Икки ўт орасидамисизлар?
Икки ўт орасидамисизлар?
بسم الله الرحمن الرحيم
Оламни гўзаллигини моддий имконларда кўриб Ғарб давлатларининг ялтир-юлтурларига ошуфта мусулмонларга эслатиб ўтамиз. Ғарбнинг ривожланиб кетиши динларини ҳаётдан ажратиб юборганлиги учун эмас. Йўқ, асло ундай эмас. Гарчи мусулмон ёшларининг зеҳнига “сизларни қолоқлик ботқоғига тушурган нарса ўз динларингизга ёпишиб олганларингиздир” деб қуйиб келаётган бўлса ҳам, ҳаргиз ундай эмас. Тўғри, улар динларини ҳаёт ишларини тартибга солишидан мутлақо воз кечиб капиталистик ва социалистик тузумларни дунёга келтиришди. Бу тузумларни дунёга келишининг асосий сабаби, улар аввалда эътиқод қилган динлари инсонлар тарафидан қирол ва императорларининг хоҳишларига кўра ўзгартирилиб яроқсиз ҳолга келганди. Дин номидан оддий халқларни қонларини ичиб уларни эзиб ташлаган эди. Қачонки динларини черковларга тиқиб, қирол ва императорларини тахтдан ағдаргач, файласуф ва истеъдодли мутафаккирлар ҳаёт учун янги қонунлар ишлаб чиқдилар. Ғарбда бу уйғониш даври бўлди. Саноат шиддат билан ўсди. Инсоннинг ноқис ақли билан тузилган капиталистик ва социалистик тузумлар ўз даврида ловуллаб ёнди. Оламга ўзларининг мабдаларини ёйди. Ҳаёт ишлари учун Исломга мутлақо бегона янги ўлчовларни киритди. Аммо уларнинг энг буюк хатоси ўз динларини эскириб яроқсиз ҳолда топгач, оламда инсониятга юборилган бошқа дин бормикин, деб изланмаганидир. Энг ачинарлиси, уларнинг истеъдодли мутафаккирлари ўлиб битгач, кейинги авлодлари Исломга ҳам ўзларининг бузилган дини каби қараб, унга қарши курашиб келганларидир. Уларнинг кейинги авлоди ўша даврларгача, яъни ўн уч аср энг буюк, енгилмас армияси бўлган Ислом давлати заифлашгач, уни чок-чокидан сўкиб парчалаб, нимталаб элликдан ортиқ бўлакчаларга бўлиб ташлади. Аммо илоҳий низомнинг мукаммал ақидасини ўрганиб чиқишга бирорта ҳам мутафаккирлари киришмадилар. Ўрганиб чиққанлари ҳам оммага таъсир қилолмайдиган кишилар бўлиб қолавердилар. Ўзларининг қудратидан фахрланган Ғарб тарихдаги ёвуз фиръавнлар ишини такрорлади. Сарвари коинот ﷺ барпо қилган бир бутун вужудни парчалагач, бўлакчаларга ўз малай кишиларини раҳбар қилиб қўйди. Ҳозиргача бирор мусулмон юрти йўқки раҳбарини улар тайинламаган бўлсин.
Умматнинг воқесига келсак, уларнинг аксарлари ўз динларини инсониятга икки дунё саодатини кафолатлайдиган илоҳий конституция эканидан ҳануз ғафлатда эканлигидир. Уларни шахсига тааллуқли намоз, рўза, закот, ҳаж ва умраларига суяниб жаннат калитларини қўлида санаган кишиларга айлантирилди. Ҳа шундай, айлантирилди! Бу ишда ёлланган имомлар роли беқиёс бўлди. Уламолар гоҳо раҳбарлар тарафидан қўрқитилиб, баъзиларини эса бойликка “кўмиб” динга қарши ишлашга ёллашди. Қай йўсинда бўлсин ёлланган бу имомларни асосий вазифаси умматни аввалги азизликка чорлаётган, том маънодаги уйғонишга даъват қилувчи Исломий сиёсий партияси даъватларидан чалғитишдир. Ёлланган имомлар Исломини тушунмаётган мусулмонлар қатламига раббоний уламолар даъватларини “экстремизм”, “терроризм” дея танитдилар ва ҳамон шундай танитмоқдалар. Улар хақир ва қўғирчоқ ҳокимчалар зулмидан қўрқдилар. У бечора шўрпешоналарга чора бўлсин деб гоҳида қўрқишга энг лойиқ зот Аллоҳ эканини эслатгимиз келади:
﴿فَاللهُ أَحَقُّ أَنْ تَخْشَوْهُ إِنْ كُنْتُمْ مُؤْمِنِينَ﴾
– “Агар (ҳақиқий) мўмин бўлсангизлар, қўрқишингизга лойиқроқ зот Аллоҳ-ку, ахир?!” (Тавба:13)
Ва яна, оламлар Роббиси олимларга ваъда қилган жаннатдаги қасрлар олдида малай ҳокимчалар берган “кошона”ларни тешик тоғорача қадри йўқлигидан сўзлагимиз келади. Аммо қачонки уларга:
“Эй, уламолар! У Зот сизларга Ўзини танитди, натижада Унинг ваҳдониятини, шунингдек, буюриш, ман қилиш ва ишларни тадбир қилиш фақат У Зотга хослигини билдингиз. Шунинг учун Аллоҳ Ўзининг ваҳийси ва динини сизларга омонат топширди ва сизлар пайғамбарлар меросхўри бўлдингиз. Шундай экан, Аллоҳдан энг кўп қўрқиш, ҳақни айтиб Аллоҳнинг йўлида маломатчининг маломатидан қўрқмаслик сизларга муносибдир”, – деганимизда, қулоғимизга шивирлаб “бизлар икки ўт орасидамиз” дейдилар. Йўқ, сизлар икки ўт орасида эмассиз! Ундай деб енгил санаманг! Сизлар ҳукмдорларнинг Аллоҳ нозил қилган аҳкомлардан бошқа қонунлар билан ҳукм юритаётганини, Ислом душманлари талабига жавобан Ислом Умматини турли хил шармандалик ва хорликларга дучор қилишаётганини, Уммат ва унинг армиясини занжирбанд қилиб, мустамлакачи кофир белгилаган сунъий чегаралар билан мусулмонлар ўртасидаги бўлинишни кучайтиришаётганини жуда яхши биласиз. Билиб туриб уни умматдан яширмоқдасиз. Шундай экан, умматни кўзини сизлар бўямоқдасиз! Шунга кўра ўзингиз айтаётган икки ўтнинг ораси сизларга асло макон бўлмас. Сиз айтаётган икки ўтнинг бугунгиси, албатта, ўчади. Ўчишга маҳкум. Бугунда унинг алангаси унинг ёқувчиларини куйдирмоқда. Сиз эса ўзингиз қўрқаётган бугунни “олови”дан умматни ҳам қўрқитмоқдасиз. Сизларни олимларимиз дея таниган умматга хиёнат қилманг. Зеро, сўфи Оллоёр айтганларидай:
Оламда ҳар иллат олимдан чиқар
Шул сабаб кўплари диндан чиқар
Ахир, қандай қилиб устиларингиздаги хақир рувайбизаларни биродарларимиз бўлган уйғурлар қаттоли билан оғиз бурун ўпишларига сукутдасиз?! Сизда қандай ҳужжат мавжудки, боболаримиз қонлари қўлидан нари кетмаган нажас ўрис билан ҳамкорликларига бепарвосиз?! Ғазо устига бомбалар ёғдирувчи сионистларга хайриҳоҳ хожангиз сиёсатини қўллашга нега қўрқмайсиз?! Сизлар кимсизлар ахир?! Ахир, эсламайсизми, авваллари раббоний уламолар ҳайқириғидан қўзғолган умматнинг ёшу қариси мужоҳидга айланиб мўғилни титратганини. Миср армиясига раббоний уламоларни хитоби етгач, Аллоҳ Миср аскарларига эҳтиром кўрсатиб, уларнинг қўли билан Байтул Мақдис салибчилардан озод қилинганини эсламайсизми?! У Зотнинг Миср аскарларига яна бир бор эҳтиром кўрсатганида мўғул татарлар устидан очиқ ғалабага эришганларидан бехабармисиз?! Биз Аллоҳ Таоло Миср аскарларига ва қалбида иймони жўш урган ўзга юрт мужоҳидларига яна бир бор эҳтиром кўрсатади, дея умид қиламиз. Ана шунда уларнинг муборак замин сари юриши Ислом ва мусулмонлар учун нусрат, куч-қудрат ва ғолиблик олиб келиб, ғазабга учраган яҳудийларнинг муқаддас заминдан қувиб чиқарилишига ва умматнинг сизларнинг тилингиз билан алданиб эргашган тузумларига қарши “Аллоҳу Акбар” садолари ила юришларига йўл очилади. Шундай деб билишдан ғафлатда бўлмасангиз, олам армияларини Аллоҳ Таолонинг йўлида жиҳод қилишга сафарбар қилинглар. Аллоҳга қасамки, бу тақводорлар йўлидир. Бизларга аёнки Бухорий юртининг сиз каби уламолари оламий хитобга журъатингиз йўқ. Аммо юртингиздаги раббоний уламоларга эргашиб умматни уйғотаётган Ҳизб ут-Таҳрир сиёсий партияси аъзоларининг 25 йиллардан бери қамоқда сақланаётганига, уларни ҳеч қандай террорга алоқаси йўқлигини айтишдан сизларни нима тўсмоқда?! Бугунги раҳбарингиз нима учун уларни озод қилди-ю ва яна нима сабабдан қайта қамамоқда?! Сизлар оламий хитобларда минбарга чиқмоққа ярамасангиз ҳам, ўзингизни минбарингиздан ҳақни очиқ айтишдан сўраласиз-ку?! Эҳтимол, қулоқларингизга ҳар кеча сизларни тизгинлаб олган хуфиялар “бизлардан қўрқинг” дея шивирлаб турар. Сиз учун ўша шивирловчи нодонларга қарши Роббингиздан ҳужжат бор-ку:
﴿الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ وَنِعْمَ الْوَكِيلُ﴾
– “Ундай зотларга айрим кимсалар: “Қурайш одамлари сизларга қарши (саноқсиз лашкар) тўплаган, қўрқингиз!” деганларида бу гап уларнинг иймонларини зиёда қилди ва: “Бизга ёлғиз Аллоҳнинг ўзи кифоя. У зот энг яхши ишончли вакилдир!” дедилар”. (Оли Имрон:173)
Бундай қўрқитувларга аввалгиларнинг жавоблари сизларни журъатли қилишга ярамаса, унда сизлар кимсизлар?! Сизларнинг ожизликни танлашингиз осийликни танлашдан афзалроқдир. Осийлик эса Аллоҳнинг душманларининг жирканч сиёсатларини умматга адолат дея кўрсатишингиздир! Аммо унутмангларки, оқизилаётган қонларимиз, қамоқларда қолаётган биродарларимиз, қувғинга учраётган болалар ва аёлларимиз Аллоҳнинг ҳузурида бизнинг сизларга қарши ҳужжатимиздир. Шундай экан, Аллоҳга йўлиқиш учун сизлар ҳам ўз ҳужжатингизни тайёрлаб қўйинг! Агар ундай қилолмасангиз – асло қилолмайсиз ҳам – токи нафас олар экансиз, тавба эшиклари барча учун бирдек очиқдир!
Ҳизб ут-Таҳрир Ўзбекистон матбуот бўлими аъзоси Зайниддин
09.05.2024й
