиҳ Фаҳимат Файз Сарож раислигидаги миллий Вифоқ ҳукумати риёсат кенгашини қайта кўриб чиқишга чақириб, бу ҳукуматга ливияликлар рози эмаслигини, у гуруҳлар ўртасида ўзаро розичилик асосида эмас, балки хорижий босим билан ташкил топганини таъкидлади. (Арабий 21).

Роя газетаси шарҳи:

Тобруқ шаҳридаги мавжуд депутатлар палатасининг, яъни АҚШ малайи Хафтарга бўйсинувчи палатанинг бундай позицияси шуни яна бир бор тасдиқламоқдаки, АҚШ Ливия департаменти билан ундан келиб чиққан Файз Саррож раислигидаги ҳукуматга ҳануз босим ўтказмоқда, зоҳирда уни ҳарбий ва сиёсий жиҳатдан қўллаб-қувватлаётган бўлиб кўринишига қарамай, уни ўзига тобе қилишга уринмоқда.

АҚШ Саррож ҳукуматини Британия ясаганини билади. Шунинг учун Хафтар орқали қаршисига чиқиб, унга босим ўтказмоқда, Миср раҳбари Сисий каби ўз малайларини Хафтарни қўллаб-қувватлашга буюрмоқда…

Шу боис гувоҳи бўлиб турибмизки, БМТнинг Ливиядаги махсус вакили – умумий шаклда европаликлар сиёсатига мувофиқ АҚШ сиёсатига қарши юрувчи – Мартин Коблер юртда хавфсизлик ва барқарорликни қайта тиклаш учун мумкин қадар тез фурсат ичида Ливия армиясини битта қўмондонлик, яъни Вифоқ ҳукумати қўмондонлиги остида бирлаштириш зарурлигини таъкидлади. Ўтган пайшанба «Ҳадас»га берган интервьюсида – Ливия сиёсий битими бандларига мувофиқ, армия Файз Саррож раислигидаги департамент қўмондонлиги остида бирлашмоғи лозимлигини таъкидлади. Сўнг «Мен шарқдаги жангчиларни бирлашган Ливия армияси тузиш учун сўзлашувда қатнашишга тарғиб қиламан», дея қўшимча қилди.

Роя газетасининг 2016 йил 31 август чоршанба кунги 93-сонидан