بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Обама: Ҳалаб қамали ўрта асрларни эслатмоқда

Ўтган пайшанба АҚШ президенти Барак Обама Сурия режими ва иттифоқчиларининг Ҳалабга қўйган қамалини ўрта асрлардаги шаҳарларни қамал қилишга ўхшатди ҳамда Россияни Асад билан ҳамкорликда амалиётлар олиб бораётганликда айблади.

Пентагонда берган матбуот конференциясида Обама Сурия режими ва иттифоқчиларини ҳужумларни тўхтатиш келишувини бузганликда, Ҳалабдаги фуқароларни оч қўйишда айблади.

Қуролсиз оддий халққа очиқдан-очиқ ҳужумлар қилиш ва очликдан азоб чекаётган оилаларга озиқ-овқат етказиб берилишига тўсқинлик қилиш «Сурия режими пасткашлигини акс этган ва дунё томонидан қораланишга ҳақли бўлган манфур иш», деди.

Россияни Ҳалабда Сурия режими билан ҳамкорлик қилаётганликда айблар экан, Москванинг зўравонликка чек қўйиш масаласига риоя қилишига шубҳаланишини билдирди. Ўтган ҳафталар мобайнида Россиянинг айни қилмишларга қўл уриши унинг вазиятни жарлик ёқасига олиб келмаслик масаласига риоя қилишини савол остига қўймоқда, деди.

АҚШ президенти Россиянинг керакли қадамларни ташлашда муваффақиятсизликка учради, деб ҳисоблар экан, «Москванинг айни мақсадни амалга оширишга жиддий ҳаракат қилиши вақти етди», деди. Бироқ у Россия билан бирга зўравонликни камайтиришга уринишда ҳамкорлик қилишга тайёрлигини билдириб, «Биз Сурияда «Исломий Давлат» ва ал-Қоида ташкилотларига қарши саъй-ҳаракатларимизни бирлаштирамиз», деди. (ал-Жазира нет).

Роя газетаси шарҳи:

АҚШ сиёсатчилари, айниқса, президент Обама ҳамон ёлғон гапирмоқда. Улар гўё АҚШни Россия, Асад ва унинг жиноятчи гуруҳи, Эрон ва унинг ҳизбининг жиноятларига қарши қилиб тасвирлайдилар. Ваҳоланки, ҳақиқат унчалик сир бўлмай қолган. Ҳақиқат шуки, АҚШ нафақат уларнинг жиноятларига шерик, балки шу жиноятларни уюштириб-режалаштириб, вазифаларини белгилаб бериб туради. АҚШ президентининг гаплари эса одамларни лақиллатишга уринишдан ўзга нарса эмас.

Аммо Обаманинг Ҳалабда бўлаётган қамални ўрта асрда бўлган ишларга ўхшатишига келсак, аллақачон яна бир ҳақиқатни эътиборга олмоқ они келган. Бу ҳақиқат шуки, АҚШ ҳам, бошқа мустамлакачи Ғарб давлатлари ҳам, Россия ҳам, барчаси бугун янги асрда ўша ўрта асрдаги қилмишларнинг айнан ўзини содир этишмоқда.

Роя газетасининг 2016 йил 10 август чоршанба кунги 90-сонидан