بسم الله الرحمن الرحيم

Ғолибликка эришиш учун интилайлик

وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنصُرُ مَن يَشَاءُ وَهُوَ الْعَزِيزُ الرَّحِيمُ

«Ўша кунда мўминлар Аллоҳ ғолиб қилгани сабабли шодланурлар, (Аллоҳ) Ўзи хоҳлаган кишини ғолиб қилади ва У қудратли, раҳмлидир»                     (Рум 4-5)

Атрофга қаранг, дунёга боқинг, кўзингизни катта очиб эътибор беринг, инсонлар ғолибликка интилишмоқда. Ўзингизга савол бериб кўринг, ғолибликка ишонасизми? Аҳамиятлиси, Аллоҳ ғолибликни ваъда қилди шунинг учун мўъминлар ғолиб бўлишларига ишонадилар. Қандай ғолиблик дейсизми? Хар жабхада, хар бир соҳада, хар бир ҳаракатда ва хар бир курашдаги ғолиблик. Аллоҳу Акбар!

Шу ерда яна саволлар бергимиз келди. Бугун, айни шу вақтда ҳам мўъминлар ғолиблик учун курашаётганини биласизми? Сиз ҳам курашябсизми? Ёки сиз ўзингизни ғолибликда яшаяпман деб биласизми? Мўъминлар ғолиблик учун курашаётган бўлса унда мағлублар кимлар? Ўзингизнинг ҳаракатларингизга қараб баҳо берингчи, ғолибликка интилаётган инсонга ўхшайсизми ёки бошқачами? Саволларимиз кўп, лекин сизда ҳам шу каби саволлар борми, ёки бундай саволлар сизни қизиқтирмайдими? Мўминлигимиз бу саволларни беришга ва шундай саволларнинг жавобига қизиқишга мажбур қилди. Бугун жамиятимизда мана шундай саволларни яна кимлар беряпти?

Яна бир бор огоҳлантирамиз шуни билингки мўъминлар хозир ҳам ғолиблик учун курашмоқдалар. Бугун бу кураш шиддатли тус олган, “жанг авжида”, бу жангда сизни ҳам ўрнингиз бор. Шунинг учун сиз қандай амал қилишингиздан қатъий назар бу курашнинг у ёғида ёки бу ёғида бўлаверасиз. Биз сизни мўъминлар томонда бўлишингизни хоҳлаймиз, лекин сиз ўзингиз қайси томонда бўлишни хоҳлайсиз? Айтдикки сиз қилаётган хар бир амалингиздан у ёқда ёки бу ёқда бўласиз, албатта хатто “мен курашда эмасман” деб сукут қилишингиз ҳам барибир сизнинг бу ишингизни қайсидир томон учун манфаатлироқ қилиб қўяверади, яъни сизни шу холатингиз қайсидир томонга манфаат келтираверади. Энди ўзингизнинг амалларингизни хисоб китоб қилиб кўринг. Сизнинг амалларингиз қайси томонга манфаат келтиряпти? Шуни билинг, йўл аниқ мавҳумликка ўрин йўқ.

Болалигимда қўшни ўртоғимнинг оғир касалликка чалинган бобоси бўлиб, у фақат ётар хатто ўтира олмас, зўрға нафас олиб, зўрға гапирар эди. Баъзи гапларини тушуниб ҳам бўлмасди. Бир куни ўртоғим билан ховлиларида ўйнаб юриб бобоси ётган супа ёнига бориб қолдик. Шунда бобосининг нималардир деяётганини эшитиб қолдим ва қизиқиб яқин бордим, аниқ эшитишга ҳаракат қилдим. Ўртоғимнинг фақат ётадиган, юриш тугул ўтира олмайдиган, худди оёқ қўли боғланган инсон каби бўлиб қолган, зўрға гапирадиган бобоси “Ла илаҳа иллоллоҳ Муҳаммадур росулуллоҳ” деб такрор ва такрор айтар эди.

Тушундимки, ўртоғимнинг бобоси ўз имконияти даржасида ғолиблик учун ҳаракат қилаётган экан. Сиз ҳам ўзингизнинг имкониятингиздан келиб чиқиб ғолиблик сари ҳаракат қилаётган бўлсангиз керак. Ха, ёдингиздан чиқарманг ғолиблик сари олиб борадиган йўлдан юриш осон бўлмайди, бу йўл Исломдан бошқасига кўнмасликни талаб қилади. Ғолиб бўла олишнинг шарти ҳам ана шунда.

Ҳизб ут-Таҳрирнинг Ўзбекистондаги медиа офиси Абдуллоҳ

22.04.2015й.