بِسْمِ اللَّـهِ الرَّحْمَـٰنِ الرَّحِيمِ

Роя газетаси

Мосул жангини давом эттириш кейинги жангга тайёргарликдир

Воил Анзий

17 октябр куни «Эй Найнаво биз келмоқдамиз» номли жанг бошланганлиги эълон қилинди. Шу куни бош вазир ўринбосари ва қуролли кучлар қўмондони Ҳайдар Ибодий Мосулни «Исломий Давлат»дан қайтариб олиш жанги бошлангани ҳақида айтди. Аммо Мосулда бугун ҳам уруш тўхтагани йўқ. «Исломий Давлат» катта куч ва қонхўрлик билан кўча жангини олиб бормоқда. Бунда у бомба боғланган ғилдираклар, контейнерлар ва снайперлардан фойдаланяпти. Шунингдек Ироқ қуролли кучларини тўхтатиш учун тинч аҳолидан қалқон сифатида фойдаланяпти.

Жанг шиддатли ва қақшатқич бўлишига қарамай, Ироқ қуролли кучлари Мосулнинг чап қирғоғида сезиларли муваффақиятга эришди. Чунки террорга қарши кураш қўмондони Абдулғани Асадий: «Ҳарбий амалиётларнинг биринчи босқичида Мосулнинг чап қирғоғидаги 28та маҳалла қайтариб олинди», деб баёнот берди. Ҳурра канали Ироқнинг «Найна» ахборот агентлигига таяниб ушбу хабарни тарқатди.

Асадий яна амалиётлар режага мувофиқ кетаётгани ҳамда амалиётлар Ироқ ҳаво кучлари ва халқаро коалиция учоқлари ёрдамида бўлаётгани ҳақида айтди.

Асадий яна террорга қарши кураш қўшини «исломий давлат» ҳаракатлари ҳақида батафсил маълумотга эга экани ҳамда аҳоли «Исломий Давлат» унсурлари турган жойлар ва миналаштирилган маконлар ҳақида маълумот бериш орқали қўшинга ёрдам бераётгани ҳақида айтди.

Шунингдек қўшиннинг айрим қисмлари тинч аҳолини сақлаб қолиш учун ҳаракат қилаётганини айтди.

Коалиция кучлари қўмондони, Америкалик генерал лейтенант Стивен Таунсенд катта ҳарбий қўмондонлар билан учрашув чоғида, Шарл Де Голл номли Франция учоқ ташувчиси бортида туриб, Рейтер ахборот агентлигига шундай деб баёнот берди: «Мен ишонаманки улар Мосул жангига бир неча ҳафталар ичида якун ясашади… кўпи билан икки ойга чўзилиши мумкин».

Таунсенд Мосулдаги ғалаба «Исломий Давлат»га якун ясамаслиги ҳақида гапирар экан шундай деб қўшимча қилди: «Ўйлайманки Мосул амалиёти тугаши билан биз қилишимиз керак бўлган муҳим иш якун топмайди. Чунки биз ҳали Ироқдаги ишларимизни бажариб бўлганимиз йўқ. Қаршимизда Фурот дарёси водийсининг учдан биридан тортиб, Сурия чегараларигача бўлган масофани тозалаш амалиёти турибди. (Ҳурра газетаси 2016 йил 7 декабр).

Генерал лейтенант бу гаплари билан жанг қақшатқич ва шиддатли бўлиши ва Мосул жанги тугаши билан «Исломий Давлат» якун топмаслигига иқрор бўлди. Шунингдек жанг хоҳ «Исломий Давлат» даражасида бўлсин, хоҳ хавфсизлик кучлари, қабилалар, шиалар ва Пешмерга кучларидан иборат Ироқ қўшини бўлсин барчани ўз ичига оладиган даҳшатли жанг бўлишига иқрор бўлди.

Америка мудофаа вазири Эштон Картер жанг шиддатли бўлишини таъкидлаб шундай деди: «Мосулни тозалаш жанги Дональд Трамп 20 январ расман президент бўлишидан олдин тугаши мумкин.

Рейтер ахборот агентлиги ёзишича Картер ҳарбий учоқда туриб, Мосулни «Исломий Давлат»дан қайтариб олиш қийин бўлиши, урф одатга алоқадор муаммолар Ироқ қўшинининг илдамлашини тўсаётгани, айниқса ҳаводан қўллаб-қувватлаш бўлмаётганини инкор қилмади. Шунингдек : «Қўшин бу ерда ҳар қандай эҳтимолга тайёр туриши» ҳақида айтди. Ҳурра газетаси 2016 йил 5 октябр.

Америка вазири Калифорнияда берган баёнотида Америка қўшинларининг бир қисми 17 октябрда бошланган Мосул жангига якун ясалгандан кейин ҳам Ироқда қолиши ва Ироқ хавфсизлик идораси вакилларини машқ қилдириши ҳамда бошқа соҳаларда унга ёрдам бериши ҳақида айтди.

Яна Мосулга бўлган ҳужумда Ироқ қўшинлари, курд қўшинлари ва шиалардан иборат 100 минг аскар қатнашиши ҳамда Америка етакчилик қилаётган иттифоқчи давлатлар ҳаво ва қуруқликдан қўллаб-қувватлаб туриши ҳақида айтди.

Ушбу ҳодисалар туфайли пайдо бўлган ташвиқотлардан тақсимлаш ҳақидаги гап сўзлар келиб чиқди. Курдистон Пешмерга қуролли кучлари масъул ҳодими бўлмиш Ориф Тайфур Мосул шаҳрини озод қилиш пайтида қўлга киритган минтақалардан ҳеч қачон чиқиб кетмаслиги ҳақида айтган.

Курд етакчилиги яна Пешмерга қуролли кучлари минтақани озод қилишда қон тўкиб жанг қилди, шунинг учун бу ерларни Боғдодга бериб юбориш нияти йўқ, деб қўшимча қилди.

Ориф Тайфур баҳсли минтақалар муаммосини марказий ҳукумат билан тинч йўллар орқали ечишни ният қилаётгани ҳақида таржимон орқали шундай деди: «Биз билан Ироқ ўртасидаги ишлар урушгача етиб бормаслигига умид қиламан, чунки иккала тараф ҳам ҳолдан тойган». Ҳурра 2016 йил 5 декабр.

Бу гаплар Найнаво муҳофазасининг собиқ губернатори Асил Нажфийга қаттиқ таъсир қилиб, шундай деди: «Бу жангни ҳикмат билан бошқарилмаса ҳамда шу йили арабларга бошқарув ҳуқуқи берилмаса Ироқ парчаланиб кетиши ҳақида катта хавф мавжуд». Арабийя 2016 йил октябр.

Ориф Тайфур ва унинг ортидан Асил Нажфийлар берган баёнотлардан кўриниб турибдики, Мосул жангидан сўнг Ироқни учга бўлиб юбориш ҳақида ташвиқотлар бошланади.

Америка Ироққа мадад кучларини жалб қилишга ҳаракат қилаётганининг сабаби Ироқни тақсимлаб юборишдир. Шунингдек бу урушдан барча кучлар зарар кўрган ҳолда чиқиши яъни сиёсий соҳада ҳам, одам йўқотиш борасида ҳам зарар кўрган ҳолда чиқишини хоҳлайди. Бошқача айтганда ёш ва ғайратга тўла ёшларнинг ўлими орқали инсоний кучни йўқотса, парчаланиб кетиши оқибатида сиёсий кучини йўқотади.

Бу кучлар Америка бошчилигидаги босқинчи Ғарб давлатларидан алоқани узишса ва Аллоҳнинг арқонини маҳкам тутишсагина бу парчаланишдан қутиладилар. Шунингдек улар қачон Аллоҳнинг шариатини маҳкам тутсалар ва динига ёрдам берсалар нажот топадилар.

Роя газетасидан олинди