Мағфират ва раҳмат ойи бўлган Рамазон муборак бўлсин!

بِسْمِ اللهِ الرَّحْمٰنِ الرَّحِيم

Бугун ҳижрий 1442 йил Рамазон ойининг 1-куни, милодий 2021 йил 13 апрель Аллоҳ Таолонинг Ўз бандалари учун гуноҳлардан покланиш ойи бўлган Рамазон ойининг бошлангани муносабати билан Ҳизб ут-Таҳрир Ўзбекистон вилояти жамоаси мусулмонларни муборакбод этади. Аллоҳ Таоло бошқа ойлардан саралаб олган ва мумтоз айлаган рамазон ойи аввали раҳмат, ўртаси мағфират, охири дўзахдан қутулиш бўлган ажру-савобларга тўла ойдир. Бу ҳақда Аллоҳ Таоло Ўз каломида шундай баён қилади:

شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ

– “Рамазон ойи – одамлар учун ҳидоят (манбаи) ва тўғри йўл ҳамда ажрим этувчи ҳужжатлардан иборат Қуръон нозил қилинган ойдир. Бас, сизлардан ким бу ойда (ўз яшаш жойида) ҳозир бўлса, рўзасини тутсин. Кимки бемор ёки сафарда бўлса, (тута олмаган кунларининг) саноғи бошқа кунлардандир. Аллоҳ сизларга енгилликни истайди, оғирликни хоҳламайди. Бу – ҳисобни тўлдиришингиз ҳамда ҳидоятга бошлагани учун Аллоҳга такбир (ҳамду сано) айтишингиз ва шукр қилишингиз учундир”.                                                                           (Бақара:185)

Бу улуғ ва ғаниматли бўлган рамазон ойи, барча асрларда Ислом ва мусулмонлар учун баракотли, ҳайрли, раҳмат ойи бўлиб келган. Бу ойда Бадр ғазоти, Макканинг фатҳ этилиши, Табук, Яманнинг фатҳ этилиши, Андалусиянинг фатҳ этилиши каби буюк зафарларни Роббимиз мусулмонларга инъом этди. Шунинг учун ҳам бу муборак ой мусулмонлар учун азизлик, кофирлар учун хорлик ойидир. У ҳаракат, қунт, сабот ойидир.

У ибодат, сабр, жиҳод ойидир. Бу ойда ажру савоблар кўпаяди. Бу ойда мусулмонлар яхшиликлар қилиш борасида ким ўзарга мусобақалашадилар. Халифалар ва волийлар мусулмонларни яхши бошқариш ва ҳимоялаш хусусида ўзаро мусобақалашиб, даъват ва жиҳод билан Исломни оламга олиб чиққанлар. Улар мусулмонларнинг пешволари бўлганлар. Аллоҳнинг шариати билан ҳукм юритганлар. Жанг майдонларида сафларнинг олдинги қаторида турганлар. Шунинг учун ҳам мусулмонлар халифалардан мамнун бўлишган, халифалар мусулмонлардан. Халифа бирон бир эзгуликни қилса, унга ёрдам беришган, қўллаб-қувватлашган. Хато қилса, уни тафтиш қилиб тўғрилашган.

Биз Аллоҳ Таолога ялиниб-ёлвориб дуо-илтижо қиламизки, ушбу ойни аввалгидек нусрат ва фатҳлар ойига айлантирсин, мусулмонлар орасидаги фитна, гина-кудуратларни кўтарсин, қалбларимизни яқинлаштириб, сафларимизни бирлаштирсин, аввалгидек ягона уммат сифатида битта халифа, битта байроқ ва битта давлат соясида бутун оламга Исломнинг яхшиликлари ва адолатини ёйишга мушарраф қилсин. Расулуллоҳ ﷺ бошлаб берган буюк йўлнинг муносиб давомчилари бўлишни насиб қилсин.

Ҳизб ут-Таҳрирнинг Ўзбекистон вилояти матбуот бўлими

13.04.2021й