بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Обама ўз президентлигини Шом қўзғолонига қарши урушда ўзига хизмат қилганлар юзига тарсаки тортиш билан тамомламоқда

Хизмат муддати тугаётган АҚШ президенти Барак Обама Россия, Эрон ва бошқа яна учта давлат хусусида ҳамда Ҳизбуллоҳ каби баъзи ташкилотлар хусусида АҚШнинг миллий фавқулодда ҳолати муддатини узайтириш тўғрисида қарор чиқарди. У айни қарорни «Оқ уй»ни янги президент Дональд Трампга топширишдан олдин чиқарди. Маълумки, Трамп жорий ойнинг йигирманчисида АҚШ конгрессида қасамёд қилади.

Обама жума куни оқшомда конгрессга мактуб юбориб, Эрон, Куба, Ливия, Зимбабве, Венесуэла хусусида ҳамда Украинага раҳна солган давлат (Россия) хусусида фавқулодда ҳолат муддатини узайтиришни маълум қилди.

Миллий фавқулодда ҳолат муддатини узайтириш Эрон ва бешта давлатга қарши санкциялар муддатини яна бир йил давом этишини тақозо қилади. Теҳронга нисбатан қарор 1995 йил ўша пайтдаги президент Билл Клинтон томонидан кучга қиритилган эди.

АҚШ президенти конгрессга топширган мактубида Ўрта Шарқдаги «террористик» жамоаларнинг, шу жумладан, Ливандаги Ҳизбуллоҳнинг ва яна 12та ташкилотнинг маблағларига қарши чора-тадбирлар муддатини узайтиришга буйруқ берган.

«Оқ уй»нинг билдиришича, президент Обама ўз мактубида олтита йирик давлатлар билан Эрон ўртасида имзоланган ядровий битимга ишора қилиб, конгрессга мана бундай мурожаат қилган: «Халқаро Атом энергияси агентлигининг 2016 йил 16 январдаги қарорига мувофиқ, Америка Қўшма Штатлари Эронга қарши санкциясини бекор қилди, қарорда Эроннинг ядровий битим талабларига мувофиқ ўз бурчларини бажаргани таъкидланган».

Кейин Обама «Бир вақтнинг ўзида, гарчи биз Эроннинг ядровий битимдаги ўз бурчларини бажарганини эътиборга олган ҳолда, унинг ядровий дастурига қарши қўйилган санкцияни бекор қилган бўлсак-да, бироқ ядровий лойиҳага алоқаси йўқ бўлган бошқа бир нечта санкцияларни ўз кучида қолдирдик», дея қўшимча қилди.

Шундай бўлса-да, Обама қуйидагиларни таъкидлади: «Эроннинг минтақадаги айрим хатти-ҳаракат ва сиёсатлари Вашингтон манфаатларига зид келмоқда. Бу эса Қўшма Штатларнинг миллий хавфсизлиги, ташқи сиёсати ва иқтисодига ғайриоддий фавқулодда таҳдид ҳисобланади. Шу боис мен фавқулодда ҳолат муддатини узайтиришга ҳамда Эрон таҳдидларига қарши кенгқамровли санкцияларни давом эттиришга қарор қилдим».

Айтишларича, 1977 йил октябрда кучга кирган АҚШнинг миллий фавқулодда ҳолати унинг президентига «манбаи буткул ёки қисман АҚШ ташқарисида бўлган ҳар қандай ғайриоддий фавқулодда таҳдидни» аниқлаш, керакли санкцияларни бериш, масалан, савдо муомалаларни тақиқлаш, маблағ ва мол-мулкларини музлатиш каби ҳуқуқларни беради. (Арабия.нет).

Роя газетасининг 2016 йил 18 январ чоршанба кунги 113-сонидан