Капиталистик цивилизация «самара»ларидан: Германида йилига 100000 аборт
بِسْمِ اللهِ الرَّحْمٰنِ الرَّحِيمِ
Капиталистик цивилизация «самара»ларидан: Германида йилига 100000 аборт
Гарманиянинг расмий статистика департаменти маълумотига кўра, абортлар сони жорий йилнинг иккинчи чорагида, апрелдан июн ойига қадар 25600ни ташкил қилган ва бу ўтган йилнинг шу даврига қадар 11.5 фоизга кўп. Таъкидлаш лозимки, абортлар сони йилнинг биринчи чорагида 25800га етган.
Роя:
Ушбу расмий статистикага мувофиқ, Германияда аборт қилдириш ҳолати йилига 100000дан ошмоқда. Дарҳақиқат, аборт қилдириш ҳолати 1996 йилдан бери 2 миллион 400 мингдан ортиб кетган. Бу ортиш жиноят кодексининг 218-моддаси ўзгартирилгандан сўнг бўлди. Чунки унда аборт жиноят деб саналиб, аборт билан очиқдан-очиқ шуғулланиш тақиқланган эди.
Шубҳасиз, абортга мажбур бўлишнинг турли сабаблари бор. Баъзан тиббиёт ёки саломатлик томонидан аборт мақбул саналади. Бироқ, бу ердаги абортнинг энг катта сабаблари жамият ва иқтисодга бориб тақалади. Фақат оз қисмигина жинсий зўравонлик сабабли бўлмоқда. Масалан, вояга етмаган қизларнинг яқинлари томонидан зўрлаш ва ҳужумга учрашиши ва буни беркитиш учун абортга мажбур бўлишлари каби.
Бу сабабларга инсоний таназзулни ҳам қўшиш мумкин, масалан, чақалоқларни ўлдириш ва турли йўллар билан улардан қутулиш ёки етимхона ва касалхоналар эшикларига ўрнатилган «номаълум чақалоқлар сандиғи»га ташлаш каби.
Статистика департаментида шунчаки рақамларга айланиб қолган ушбу гуманитар фалокат бизнинг жамиятимизга зинҳор-базинҳор кўчиб ўтмаслиги керак. Ҳар қандай ақлирасо инсон бундай мусибатларни ўзидан ва жамиятидан даф қилиши фарздир. Номусини қизғанувчи ҳар қандай эркак бундай иллатни бизнинг ҳаётимизга CEDAW конвенцияси ёки «Болаларни ҳимоя қилиш» қонуни орқали сиздирмоқчи бўлаётган кимсаларга қарши курашмоғи лозим. Аслида, булар бузуқлик ва фосиқлик қуроллари ёрдамида инсониятни қириш ва жамиятларни вайрон қилишга қаратилган қонунлардир.
Роя газетасининг 2022 йил 21 сентябр чоршанба кунги 409-сонидан
