بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Марокаш ўтмиши ва келажагидан кўз юммоқда

Марокаш подшоҳи Муҳаммад олтинчи расмий сафар билан Танзанияга борди. Бошқа ишлар қатори, пойтахт Доруссаломда янги масжид, Дудума шаҳрида янги стадион қуриб беришни ваъда қилди.

Афсуски, Работнинг ташқи сиёсати доираси жуда тор бўлиб, у ўзининг шонли тарихини кўришга қодир эмас.

Марокаш, бошқа исломий юртлар қатори, ўз ёвузликлари билан зулмларини яшириб, ўзини янги-янги масжидлар қурувчиси қилиб кўратишдан бошқа нарсани билмади. Ваҳоланки, масжиднинг роли Аллоҳ Таоло калимасини олий қилишдан иборат:

فِي بُيُوتٍ أَذِنَ اللَّـهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ

«(У чироқ) бир уйларда (яъни масжидларда ёқилурки), Аллоҳ уларни баланд кўтариб (бино) қилинишига ва уларда Ўзининг номи зикр қилинишига изн берган (яъни амр қилган) эди»    [Нур 36]

Кейин, юрт куфр қонунлари билан бошқарилаётган бўлса-ю, қандай қилиб, масжид қуриш тўғрисида гап бўлиши мумкин?!

Бу подшоҳнинг отаси подшоҳ Ҳасан Дорулбайзода улкан масжид қурмаганмиди, ахир, у дунёдаги масжидлар ичида 13 ўринда туради, меъзанаси дунёда энг баланд меъзана ҳисобланади. Унинг қурилишига етти йил кетган, улкан маблағ сарфланган. Кейин нима бўлди?! Марокаш, Ислом дунёси ривожландими, инқироз ва хорликдан сақлаб қолиндими?!

Марокаш ҳамма соҳада танг аҳволда. Халқи бутунлай қашшоқ ҳаёт кечириш сари кетмоқда, минглаб фоҳиша аёллар босиб кетгани жиҳатидан, юрт ахлоқий абгор аҳволда… Ваҳоланки, бу юрт дунёда энг қадимги университет, Қоравиййин университетини ўз ичига олгани жиҳатидан, маърифат ва ҳазорат бешиги ҳисобланган. Бугун эса бу университетга ишонч қолмаган, у ерда ҳатто университет даражасида араб тилидан фойдаланилаётганига ҳам ишонч йўқ.

Ўз-ўзини бошқарув билан хорликдан ўзга нима ўрнатилди бу юртда?! Работнинг Ғарб давлатлари ва АҚШдан вакил сифатида Исломга қарши курашаётганини-ку, айтмасак ҳам бўлади, ахир, бу давлатларнинг ўзи унинг фуқаролари ҳаётига таҳдид солаётган бўлса?!

Қачон Марокаш ўтмишидан, умуман, исломий тарихидан кўз юмишни бас қилади?! Ахир Марокаш Исломни қабул қилган ва халқларини Ислом билан бирлаштириб, кейин Ислом байроғини баланд кўтарган, мусулмонлару башарият учун халоскорлик манбаи бўлган заминку?! Ҳатто ғайримусулмонлар ҳам ўз ҳукмдорлари зулмидан қочиб, Марокашдан ёрдам сўраганлар. Испания аҳолисидан бири Ғарб голтларидан бири граф Юлиан (Сеут графи) қирол Родерикнинг азоб-уқубатлари ва зулмлари сабабли мусулмонларни Иберия ярим оролини фатҳ қилишга тарғиб қилган, зеро, унинг ўғли Жулиан Родерик зулмидан қочганлардан бири бўлган.

Ушбу замин орқали Ториқ ибн Зиёд қўли билан Испания фатҳ этилган. Ўша тарих билан бугунги кунни солиштирилса, фарқ ер билан осмонча бўлади!

Қани энди, Марокаш бугун ўз тарихига амал қилганида эди, Ислом билан Жанубий Саҳронинг қолган қисмларини ҳам озод этган бўлар эди. Аммо у бундай қилиш ўрнига, уни улуғ тарихидан четга чиқариб қўйган капитализмни қабул қилди. Натижада, унинг ҳукмдорлари ўзларининг заиф бошқарувларини ҳимоя қилишга, қоринларини қаппайтиришга шошилишди. Яққол кўриниб турибдики, юрт буюк тарихимизни қайтариш учун туб исломий ўзгаришга ғоят муҳтождир.

Масъуд Муслим

Ҳизб ут-Таҳрирнинг

Танзаниядаги матбуот бўлими вакили

Телефон: +255778 870609

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">jukwalakhilafah@gmail.com