بِسْمِ اللهِ الرَّحْمٰنِ الرَّحِيم

Ақл ва Ҳаёт

39

Ҳаётни тартиблаштириш, инсонлар яшаш тарзини шакллантириш ҳақида фикр юритилар экан, демократия ҳақида ҳам тўхталиб ўтиш лозим. Ҳатто демократия ҳақида ҳар бир мусулмон билиши керак. Чунки унинг нималигини билмай туриб, Ислом билан қориштиришга ҳаракат қилмаслик шарт. Шунингдек, бугунги кунда мусулмонлар яшайдиган жамиятлар тўқнаш келаётган фикрларнинг кўпчилиги айнан демократия билан боғлиқ экан, демак, у тўғрисида ўрганиб, унинг нима эканлигини билиб олиш мажбурияти вужудга келади.

Аввало, баъзи инсонларни алдаган нарса, демократия диктаторлик бошқарувининг олдида нажот сифатида кўринади. Лекин ҳаёт учун йўл сифатида танланар экан, уни чуқур ўрганиш керак, диктатурадан яхшироқ кўринишлиги бу йўлни тўғри эканлигини англатмайди. Тўғри ёки нотўғри эканлигини билиш учун эса, уни қандай йўналтирилиши ва ташкил этган таркибини билиш лозим. ‘’Демократия бу халқ ҳокимиятчилиги’’, дейилса ёки ‘’Демос-халқ, кратия-ҳукмронлик’’, дейилиши билан уни тўлиқ ўрганилди, деб айтиш тўғри бўлмайди.

Бугунги кунда татбиқ қилинаётган демократия тўлиғича капиталистик мабдани ёйиш учун қўлланилади. Демократия дея номланган лойиҳа халқнинг розилиги олинаётганини ва ҳукуматнинг халққа бўйсунишини ифодалаш учун қўлланилади. Аслида эса, ҳолат умуман бошқача. Чунки ҳатто демократиянинг ўчоғи бўлган давлатларда ҳам парламент кўринмас кучлар, яъни капиталистик ташкилотлар ёки айнан капиталистлар томонидан бошқарилади. Яъни қандайдир қонун чиқаришни таклиф қилаётган ёки қайсидир қонун қабул қилиниши учун розилигини билдирувчи тугмачани босаётган парламент аъзоси қайсидир капиталистнинг манфаатини ҳимоя қилаётган бўлади. Умуман олганда, парламентда ўтириши капиталист манфаатига хизмат қилади, халқнинг эмас. Чунки сайловларда ғолиб чиқиш учун катта маблағ сарф этилади, бундан кўринадики, сайловларда ўз номзодини қўйиш учун капиталистлар томонидан моддий таъминланиши керак ёки ўзи капиталист бўлиши керак. Сарфланадиган маблағларга капиталист бўлмаган одамларнинг имконияти етмайди. Демак, ўзи капиталист бўлмаганлар капиталист ҳомий орқали сайловда иштирок этади ва ғолиб бўлгач эса, шу ҳомийнинг манфаатига хизмат қилади. Шунинг учун, айта оламизки, ғарб олами оддий халқ томонидан эмас, капиталистлар томонидан бошқарилади.

Ҳизб ут-Таҳрирнинг Ўзбекистондаги медиа офиси. Абдуллоҳ

01.04.2019й.