Марокашлик йигитчанинг ўлимини мазаҳ ва масхара билан қарши олишмоқда!
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Марокашлик йигитчанинг ўлимини мазаҳ ва масхара билан қарши олишмоқда!
Асли марокашлик Белгия фуқароси бўлган 15 ёшли йигитча Марокашдаги велосипед ҳодисасида аянчли тарзда ҳалок бўлган эди. У ёзги каникулини Марокашда ўтказгани келганди. Белгияда эса бу хабар ижтимоий тармоқларда кенг тарқалди ва бельгиялик ирқчи-фламандлар жамияти фарзандлари унга нисбатан ўтакетган разил, ахлоқан тубан, масхараомуз ҳақоратли шарҳлар қолдиришди.
Мисол учун, фламандлардан бири бу ҳодисага «ўлган араб озчилиги», деган бўлса, яна бири «ҳечдан кўра, битта бўлса ҳам майли, ўлибди», деди. Яна бири «афсуски фақат биттаси ўлибди-да, ҳаҳ-ҳаҳ-ҳаҳ-ҳааа», деди, яна бошқаси эса «агар у фламанд бўлса, мен негрман», деди. Яна бири «шунга ҳам йиғлайми-а, уввв-уввв», деган. Шу тарзда қолдирилган шарҳларнинг барчаси мазаҳу масхара билан ёзилган бўлиб, улардан бадбўй миллатчилик анқиб турди.
Бу миллатчилик шарҳлари сиёсий синф ва оммавий ахборот воситаларида шов-шув пайдо қилди… Маданият ва ахборот вазири фламанд Swen Gatz айни миллатчиликни жирканч ва иллатли, дея қоралади. Tine Soens исмли фламанд депутат аёл «бир йигитчанинг ўлими қандай қилиб бунчалар хавфли шарҳларни пайдо қилди, дунёда нима бўляпти ўзи?», дея савол ташлади.
Дунёда бундай ишлар бўляпти: сиёсатчилар ўз сиёсатлари билан мусулмонларни ёмонотлиқ қилишяпти, уларга қарши мусулмон бўлмаганларда нафрат туйғусини пайдо қилишяпти, бугунги ахборот воситаларининг мусулмонларни масжид ва мадрасаларида, ҳатто уйларида ҳам таъқиб остига олишдан ўзга ишлари қолмади, сиёсатнинг маъноси, ҳозирда Ғарбда яшовчи мусулмонларни олабўжи қилиб тасвирлаш, ҳар бир мусулмонни ғарбликлар жамияти ва турмуш тарзи учун таҳдид қилиб кўрсатиш бўлиб қолган. Репрессив қонунлар, ҳужжат-далилсиз қамашлар фақат мусулмонларга нисбатан қўлланмоқда, дастак тайёр: экстремизм, терроризм ва ақидапарастлик. Бугун дунёда бўлаётган нарсалар, хоссатан, Европада, шу жумладан, Бельгия, Голландия ва Францияда бўлаётган нарсалар мана шулар!!
Биз илгарги нашра ва баёнотларимизда айнан шу ҳодисалардан огоҳлантирганмиз. Ҳозирда Ғарбда яшовчи мусулмонни олабўжи қилиб тасвирлаётган бундай европача сиёсат жамиятда фитна уруғини экади, у нафрат ва адоватдан ўзга ҳосил бермайди, деганмиз. Мана, сиз сиёсатчилар, натижани ўзингиз кўриб турибсиз, қилмишингиз ҳосилини оляпсиз… хўш, энди нима қиласиз!? Анави миллатчи гуруҳни таъқиб остига оласизми ёки миллатчилик фикрларини тарқатишга тақиқ қўясизми?! Ёхуд миллатчиликни қораловчи сўзларингиз қонун ва расмиятда бору амалда йўқ қуруқ гап, холосми?! Ахир, бу қонун ва қамашларингизни фақат мусулмонлар жамоаси учун сақлаб қўйгансизку!
Ҳизб ут-Таҳрирнинг
Голландиядаги матбуот бўлими
