Олийжаноб кишилар кофир АҚШ макрини барбод қилиб Ироқни парчалаш режасини муваффақиятсизликка учратадилар
بِسْمِ اللَّـهِ الرَّحْمَـٰنِ الرَّحِيمِ
Роя газетаси:
Олийжаноб кишилар кофир АҚШ макрини барбод қилиб Ироқни парчалаш режасини муваффақиятсизликка учратадилар
Абдураҳмон Восиқ-Ироқ қаламига мансуб
Ироқни босиб олиш муайян сиёсий шароитда туғилган ғоядан келиб чиқмади. Шунингдек, бирор зўравон диктаторнинг ўз халқига зулм қилиши ва унга қарши халқнинг реакция билдириши, Американинг уларни қутқариш, устларидаги зўравонликдан фориғ этиш мақсадида армиясини сафарбар этиши натижасида келиб чиққани ҳам йўқ. Ҳатто бу босқинчилик корупциячи бир раҳбар ўрнига яхши раҳбарни алмаштириш мақсадидаги босқинчилик ҳам эмас. Йўқ, бу ердаги иш бутунлай бошқача. Бу золимона босқинчилик, АҚШ маъмуриятининг турли-туман воситалар орқали қўллаб-қувватлаб турган бир уюм иблисона режалар ва лойиҳалар маҳсулидир. Америка бу босқинчиликдан Ироқни шундай офат ва балолар гирдобига улоқтиришни кўзлаганки, уларнинг даҳшатидан гўдаклар оқсоқол қарияларга айланишлари ҳеч гап эмас.
وَقَدْ مَكَرُوا مَكْرَهُمْ وَعِندَ اللَّـهِ مَكْرُهُمْ وَإِن كَانَ مَكْرُهُمْ لِتَزُولَ مِنْهُ الْجِبَالُ
«Дарҳақиқат, улар ўз макр-ҳийлаларини қилдилар, (лекин) агар уларнинг макрлари сабабли тоғлар емирилиб кетадиган (даражада даҳшатли) бўлса-да, уларнинг (бу) макр-ҳийлалари Аллоҳ ҳузурида (маълумдир)» [Иброҳим 46]
Босқинчилар бутун кўч-кўронлари билан келишди, ақллари кашф этган ихтироларию капиталистик фикрларидан туғилган ҳавои-ҳавасларини ташиб келишди, юртда тилка-пора этишга қодир кучли қуроллари билан зўравонлик қилиш учун осийлик, золимлик ва ваҳшийлик ишларини содир этишди… Бу қилмишларнинг бари, яхшилик ва иззат-шараф юрти бўлмиш Ироқдаги ишларни томоша қилиб қўл қовуштириб ўтирган Ғарбу Шарқ миллатлари пешонасида қора доғ бўлиб қолди. Зеро, яхшилик ва иззат-шараф Ислом ва унинг ажойиб мусаффо ақидасидаги иззат-шарафдир, буюк аббосий Халифаликнинг пойтахти бўлган Ироқ иззат-шарафидир. Босқинчилар унинг мана шу нурафшон сифатлари ва мангу меросларини ўчиришни қасд қилишди, бойликларини, ресурсларини талашни исташди:
حَسَدًا مِّنْ عِندِ أَنفُسِهِم
«Ўзларидаги ҳасад сабабли (шундай қилишди)» [Бақара 109]
Бу босқинчи кофир Америка ўзининг тилка-пора қилишга қодир ҳарбий машинаси билангина кифояланмай, балки буларга ўзининг малай ҳукуматлари саъй-ҳаракатларини ҳам қўшди. Бу ҳукуматлар унинг Ироқда мустаҳкам ўрнашиши ва умри узун бўлиши… йўлида жон-олиб жон бериб ҳаракат қилишди. Энг олдинги сафда, асосан, Эрон билан Туркия турди. Шунингдек, бу ишга арабу ажам юртларидаги америкапарст ҳукуматлар ҳам қараб туришмади. Уларнинг ҳаммаси АҚШ босқинчилигига кўмаклашди. Мисол учун, Ироқ бошқарувининг аксар калитлари қўлида бўлган Эрон, унинг сиёсий қарорларига эгалик қилди. Бундан ташқари, ўзининг жангари кучлари билан машқ ўргатиш, қуроллантириш ва Хоманаий валийларига ихлос қилдириш учун Ироқ армияси кучлари устидан устунлик қилди! Туркия эса, босқинчилик миссиясига ўз ҳиссасини қўшиши учун Инжирликда ҳаво базаси очиб берди… Сурия ва Ироққа қарши режалаштирилган тартиблар асосида жангари галаларининг ва турли янги-янги қурол-аслаҳаларнинг ўтишидан кўзларини юмиб турди… Кейин эса Туркия ҳарбий кучлари Ироқ шарқидаги Баъшиқа ва Курдистон яқинидаги минтақаларга очиқдан-очиқ кириб борди, бунга Пешмерга кучлари ва қабила жангчиларига машқ ўргатиш, маслаҳат бериш, деган нарсани «ҳужжат» қилди, терроризмга қарши кураш, ИШИДни қувиб чиқариш, деган нарсани ниқоб қилди.
Туркиянинг Ироқ шимолидаги ҳарбий аралашувини Эрдўған, Йилдирим ва унинг ўринбосари Нўъмон Қуртулмуш сингари турк масъуллари бор кучлари билан ҳимоя қилишди. Партиялари ва гуруҳларининг эътирозларига ҳам, бу партиялар раҳбарларининг – бу аралашув Туркиянинг Ироқдаги манфаатларига зарба беришдир, биз бу ишни босқинчилик деган эътиборда халқаро Хавфсизлик Кенгашига тақдим этамиз, шу орқали кучларимизни у ердан олиб чиқишга мажбур қиламиз…, деган таҳдидларига ҳам парво қилишмади! Аксинча, бош вазир бунга «Турк кучлари Ироқда қолажак, Ироқ ҳукумати бунга нима деса-деяверсин», деган жавобни қилди. Ҳатто унинг ўринбосари Нўъмон Қуртулмуш ҳам «Модомики, Ироқ бўлиниб кетган экан, турк кучларининг Баъшиқада қолишига ҳеч кимнинг эътироз билдиришга ҳаққи йўқ», деди!
Ўз-ўзидан – Ироқда қолишга бунчалар қаттиқ туриш сабаби нимада, деган савол туғилади. Бунга жавоб икки жиҳатдан тайёр:
Биринчидан: Туркия ҳарбий аралашуви, АҚШнинг терроризмга қарши кураш ниқоби остида «Исломий Давлат» ташкилотини қувиш амалиёти муваффақиятига ҳисса қўшади. Шу орқали АҚШнинг демократлар партиясининг келаси сайловлардаги куч-қуввати ортишига ҳамда омадсиз президентлари Обаманинг узоқ йиллик бошқарувига қарамай, ўз рақиблари бўлган республикачилар қаршисида оёқ ости бўлган обрўсини бир оз бўлсада қайта тикланишига сабаб бўлади.
Иккинчидан: Туркия Ироқда туриши орқали, Американи рози қилиш учун Найнаво маркази Мосулни «Исломий Давлат» ташкилотидан озод қилганидан сўнг, у ердаги суннийлар вилоятини барпо этиш ҳаракатларини ўз назорати остига олишга ва яқиндан кузатиб туриш имкониятига эга бўлади. Бунга Эрдўған, Йилдирим ва Қуртулмушнинг берган қатор баёнотлари яққол далилдир. Улар жумладан бундай сўзларни айтишди: «Мосул шаҳридаги аҳоли бирикмасини ҳимоя қилиш керак… у ерда ўз вақтида бизнинг турли миллатдаги аҳлимиз бўлган», «У ерда мавжуд бўлиб туришимиз, минтақанинг демографик бирикмаси ўзгартирилишига куч билан йўл қўймасликдир… мақсадимиз, яна қайта инсоний азоб-уқубатлар юзага келмасин, яна қонлар оқмасин», «Туркиянинг Ироқда ҳарбий жиҳатдан туришдан мақсади, юрт қаттиқ бўлинишларни бошдан кечираётган бир пайтда, унинг барқарорлигини таъминлашдир… Туркиянинг бирор террорчи ташкилотнинг – Халқ Сафарбарлиги жангариларига ишора қиляпти – Ироқ инфраструктурасини, ва у ердаги демографияни издан чиқаришига йўл қўйиши мумкин эмас». Бу баёнотлардан Мосулни бошқаларга эмас, фақат мосулликларга қилиш кўзлангани кўриниб турибди! Бундан ташқари, америкаликлар, курдлар ва шиалар томонидан ҳам хатти-ҳаракатлар мавжудки, улар бу ҳаракатлари билан Найнаво саҳроларида насронийларга турли муҳофазалар, вилоятлар барпо этиш, Санжарни язидчиларга, Талъафарни шиа туркманларига барпо этишни кўзлашган. Ваҳоланки, бу ерлардаги аҳолининг бутунлай аксар қисми қадимги араблар, кўҳна араб қабилаларидан иборат.
Аммо Йилдиримнинг Бағдоднинг 63 нафар давлат кучларининг туришига сукут қила туриб, турк кучларига қарши чиқиши «нохолис қаршилик», деган гапига келсак, буни шундай тушуниш керак: Агар ажнабий кучлар, америкалик, британиялик, франциялик, канадалик каби кофир аскарлар бўлса, туришларига рухсат ва бунга терроризмга қарши курашувчи халқаро коалиция, деган тайёр дастак бор, улар ироқлик ҳукмдорларга худди зилол сув каби зарур. Аммо агар бу кучлар – масалан, турк аскарлари каби – мусулмон кучлар бўлса, бундан валиюл амр Хоманаий ҳазратларининг юраги сиқилгандек бўлади. Чунки турклар баъзи жанг майдонларида Эроннинг айрим режаларига халақит берган бўлишлари мумкин, натижада Хоманаийнинг юрак сиқилиши унинг соясига салом берувчи муридларига ҳам юқиб, уларнинг ҳам туркларга нисбатан юраклари сиқилган бўлиши мумкин. Албатта бу нопок-ифлос нафасдир. Чунки бу мазҳабпараст ҳукмдорларнинг Ироқда туркларнинг бўлишини ҳазм қилолмаётганига сабаб, туркларнинг сунний мазҳабига мансуб бўлганликларидир, ваҳоланки, турклар ҳам эронликлар каби, кофир Америкага хизматкор. Бундай иккиюзламачилик дардидан шиалар ҳам тузалган эмас… Йилдирим Ироқнинг турк кучларига қарши чиқиши «нохолис қаршилик», деганда ҳам мана шу нарсани назарда тутган бўлса керак. Шу ерда бир нарсани эслаш ўринли: содда шиалар афғон яҳудийси Зелмай Халилзод афғонистонлик шиалардан бўлгани учун доим уни «ўзимизнинг фарзандлардан», деб юришади!
Агар АҚШ курдлар вилояти мавжудлигига қарамай, суннийлар учун Найнаво вилоятини барпо этишга муваффақ бўлгудек бўлса, иш унинг фойдасига ҳал бўлади, бундан Аллоҳ асрасин. Нажафийлар, жабарийлар, матлакийлар каби сунний малайларини Ироқ ҳокимиятига олиб чиқиши мумкин… Бунга уни ундаган нарса, Ироқни федераллаштириш ҳамда у ерга келишдан кўзлаган ифлос ниятини тамомига етказиш сари ташлаган қадами ҳисобланади. Бу Ироқни бўлиб-парчалаб ташлаб, йўқ давлатга айлантириш ниятидир. Чунки Ироқ яҳудий ва насроний кофирлар бўғзига тиқилган суякдир… Бироқ бу ниятига етиши осон эмас. Чунки курдлар билан федератив ҳукумат ўртасидаги жанг жуда авжида. Уларнинг ҳаммаси Ироқ шимолидаги низоли, дея аталувчи кўплаб минтақаларга кўз тикишган. Илгари Барзоний курдлар қон билан озод этилган ерлардан осонликча воз кечмасликларини айтган… ва Найнаво ерларидан кўп қисмини қўлга киритишган… Демак, АҚШнинг бу ишига бутун Мосул аҳли қарши. Бу бир жиҳатдан. Бошқа жиҳатдан эса, араб томони билан курд томонининг иккаласи ҳам даъво қилаётган ишга шиа партиялари рози эмас. Ироқ Курдистони тақдири ва унинг мустақиллиги мавзуси айни низонинг навбатдагисидир. Бундан ташқари, нефтга бой Киркук курдлар улушими ёки Бағдод улушими, деган нарса ҳам бор ҳали. Шунингдек, аслида, ихтилоф Курдистон коалицияси қанотлари билан «ёғли жой»лар учун ҳаллослаб чопаётган кўпгина турли кимсалар ўртасида қаттиқ авж олган. Бу аҳволга айрим эронпарастлар ва Барзоний сингари Туркиянинг қўллаб-қувватловига эга бўлиш учун унга мулозамат кўрсатувчи кимсалар сабаб. Шундай бўлгач, бир-бири билан жанжаллашиб ётган, турли томонларга таянадиган ва шахсий манфаатларидан ўзга нарса қизиқтирмаётган томонлар Американи қандай рози қилсин? Шунингдек, юртда бу манфур босқинчиликка рози бўлмаган, унинг малайлари билан ҳамкорлик қилиш билан қўлларини ифлос қилишни истамайдиган, бу қоп-қора асрда амалга оширилган ишларнинг ҳаммасини рад этган инсонлар ҳам бор. Куфрга тиз чўкишдан нафратланувчи бу олийжаноб кишилар ҳаргиз сукут қилмайдилар. Улар Ислом Уммати орасидаги холис зотларга мададкор ва ёрдамчи бўлишга ҳар вақт ўзларини тайёр деб биладилар. Ана шунда Америка жуда баланд қояга кўтарилаётганини тушуниб етади, ўзи ҳам, унга имкониятлар яратиб, унинг очкўз амалини олқишлаб келган малайлари ҳам то оғир аламли қийинчиликларни енгиб ўтмагунларича, Америка бу ниятига етолмаслигини англайди. Зеро, уларнинг барчаси ҳар жойда мусулмонларга оғир қийинчиликлар етказди, зулм қилди…
Ҳар нарсадан олий ва ҳар ишга қодир Аллоҳдан Пайғамбарлик минҳожи асосидаги иккинчи рошид Халифалик лойиҳасини амалга оширишга ҳаракат қилаётган холис бандаларига Ўзининг мадад қўлини чўзишини сўраймиз. Токи, бу холис бандаларининг халифаси ҳаётни нажас кофирлардан покласин, ҳамма инсонлар динда ҳам, инсонийликда ҳам бир-бирларига биродар бўлишлари учун бутун халққа адолат ва яхшилик қалъасини барпо этсин.
وَمَا ذَٰلِكَ عَلَى اللَّـهِ بِعَزِيزٍ
«Бу иш Аллоҳ учун (ҳаргиз) мушкул эмас» [Иброҳим 20]
Роя газетасининг 2016 йил 11 октябр чоршанба кунги 99-сонидан
