بِسْمِ اللهِ الرَّحْمنِ الرَّحِيمِ

Нима учун бизларни Исломдан адаштирмоқчилар?

Дунё хаётига назар соладиган бўлсак инсоният яралибдики иймон билан куфр душманликда, бу холат қиёматгача давом этади.

وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ

“Сиздан яҳудийлар ҳам, насронийлар ҳам уларнинг миллатига(динига) эргашмагунингизгача асло рози бўлмаслар. “Албатта, Аллоҳнинг ҳидояти ҳақиқий ҳидоятдир” – деб айтинг. Агар сизга келган илмдан кейин ҳам, уларнинг ҳавои нафсларига эргашсангиз, сизни Аллоҳдан (қутқарувчи) дўст ҳам, ёрдамчи ҳам йўқдир.”        (Бақара. 120)

Исломни бизларга Аллоҳ то қиёматгача ечим берадиган дин қилиб берди.

 الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً

“Бугун Мен сизларнинг динингизни мукаммал қилиб бердим. Сизга неъматимни батамом қилдим. Ва сизларга Исломни дин деб рози бўлдим” (Моида. 3)

Аллоҳ ўз хукмларини инсониятга айнан мана шу хукмлар асосида яшаш учун туширган. Охирги туширган шаръий хукмлари, яъни Исломий қонунлар туширилгач, аввалги Илохий хукмлар бекор бўлди ва Исломий яшаш барча инсонлар учун Аллоҳ томонидан буюрилди.

لَا يَأْتِيهِ الْبَاطِلُ مِن بَيْنِ يَدَيْهِ وَلَا مِنْ خَلْفِهِ تَنزِيلٌ مِّنْ حَكِيمٍ حَمِيد

“Унинг олдидан ҳам, ортидан ҳам ботил келмас. У ўта ҳикматли ва ўта мақталган зотнинг нозил қилганидир.”                                             (Фуссилат. 42)

Охирги Пайғамбар Муҳаммад соллаллоҳу алайҳи васаллам томонидан Аллоҳнинг хукмлари жорий қилинди ва шу хукмлар асосида бошқариладиган Исломий давлат қурилди.  

Бу давлат барпо бўлган ва дунёни бошқарган, бугунга келиб эса, зеҳнларда асари ҳам қолмади, хатто тарих китобларида Исломий давлат деган, ном билан эмас, Араблар истилоси номи билан ўқитилди. Нега шундай? Нима учун биз хозирги вақтда Исломдан ташқари бўлган ақидалар асосига қурилган давлатларда яшаяпмиз? Хозирги вақтдаги муаммоларга Ислом ечим бера олмай қолдими? Биз яна Пайғамбар ёки Илоҳий китоб, Дин тушишини кутаяпмизми?

وَهَدَيْنَاهُ النَّجْدَيْنِ

“Ва Биз уни икки: (яхши ва ёмон) йўлга йўналтириб қўйдик.” (Балад. 10)

Биламизки, Ислом тузуми Аллоҳ Таъолонинг хукмлари асосида, яъни Илоҳий хукмларга таянган холда юритилади. Аллоҳ Таъоло инсонларларда бўладиган ожизлик, нуқсон ва бирор нарсага мухтожликдан холи Зотдир. Ақл бобида ҳам чекланмаган Илмга эга ва инсонларни Ўзи яратгани учун, хатто инсонларни ўзидан ҳам яхшироқ билгувчи Зотдир. Аллоҳ хато қилмайди, адашмайди ва берган ваъдасини бузмайди. Аллоҳнинг Пайғамбари ҳам Аллоҳ буюргандек хаёт кечирди ва умматларига Аллоҳнинг розилигига эришиш, бу дунё ва Охират хаётида бахтли бўлишлари учун энг тўғри йўлни кўрсатиб берди.

Унда нима учун инсонлар тузиб берган қонунлар бўйича яшаяпмиз?

Сиз ўзингиз яшаётган тузум бўйича ўз хуқуқларингизни биласизми? Агар билсангиз талаб қила олишингизга аниқ ишонасизми? Талаб қилганингиздан кейин, сизга нисбатан хато қарашлар ёки сизнинг зиёнингизга харакатлар, зўравонлик, қўрқитув, камситиш, тазйиқлар бўлмаслигини кафолатлай оласизми?

Бу саволларга жавобни ўзингиз биласиз, устингиздаги тузумнинг халққа нисбатан, юқоридан туриб, ўзларини баланд, халқни эса паст назарда қарашларига ҳам кўп гувоҳ бўлгансиз. Оддий инсоний хаққингизни ҳам талаб қила олмаслигингизни тушунасиз, чунки сизга зиён бўлишидан қўрқасиз.

Сиз хатто ўз тузумингиз хақида тўлиқ тушунчага эга эмассиз. Чунки сиз яшаётган мухитдаги таълим берувчилар, сиёсатчилар бу тузум хақида сизга тушунтириш учун етарли билимга эга эмас, ёки билганлари жорий этилаётган воқеликка, жараёнга мос келмайди.  

АҚШ ва Ғарб давлатлари халқлари ўз тузумини тушунадилар ва шу бўйича яшайдилар, нима учун бизларга бу тузум тушунтирилмайди? Чунки уларнинг тузуми Исломга зид бўлган ақида асосига тузилган. Мусулмон Исломий ақида асосида яшаши керак, шунинг учун бизларнинг халқлар бу давлатлар тузумини асосини билишлари учун етарли маълумот берилмайди ва яширилади. Ўзимизнинг Ислом дини асосига тузилган тузум давлатларимизни бошқариш учун бизларга маъқул бўладиган тузум хисобланади, лекин буни ҳам бизларга маълум қилинмайди, билиб қолишимиздан юқоридаги давлатлар қўрқади. Биз тушунмаган тузум бизларга зулм билан татбиқ қилиниб, шу тузум бўйича яшашга мажбур қилинмоқдамиз.

Чунки бу тузум, мусулмонлар учун яшаш харом бўлган тузум бўлиб, бизларни алдаб ўз ичимиздан мунофиқларни сотиб олишиб, Аллоҳнинг хукмларини ўзгартириб умматга татбиқ қилишмоқда. Уларнинг тузуми яроқсиз бўлишига қарамай, Ислом тузумидан устун билишиб, шу тўғрисидаги тушунчаларини бизларга сингдирмоқдалар.  

Баъзи мусулмонлар ҳам бу алдовларга ишониб ёки сотилиб уларга қўшилиб, хатто куфр тузумини уммат устида татбиқи учун ёрдам бермоқдалар. Айниқса, мусулмон уммати ўзи учун етакчи билган, олим деб хисоблайдиган инсонларнинг бу хатолари умматнинг равнақи учун қимматга тушаяпти.

Хар бир мусулмондан Аллоҳнинг хукмлари тўғрисида ақл юргизиши, фикрлаши лозимлиги хақида кўрсатмалар берилган бўлиб, хозирги кунда биз асли қандай яшамоғимиз лозим? Мусулмонларни куфр тузумида яшаши тўғримикан? – дея ўзимизга савол беришимиз керак!!!

Ҳизб ут-Таҳрирнинг Ўзбекистондаги медиа офиси Абдуллоҳ

02.03.2014й.