Мусулмон ўзини бир тешикдан икки марта чақтирмайди
Мусулмон ўзини бир тешикдан икки марта чақтирмайди
بِسْمِ اللهِ الرَّحْمٰنِ الرَّحِيم
Адабиёт дарсликларида ёлғончи чўпон ҳақида бир ҳикоя бўлар эди. Унинг қисқача мазмуни шуки, чўпон уйимга олов кетди, деб ёлғондан жар солади. Бу чақириқни эшитган халқ ёрдамга келади. Аммо келиб кўрса ҳеч қандай олов йўқ. Орадан бироз вақт ўтиб, ҳақиқатдан чўпонни уйига ўт кетади, аммо бу сафар халқ чўпоннинг нолаларига қулоқ солмайди. Яъни бир ковакдан илонга чақилган инсон, иккинчи марта чақилмайди қабилида иш тутадилар.
Ушбу қиссадан олинадиган хулоса сифатида айтадиганимиз, бугунги уммат етмиш йил социализмни сохта шиори бўлган коммунизм қуриш иштиёқида умрини зое кетказди. Шу йўлда жонларини, молларини сарф этдилар. Натижа эса, аввало худо йўқ, инсон ўз тақдирини ўзи белгилайди, меҳнат инсонни улуғлайди, бизнинг аждодларимиз маймунлар эди, меҳнат натижасида онгимиз ўсди, мукаммал инсон бўлдик, деб ўзини ишонтирди. Оқибатда, тоза Ислом фитратида туғилган аксари мусулмон оилаларда туғилган инсон фарзанди иймонсиз кетди. Бунданда ачинарли ҳолат бўлмаса керак.
Бу сизу бизнинг оталаримиз яшаб ўтган яқин тарих эди. Энди бугунги уммат воқелигига назар ташласак, ғарб ўзининг демократик шиорлари остида капитализм дунёқарашини яшин тезлигида Ислом юртларига олиб кирмоқда. Бу дунёқараш социализмдан ақидаси жиҳатидан фарқ қилса-да, Исломдан мутлақ йироқ бўлган ақидадир. Яъни социализм динни мутлақ инкор этган бўлса, демократия динни зимдан эътироф этса-да, уни ҳаёт майдонидан қувишга бор куч-қуввати билан курашиб, дин аҳкомларини ер юзидан супуриб ташлашга интилади. Унга эргашган, эътиқод қилган уммат фарзандлари эса, бу дунё хорликлари билан кифояланмасдан, охират диёридаги абадий бахтсизликка грифтор бўладилар.
Хулоса ўрнида айтамизки, бундай ёвуз манҳаждан юз ўгириб, дунё ва охират хурсандчилигига етакловчи, аждодларингиз ўзларига нажот йўли, деб эътиқод қилган муқаддас динингиз Исломга қайтиш фурсатингизни қўлдан бой берманг. Шундагина ўзингиз учун ҳам, сиздан кейинги авлодларингиз учун ҳам ибратли ҳаёт йўлини мерос қолдирасиз.
Ҳизб ут-Таҳрирнинг Ўзбекистондаги медиа офиси. Зайниддин
18.05.2020й
