بِسْـــمِ اللهِ الرَّحْمٰـــنِ الرَّحِيـــم

Роя газетаси:

«إنَّ مِمَّا أَدْرَكَ النَّاسُ مِنْ كَلَامِ النُّبُوَّةِ الْأُولَى: إذَا لَمْ تَسْتَحِ فَاصْنَعْ مَا شِئْت»

«Одамларга етиб келган пайғамбарликнинг илк сўзларидан бири: уялмасанг, хоҳлаганингни қилавер, деган сўздир»

Ҳижрий 1439 йил 12 робиус-соний, милодий 2017 йил 30 январ шанба куни «Манор» канали сайти нашр қилган хабарда бундай дейилади:

«Туркия президенти Ражаб Тоййиб Эрдўған Сурия шимолидаги «терроризм йўлаги» барпо этилишини олдини олиш учун Туркия керакли барча саъй-ҳаракатларни сарфлашини ваъда берди.

Жума куни Африка сафаридан қайтаётиб, президентлик самолёти бортида журналистларга берган интервьюсида Эрдўған – айни дамда «Сурия шимолида Қўшма Штатлар ва баъзи Ғарб давлатларининг қўллаб-қувватлови остида терроризм йўлаги барпо этилаётгани»ни билдирди.

Туркиянинг «TRT» расмий каналига кўра, Эрдўған «Биз у ерда терроризм йўлаги ташкил этилишига асло йўл қўймаймиз ва албатта бунга қарши чораларни кўрамиз», деди».

Роя газетаси шарҳи:

Эрдўған Ислом Умматини аҳмоқ қилишга ҳаракат қилар экан, унинг нақадар юзсиз эканлиги кўриниб турибди. Зеро, у ўзини бир тарафдан Қўшма Штатларга қарши қилиб кўрсатиб, бошқа томондан Исломга қарши урушда фойдаланиши ва Шом аҳли бошига бомбалар ёғдириб, юртларини вайрон қилиши учун аэродромларини Америкага очиб берди. Мана, бугун қаршимизга чиқиб, «терроризм йўлаги» очилишига йўл қўймаслиги тўғрисида баёнот бермоқда. Ваҳоланки, у ва унинг режими бундай йўлакларни барпо этилишида Америкага ҳаммадан кўпроқ ёрдам бериб келган. Биз АҚШнинг сепаратчи «ПКК» кучларини «Давлат» ташкилотига қарши жанг қилиш учун Қандил тоғларидан Айнул-араб шаҳрига олиб келганини, буни нафақат Туркия ерлари орқали, балки Туркиянинг бевосита ёрдамида амалга оширганини унутганимиз йўқ. Америка таъсири остида ҳаракат қилувчи Эрдўған Туркияси фақат ва фақат шу мустамлакачи давлат буйруғини бажаради. Мусулмонлар бундай баландпарвоз баёнот ва қуруқ гапларни, алдаш мақсадида айтилаётганини кўриб турибди. Зеро, бу каби баёнотлардан Умматнинг золим режимлардан қутулиш учун олиб борадиган ҳаракатини йўқ қилиш кўзланган.

Лекин Эрдўған ва унинг ортидаги Америка макри – Аллоҳнинг изни ила – албатта барбод бўлади. Бугун уларнинг барча айблари очилиб, шармандаси чиқиб бўлди… Умматнинг амалий ҳаракати эса, бошланиш арафасида турибди, қисқа вақт ичида Америка ва унинг тобеларию малайларининг исломий юртлардаги нуфузларига мутлақ барҳам берилада.

Роя газетасининг 2017 йил 3 январ чоршанба кунги 163-сонидан