Масаланинг бутун мусулмонлар, хусусан, Россия ва Украина мусулмонлари учун муҳим бўлган жиҳатлари
بسم الله الرحمن الرحيم
Масаланинг бутун мусулмонлар, хусусан, Россия ва Украина мусулмонлари учун муҳим бўлган жиҳатлари
Хабар:
Россия 2014 йилда Қримни аннекция қилганидан кейин Украина ўз армиясини модернизация қилди. Бироқ, Россия армияси аскарларининг сони ва ҳарбий техникаларининг кучлилиги жиҳатидан ҳали ҳам сезиларли даражада устун бўлиб қолмоқда. (Ал-Жазира нет).
Шарҳ:
Масаланинг бутун дунё мусулмонларига, хусусан, Россия ёки Украина мусулмонларига тегишли бўлган муҳим жиҳатлари қуйидагича:
1 – Бу уруш ботилнинг ботилга қарши урушидир: ҳар икки давлатда, хусусан, Россияда катта сондаги мусулмонлар бор. Ҳар икки давлатдаги мусулмонлар ўзлари яшаётган давлатга хоҳ моддий ва хоҳ маънавий бўлсин, ёрдам кўрсатмасликлари лозим. Чунки бу ботилни қўллаб-қувватлаш ҳисобланади. Бу урушнинг мусулмонларга ҳеч қандай дахли йўқ. Унутмайликки, Россия мусулмонларнинг ҳақиқий душманидир. У бутун дунё кўзи ўнгида Суриядаги миллионлаб мусулмонларни қирғин қилиб, бошпанасиз қолдирди.
Украина мусулмонларга нисбатан Россиядан кўра камроқ душман бўлса-да, бироқ, бу унинг кофир давлат эканини йўққа чиқармайди. Шунинг учун бу урушда унга ёрдам бериш ва ботилни қўллаб-қувватлаш учун мусулмонлар қонини тўкиш жоиз эмас.
2 – Шу ўринда эслатиб ўтиш лозимки, гарчи мусулмонларнинг яшаш жойлари бир-биридан узоқ бўлиб, улар турли давлат ва қитъаларда тарқоқ бўлсалар ҳам, улар одамлардан алоҳида ягона Умматдирлар. Уларнинг тинчлиги ҳам, уруши ҳам биттадир. Шунинг учун мусулмонларнинг масалалари ва интилишлари турлича бўлиши жоиз эмас. Биз тавҳид, имон ва Ислом Умматимиз. Биз Россияни кучайтириш ёки Украинани мудофаа қилиш учун қон тўкмаймиз. Росулуллоҳ ﷺ айтадилар:
الْمُؤْمِنُونَ أُمَّةٌ وَاحِدَةٌ مِنْ دُونِ النَّاسِ
“Мўминлар одамлардан алоҳида ягона Умматдирлар”.
3 – Россия учун бу уруш ўзининг ҳаётий муҳим минтақасида ва олд томорқасида ўз хавфсизлигини таъминлашдир. Шу боис, у ўз мақсадларини ёки уларнинг баъзиларини амалга ошириш учун бор кучини сарфламоқда. У мумкин бўлган барча нарсани, ҳатто мусулмонларни ишга солиши мумкин. Шунинг учун мусулмонлар Россия хавфсизлиги учун ёқилғи бўлиб қолишдан эҳтиёт бўлишлари лозим.
Шу ўринда диндошларимизга, хусусан, Чеченистондаги биродарларимизга айтмоқчимизки, Қодиров ва унинг тўдаси Россияга хизмат кўрсатишни давом эттиришга ва Россия манфаати йўлида сизлардан фойдаланишга эътиборсизлик қилмайди. Шундай экан, сизлар уларга итоат қилманглар. Қодиров Россиянинг кўппаги ва малайидан бошқа нарса эмас. У сизларни ҳаргиз яхшиликка бошламайди. Шунинг учун эҳтиёт бўлинглар.
4 – Бу уруш, гарчи регионал можаро бўлса ҳам кенгайиши мумкин. Бироқ бу уруш дунёда биринчи давлат бўлмаган буюк давлат (Россия) томонидан олиб борилаётган урушдир. Агар бу можарога бошқа буюк давлат аралашса, бу уруш катта қонли урушга, эҳтимол, глобал (жаҳон) урушига айланиши мумкин. Аслини олганда, Россия билан Украина ўртасидаги кураш Россия билан Европа ва Россия билан Америка ўртасидаги курашдир. Мана шундан очиқ кўриниб турибдики, мусулмонларга бу урушнинг ҳеч қандай дахли йўқ. Шунинг учун мусулмон одам уйида қолиши ва бутунлай ботил бўлган бу урушда қатнашмаслиги керак. Чунки бу уруш Ислом ва Ислом Уммати манфаати учун эмас.
5 – Биз мусулмонлар Аллоҳдан шуни дуо қилиб сўраймиз: эй Парвардигор золимларга золимлар билан зарба бер, бизни уларнинг орасидан омон чиқар. Эй Парвардигор, Ислом аҳли унда азиз бўладиган, ширк аҳлини хор қиладиган пайғамбарлик минҳожи асосидаги рошид Халифалик билан бизни сийла.
Аллоҳ бутун мусулмонларни, хусусан, Россия ва Украина мусулмонларини барча ёмонликлардан ва макр-ҳийлалардан сақласин.
Ҳизб ут-Таҳрир марказий матбуот бўлими радиоси учун Д. Фарож Мамдуҳ ёзди
