بسم الله الرحمن الرحيم

Биз мусулмонлар учун мустақиллик қандай маънони англатади?

Ўзбекистонда 1 сентябр мустақиллик куни қилиб белгиланган ва 1991 йилдан бери ҳар доим ушбу сана тантанали равишда нишонлаб келинади. Бу мустақилликка собиқ Совет давлати қулатилгани натижасида эришилган эди. Бироқ Ўзбекистон мана 33 йилдирки, на ички сиёсатда ва на ташқи сиёсатда ўз мустақил қарорига тўлиқ эга чиққан давлат бўлолгани йўқ. Чунки қачонки давлат ички сиёсатини ҳам, ташқи сиёсатини ҳам ҳеч қандай ташқи таъсирларсиз ўзи белгиласа – ана шунда ҳақиқий мустақил ҳисобланади. Ўзбек ҳукумати эса асосан Россиянинг таъсиридаги давлат бўлиб келмоқда. Шунинг учун Ўзбекистонни мустамлака давлат десак тўғрироқ бўлади. Бу гарчи айрим сиёсий доираларга ёқмаса-да, лекин тан олиниши керак бўлган аччиқ ҳақиқатдир.

Аслида “истиқлол”, “мустақиллик” тушунча ва атамалари бутун Ислом оламини ўзида мужассам этган Халифалик давлати қулатилишидан бироз олдин пайдо бўлган. Буни Ислом давлатини, яъни Усмоний Халифаликни парчалаб заифлаштириш ва охир-оқибат унга ҳал қилувчи сўнгги зарбани бериш учун Англия ва Францияга ўхшаш мустамлакачилар ўйлаб топган эди. Ва оқибатда шундай ҳам бўлди – Миср диёри, Араб ярим ороли каби қайноқ Исломий юртлар айрим малайлар қўли билан мустамлакачилар томонидан Усмоний Халифалик таркибидан “мустақил давлат” номи остида юлиб олинди. Сўнгра Иккинчи Жаҳон урушидан кейин айни шу ўйин услубини Америка Англия, Франция ва Россиянинг ўзига қарши қўллади ва кўплаб минтақаларда мустақиллик ҳаракатларини юзага келтирди. Тушуниб олиш учун Англия қўл остида бўлган Ҳиндистон таркибидан Покистоннинг мустақил давлат сифатида ажраб чиқишини келтиришимизнинг ўзи кифоя ва ҳоказо. Ва бу кураш услуби ҳозиргача давом этиб келмоқда…

Агар ушбу атама мазмун-моҳиятидан келиб чиқадиган бўлсак, дунёда мустақил давлатлар бор, мисол учун Европанинг Италия ва Испания каби  айрим давлатлари. Албатта, биз ҳам юртимизнинг – шу маънода бўлса-да –  ҳақиқий мустақил бўлишини хоҳлаймиз. Бироқ таъкидлаш лозимки, мустамлакачи кофир давлатлар бунга йўл бермайдилар. Чунки тарихдан маълумки, бизнинг юртлар Ислом давлати таркибида бўлган ва унда асосан мусулмонлар истиқомат қилиб келишган. Энди яна мусулмон юртларини ўз ҳолига ташлаб қўйилса, улар Ислом ақидаси асосида бирлашиб, дунёда энг кучли давлатга айланадиган Халифаликни тиклашлари аниқ. Кофир давлатлар эса бундан жуда-жуда қўрқишади ва эслаганларининг ўзидаёқ капалаги учиб кетади. Шунинг учун ҳам мусулмон юртларини доимий қарамликда ушлаб туришга ҳаракат қилишади. Демак, бугунги кунда, айниқса Исломий юртлар устидаги мустақиллик деган атамалар мустамлакачиликнинг янгича кўринишидан бошқа нарса эмас. Тарихда кофирлар мусулмон юртларини тўғридан-тўғри босиб олиб бевосита бошқарган бўлсалар, ҳозирда эса билвосита, яъни мусулмонлар орасидан малай ҳокимларни чиқариб, улар орқали бошқармоқдалар. Бундан ташқари, Ислом юртлари табиий бойликларга бой минтақалар ҳисобланади. Бу бойликларга эга чиқиш учун ҳам бу юртларни мустамлака қилиб туришдан бошқа илож йўқ. Юртимиз мусулмонлари агар шу ҳолатга рози бўлиб яшасалар, яна 100 йил ўтса ҳам бу сохта мустақилликдан қутулолмайдилар. Бундан ҳам аянчлиси, кофирларга қарам бўлиб, уларнинг тузум ва қонунлари устиларига татбиқ қилинаётганига рози бўлиб яшаётганлари учун Аллоҳнинг олдида гуноҳкор бўладилар. Мусулмонлар бундай паст ва қарамлик ҳаётига рози бўлиб яшашлари асло жоиз эмас. Зеро, Аллоҳ таоло айтади:

وَلَن يَجۡعَلَ ٱللَّهُ لِلۡكَٰفِرِينَ عَلَى ٱلۡمُؤۡمِنِينَ سَبِيلًا

– “Аллоҳ ҳаргиз кофирларга мўминлар устидан йўл бермас”.      (Нисо:141)

Бу оятда Аллоҳ бизни кофирларга қарам бўлишдан қайтармоқда. Шуни билиш лозимки, ғайриисломий қонунлар билан яшаш ҳам аслида ўшаларга қарамликдир. Аллоҳ бизни ҳар қандай ёт унсурлар таъсиридан ҳур бўлиб, ёлғиз Аллоҳгагина қул бўлиш ва Ўзининг қонунларига амал қилиб яшашга буюрмоқда. Акс ҳолда биз Аллоҳнинг шариатини татбиқ қилолмаймиз. Аллоҳ таоло дейди:

فَلَا وَرَبِّكَ لَا يُؤۡمِنُونَ حَتَّىٰ يُحَكِّمُوكَ فِيمَا شَجَرَ بَيۡنَهُمۡ ثُمَّ لَا يَجِدُواْ فِيٓ أَنفُسِهِمۡ حَرَجٗا مِّمَّا قَضَيۡتَ وَيُسَلِّمُواْ تَسۡلِيمٗا

– “Йўқ, Роббингга қасамки, сени ўз ораларида чиққан келишмовчиликларга ҳакам қилмагунларича, кейин чиқарган ҳукмингга дилларида танглик топмасдан, бутунлай таслим бўлмагунларича, зинҳор мўмин бўла олмаслар!”  (Нисо:65)

Бу оятдан Аллоҳ таоло биз мусулмонларга ҳаётимизда Исломни тўлиқ татбиқ қилишимизга буюраётгани аён бўлмоқда. Исломнинг тўлиқ татбиқи эса, фақат Халифалик давлати билангина амалга ошади.

Азиз биродарлар, фикрлаб кўрингларчи, биз мусулмонлар учун мустамлакачи кофирларнинг тузумини татбиқ қилувчи ва уларга қарам бўлган бугунги “мустақил” давлатчалар афзалми ёки икки дунё саодатининг кафолати бўлмиш Ислом қонунларини татбиқ қилувчи чин маънодаги буюк Халифалик давлатими? Аллоҳ таоло деди:

أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ

– “Яхши нарсани паст нарсага алмаштиришни истайсизларми?” (Бақара:61)

Ҳизб ут-Таҳрир Ўзбекистон матбуот бўлими аъзоси Салоҳиддин

28.08.2024й