Мирзааҳмедов Миразиз биродаримизнинг вафоти муносабати билан таъзия

بِسْمِ اللهِ الرَّحْمٰنِ الرَّحِيمِ

Биз мусулмон халқимизга ўзининг яна бир тақволи ва собит ўғлонидан жудо бўлганини чуқур қайғу билан эълон қиламиз. Мирзааҳмедов Миразиз биродаримиз 2025 йил 10 октябр, Жума куни Роббисига ўз омонатини топширди. Жанозаси эса кеча, шанба куни ўқилди. Миразиз ака 1970 йилда Тошкентда таваллуд топди. У Ҳизб ут-Таҳрирнинг Ислом умматини, жумладан, Ўзбекистон мусулмонларини ҳам Исломий ҳаётни қайта бошлаш учун қилган даъватига “лаббай” деб жавоб берган минглаган холис ва шижоатли мўминлардан бири эди. Бошқа йигитлар қатори у биродаримиз ҳам навқирон йигит ёшида золим диктатор Каримов режимининг зулм машинаси ишга тушган даврда узоқ йиллик қамоқ жазосига ҳукм қилинди. Шу билан орадан 20 йилча вақт ўтиб 2025 йилда, ёши 55 га етганда, қамоқдаги қаттиқ жисмоний ва руҳий босимлар оқибатида яримжон ҳолатда озодликка чиқарилди. Умрининг қарийб ярми зах қамоқларда ўтган бу мўмин йигит шунча йил мобайнида ўзининг Аллоҳга берган аҳдида собит турди, қонхўр Каримов режимига бош эгмади, унинг чирик тузумини тан олмади, Аллоҳнинг қонунлари татбиқ этиладиган Халифалик давлатидан бошқасига рози бўлмади.

Биз Аллоҳ таолодан Миразиз биродаримизни раҳматига олиб, офиятига буркашини ва Ўзининг мана бу қавлида айтилган мўминлар сафида қилишини сўраб дуо қиламиз:

﴿مِنْ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً﴾

– “Мўминлар орасида ўзлари Аллоҳга берган (У зотнинг йўлида жиҳод қилиб, шаҳид бўлиш ҳақидаги) аҳду паймонларига содиқ бўлган кишилар бордир. Бас улардан (айрим) кишилар ўз аҳдига вафо қилди (яъни шаҳид бўлди), улардан (айрим) кишилар эса (шаҳид бўлишга) интизордир. Улар (мунофиқларга ўхшаб Аллоҳга берган аҳду паймонларини) ўзгартирганлари йўқ”.         

Шунингдек, биродаримизнинг яқинларига чуқур таъзиямизни изҳор қиламиз. Уларга Аллоҳдан гўзал сабр ва давомли офият сўраб қоламиз. Бундай ҳолларда айтишимиз вожиб бўлган энг муносиб сўз будир:

إِنَّا لِلَّهِ وَإِنَّا إِلَيْهِ رَاجِعُونَ

Албатта, биз Аллоҳникимиз ва, албатта, биз Унга қайтгувчимиз.‎

Ҳизб ут-Таҳрир Ўзбекистон матбуот бўлими

12.10.2025й