بِسْمِ اللهِ الرَّحْمٰنِ الرَّحِيم

Роя газетаси:

Халқаро қарорларга итоат қилиш Ғарб давлатлари ва уларнинг сиёсатларига итоат қилишдир

Жайшул Ислом: Сурия режимини ағдаришга оид бирорта халқаро қарор мавжуд эмас

Жайшул Ислом матбуот воизи Ислом Аллуш «Дамашққа кириш учун катта миқдордаги қурол, ҳарбий асбоб-ускуналар ва аскарлар зарур», деди ҳамда «ҳозирда Сурия режимини ағдаришга оид бирорта халқаро қарор мавжуд эмас»лигидан афсусдалигини билдирди.

У «Арабий Жадид» билан суҳбатда бундай деди: «Мен бу масалани икки нуқтадан туриб изоҳлайман: биринчи, жанговар нуқта: чунки Дамашққа кириш учун катта миқдордаги қурол, ҳарбий асбоб-ускуналар ва аскарлар зарур. Бу Суриядаги бошқа минтақаларни озод қилишга ўхшамайди. Бунинг сабаби, айни минтақада Асад режими ва унинг иттифоқчилари сони жуда катта. Режим пойтахт шарқидаги жангчиларнинг – хоҳ тайёргарлик жиҳатидан, хоҳ жанговар таълимот жиҳатидан бўлсин – имкониятларидан ғафлатда эмас. Шунинг учун у ҳамма саъй-ҳаракатини шу минтақага қаратди ва у ердаги ҳозирги қамални ўрнатиш йўлида кўп кучини йўқотди». Яна бундай деди: «Иккинчиси, сиёсий минтақа. Шубҳасиз, Дамашқ режим учун сиёсий, ҳарбий ва ижтимоий пойтахт ҳисобланади, Дамашқнинг қулаши, режимнинг шу даражада қулашини англатади. Афсуски, ҳозирда бу режимни ағдаришга оид ҳеч қандай қарор мавжуд эмас ва бу халқаро ҳамжамиятнинг сиёсий йўлакларида ҳам, сирли йўлакларида ҳам яққол кўриниб турибди». (Арабийюл Жадид).

Роя газетасининг 2016 йил 27 июл чоршанба кунги 88-сонидан

0

0