Мусулмонларга нусрат-ёрдам бериш учун наҳотки душмандан рухсат олиш керак бўлса?!
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Мусулмонларга нусрат-ёрдам бериш учун наҳотки душмандан рухсат олиш керак бўлса?!
2017 йил 7 апрел жума куни «Қатар» ахборот агентлиги қуйидаги хабарни тарқатди:
«Туркия президенти Ражаб Тоййиб Эрдўған ўзининг мамлакати Сурия масаласи билан боғлиқ зиммасига юкланган барча вазифаларни бажаришга тайёр эканини билдирди. Турк «Онадўли» агентлиги хабарига кўра, Эрдўғаннинг бу баёноти АҚШ раҳбари Дональд Трамп баёнотларига изоҳ сифатида янгради. Ўшанда Трамп Хон Шихундаги кимёвий ҳужум ортидан Сурия президенти Башар Асадга қарши эҳтимолли чоралар кўрилиши ҳақида гапирган эди». Эрдўған қўшимча қилиб бундай деди: «Булар қуруқ баёнот бўлиб қолмаслиги керак, чунки Сурияда бирор амалий чоралар қабул қилинадиган бўлса, Туркия ўз зиммасидаги барча керакли ишларни адо этишга тайёр». Эрдўғаннинг таъкидлашича, унинг мамлакати Суриядаги сўнгги ўзгаришлар билан боғлиқ зиммасига тушадиган барча мажбуриятлардан асло чекинмайди. Бунда «Идлиб яқинидаги Хон Шихундаги кимёвий ҳужумни ким қилган бўлишининг фарқи йўқ». Сўнг у «Бу ҳеч қандай ҳолатда оқлаб бўлмас ҳужум» эканини таъкидлади. Эрдўған айни ҳужум оқибатларини муҳокама қилиш учун барча халқаро коалиция кучлари, хусусан, Қўшма Штатларни учрашувлар ўтказишга чақирди. Сурия инсон ҳуқуқларини кузатиш маркази ҳисоботига кўра, Хон Шихунда содир этилган кимёвий ҳужумда 86 нафар фуқаро ҳаётдан кўз юмган, улардан ўттиз нафари болалар, 20 нафари аёллардир».
Роя газетаси шарҳи:
Иккинчи Ҳама содир этилишига асло йўл қўмаймиз, деган мана шу Эрдўған эди. Мана, шу пайтгача Суриянинг у чекасидан бу чекасига қадар кўплаб ҳамалар содир этилди… Ҳалабга нусрат-ёрдам беришга чақирган ҳам шу кимса эди, кейин у Ҳалабдан ўзига қарашли гуруҳларни олиб чиқиб кетиши тўғрисида АҚШ билан тил бириктирди, Ҳалабни Башар Асадга қайта хунрезликларини давом эттириши учун топширди… Бугун эса, бу Ислом тўнини кийиб олган илмоний, ўз одатига кўра, Хон Шихун қотилидан «қасос олиш» учун америкалик хўжайинлари буйруғини кутиб ўтирибди. Эрдўған Сурия аҳлига ёрдам бериш ниятида ростгўй бўлганда бу қўзғолонни йўқ қилиш учун тил бириктирармиди?! Хон Шихун қотилидан «қасос олиш» ниятида ростгўй бўлганда Америка ва халқаро салибчи коалициясининг изн беришини кутиб ўтирармиди?! Ёки Аллоҳ Субҳанаҳу ва Таолонинг ушбу
وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ
»Агар улар дин йўлида сизлардан ёрдам сўрасалар, ёрдам қилиш зиммангиздадир« [Анфол 72]
деган каломини қабул қилган ҳолда, ёрдамга шошилармиди?!
Роя газетасининг 2017 йил 19 апрел чоршанба кунги 126-сонидан
